Hver er þessi Erik Hamrén sem er að taka við Íslandi? Óskar Ófeigur Jónsson skrifar 7. ágúst 2018 14:15 Erik Hamrén stappar stálinu í Oscar Lewicki, eikmann sænska landsliðsins. Vísir/Getty Svíinn Erik Hamrén er að fara að taka við íslenska landsliðinu en á því leikur enginn vafi ennþá þótt að KSÍ sé ekki búið að staðfesta ráðninguna. Blaðamannafundurinn er á morgun. En hver er þessi Erik Hamrén sem er væntanlega að taka við Íslandi? Erik Hamrén hélt upp á 61 árs afmælið sitt á dögunum og hefur undanfarið starfað sem yfirmaður knattspyrnumála hjá suður-afríska félaginu Mamelodi Sundowns. Hamrén hefur mikla reynslu, bæði af því að þjálfa landslið og að þjálfa félagslið. Hann hefur unnið titla í þremur löndum. Svíþjóð, Danmörku og Noregi þar af gerði hann lið bæði að dönskum og norskum meisturum. Hamrén sló hins vegar fyrst í gegn sem þjálfari sænska liðsins AIK en undir hans stjórn varð AIK bikarmeistari tvö ár í röð frá 1996 til 1997. AIK undir stjórn Hamrén mætti KR í Evrópukeppni bikarhafa haustið 1996. AIK vann fyrri leikinn á Laugardalsvelli 1-0 en sá síðari ytra fór 1-1 þar sem Guðmundur Benediktsson jafnaði metin fyrir KR með snyrtilegu marki seint í leiknum.Hamrén gerði einnig Örgryte IS að sænskum bikarmeisturum árið 2000. Hamrén færði sig yfir til Danmerkur árið 2004 og fjórum árum seinna gerði hann AaB Fodbold að dönskum meisturum. Hamrén tók í framhaldinu við norska félaginu Rosenborg BK og gerði liðið tvisvar að norskum meisturum áður en hann hætti og gerðist landsliðsþjálfari Svía.Vísir/GettySvíar leituðu til Erik Hamrén eftir að Lars Lagerbäck hætti með sænska landsliðið árið 2009. Lagerbäck var þá búinn að vera með sænska landsliðið í meira en áratug sem aðstoðarþjálfari (1998-1999) eða aðalþjálfari (2000-2009). Hamrén þjálfaði sænska landsliðið í sjö ár og fór með liðið bæði inn á EM 2012 og EM 2016. Sænska liðið komst ekki í úrslitakeppni HM 2014 en sat þá eftir í riðli þar sem voru líka verðandi heimsmeistarar Þýskalands. Svíar komust í umspilið en féllu út á móti Portúgal. Eftir að Erik Hamrén hætti með sænska landsliðið eftir EM 2016 þá tók hann aftur við Örgryte í smá tíma (kláraði 2017 tímabilið) og gerðist svo yfirmaður knattspyrnumála hjá Mamelodi Sundowns í Suður-Afríku. Það er auðvelt að bera Erik Hamrén saman við landa sinn Lars Lagerbäck enda margt líkt með þeim félögum þegar þeir taka við íslenska landsliðinu. Þeir eru hins vegar ólíkir persónuleikar. Lars Lagerbäck þekkjum við sem algjört ljúfmenni sem vann hug og hjörtu íslensku þjóðarinnar með almennilegri og flekkrausri framkomu auk þess að breyta íslenska landsliðinu úr einu af þeim slökustu í Evrópu í lið sem komst í átta liða úrslit á EM. Erik Hamrén þykir verða harðari og grimmari týpa en Lars og verður seint kallaður eitthvað ljúfmenni. Það verður til dæmis fróðlegt að sjá hvaða línu hann leggur íslenskum blaðamönnum sem áttu mjög gott samstarf við Lars Lagerbäck og Heimi Hallgrímssyni. Lars Lagerbäck fann fljótt besta leikstíl íslenska landsliðsins og eftir að hann fann hann þá var ekki mikið um breytingar. Liðið spilaði 4-4-2 kerfið og Lars útfærði