Kona féll í sprungu í Heiðmörk

Rétt fyrir klukkan sjö í kvöld voru þrjár björgunarsveitir á höfuðborgarsvæðinu kallaðar út vegna konu sem hafði fallið í sprungu í Búrfellsgjá við Heiðmörk.

Viðbragðsaðilar og björgunarsveitir eru á leiðinni á vettvang.

Stuttu eftir að útkall barst vegna konunar í Heiðmörk óskuðu ferðalangar á Heklu eftir aðstoð þar sem þeir voru orðnir blautir og hraktir eftir að tjaldið þeirra hafði fokið.

Björgunarsveitir á Suðurlandi hafa verið boðaðar út í það verkefni.