það til að nýta sem best kosti íslensku leikmannanna. Það var heldur ekki mikið um breytingar í leikmannahópnum og íslenska liðið byrjaði sem dæmi alla leiki sína á EM 2016 með sömu ellefu menn.Vísir/GettyHamrén er þekktari fyrir að breyta miklu oftar um leikmenn. Ef menn standa sig ekki eða úrslitin eru ekki hagstæð er mjög líklegt að hann muni henda mönnum inn og út úr liðinu. Breiddin er vissulega minni hjá Íslandi en ráðning Hamrén gæti opnað dyrnar fyrir nýja menn. Erik Hamrén spilaði fyrst 4-2-3-1 kerfið með sænska landsliðinu en færði sig svo yfir í 4-4-2. Það vakti nokkra athygli þegar hann lét sænska landsliðið spila mjög sókndjarfan bolta í undankeppni EM 2016 en mætti svo með mjög varnarsinnaða og varfærnislegan leikstíl í úrslitakeppnina þar sem Svíar náðu aðeins í 1 stig af 9 mögulegum. Sænska landsliðið fór þá frá því að skora 19 mörk í 12 leikjum í undankeppninni í það að skora aðeins 1 mark í þremur leikjum í úrslitakeppni EM. Þessir þrír leikir á EM í Frakklandi urðu líka þrír síðustu leikir Erik Hamrén með sænska landsliðið. Erik Hamrén mun væntanlega ætla að skrifa sína eigin sögu með íslenska landsliðið. Það bíður hans það erfiða verkefni að fylgja eftir fyrstu tveimur stórmótum íslenska karlalandsliðsins og það er stutt í fyrsta leik í Þjóðadeildinni. Þegar Lars Lagerbäck tók við var eina leiðin upp en núna mun reyna á alla við að halda íslenska landsliðinu á þeim stalli sem liðið hefur komist undanfarin ár. EM 2020 í fótbolta Þjóðadeild UEFA Tengdar fréttir Aron Einar: Ég treysti KSÍ alveg fyrir þessu og er spenntur að vinna með öðrum Svía Aron Einar Gunnarsson, fyrirliði íslenska karlalandsliðsins í knattspyrnu er ánægður með fyrirhugaða ráðningu Hamren. 7. ágúst 2018 08:30 Freyr líklegur aðstoðarþjálfari Hamren Freyr Alexandersson er í viðræðum við Knattspyrnusamband Íslands um að taka við stöðu aðstoðarþjálfara karlalandsliðsins. Fótbolti.net greindi frá þessu í dag. 7. ágúst 2018 13:13 Fyrrum vinnuveitandi Hamren staðfestir að hann taki við Íslandi Erik Hamren verður næsti landsliðsþjálfari Íslands í fótbolta ef marka má Twitter-færslu fyrrum vinnuveitanda hans í kvöld. 6. ágúst 2018 21:24 86 prósent segja að Erik Hamrén sé ekki rétti kosturinn fyrir Ísland Aftonbladet í Svíþjóð setti af stað könnun hjá sér í dag þar sem blaðið spurði lesendur sína á netinu hvort það væri rétt hjá Knattspyrnusamband Íslands að ráða Erik Hamrén sem landsliðsþjálfara. 7. ágúst 2018 13:30 KSÍ boðar til fundar: Verður Hamren kynntur sem nýr landsliðsþjálfari? Knattspyrnusamband Íslands hefur boðað til blaðamannafundar í hádeginu á morgun. Efni fundarins er þjálfaramál A landsliðs karla. 7. ágúst 2018 14:02 Mest lesið Líflátshótunum rignir yfir Víkinga: „Djöfull er þetta lasið“ Fótbolti Tiger svaf ekki eftir morðtilræðið gegn Trump Golf Einn sá skrautlegasti mættur á Opna breska Golf „Getur ennþá orðið stórkostlegt tímabil“ Fótbolti Heimsleikarnir gætu byrjað klukkan sex um morguninn Sport Segja að Alexander-Arnold sé opinn fyrir því að fara til Real Madrid Enski boltinn Víkingar með augun á leik í Albaníu í kvöld Fótbolti McIlroy hunsaði Tiger óvart í mánuð Sport Frakkar í mál og vesen hjá Chelsea vegna rasískra söngva Argentínumanna Enski boltinn Enska sambandið vill Guardiola og er tilbúið að bíða Enski boltinn Fleiri fréttir FIFA hefur rannsókn á rasískum söngvum Argentínumanna Enska sambandið vill Guardiola og er tilbúið að bíða Víkingar með augun á leik í Albaníu í kvöld Frá Liverpool beint í teymi Flick Cecilía Rán spilar með Internazionale í vetur Luka Modric framlengir samning sinn við Real Madrid Liðsfélagi Hákonar á leið til United Fer frá Barcelona til Chelsea Segja að Alexander-Arnold sé opinn fyrir því að fara til Real Madrid Wiegman gaf lítið fyrir það að hún gæti tekið við enska karlalandsliðinu Líflátshótunum rignir yfir Víkinga: „Djöfull er þetta lasið“ Sjáðu vítaklúður Nikolaj Hansen og mörkin í gær „Það var alltaf hugmyndin, þannig að mission completed“ Como viðurkennir að leikmaður liðsins hafi kallað Hwang Jackie Chan „Getur ennþá orðið stórkostlegt tímabil“ Neville vill enskan þjálfara fyrir landsliðið Frakkar í mál og vesen hjá Chelsea vegna rasískra söngva Argentínumanna Uppgjörið: Shamrock Rovers - Víkingur 2-1 | Víti í súginn í uppbótartíma og Víkingar úr leik Englendingar á EM en Svíar og Norðmenn þurfa í umspil Þorsteinn: Ég held að maður geti ekki farið fram á meira „Náði að pota honum með löngu leggjunum“ Fjör hjá Víkingum í Dublin Markvörðurinn sótti skóflu og fyllti upp í holu á vellinum Byrjunarlið Íslands: Fjórar breytingar frá sigrinum mikilvæga Uppgjör: Pólland - Ísland 0-1 | Glæsimark Sveindísar dugði til sigurs „Ég held að allir geri sér grein fyrir því hvað er í húfi“ Fasískir tilburðir í fagnaðarlátum spænska landsliðsins í Madríd „England er heimili fótboltans“ Kristall Máni framlengir í Danmörku Forseti FA er með bráðabirgðalausn ef leitin að eftirmanni gengur illa Sjá meira
Svíinn Erik Hamrén er að fara að taka við íslenska landsliðinu en á því leikur enginn vafi ennþá þótt að KSÍ sé ekki búið að staðfesta ráðninguna. Blaðamannafundurinn er á morgun. En hver er þessi Erik Hamrén sem er væntanlega að taka við Íslandi? Erik Hamrén hélt upp á 61 árs afmælið sitt á dögunum og hefur undanfarið starfað sem yfirmaður knattspyrnumála hjá suður-afríska félaginu Mamelodi Sundowns. Hamrén hefur mikla reynslu, bæði af því að þjálfa landslið og að þjálfa félagslið. Hann hefur unnið titla í þremur löndum. Svíþjóð, Danmörku og Noregi þar af gerði hann lið bæði að dönskum og norskum meisturum. Hamrén sló hins vegar fyrst í gegn sem þjálfari sænska liðsins AIK en undir hans stjórn varð AIK bikarmeistari tvö ár í röð frá 1996 til 1997. AIK undir stjórn Hamrén mætti KR í Evrópukeppni bikarhafa haustið 1996. AIK vann fyrri leikinn á Laugardalsvelli 1-0 en sá síðari ytra fór 1-1 þar sem Guðmundur Benediktsson jafnaði metin fyrir KR með snyrtilegu marki seint í leiknum.Hamrén gerði einnig Örgryte IS að sænskum bikarmeisturum árið 2000. Hamrén færði sig yfir til Danmerkur árið 2004 og fjórum árum seinna gerði hann AaB Fodbold að dönskum meisturum. Hamrén tók í framhaldinu við norska félaginu Rosenborg BK og gerði liðið tvisvar að norskum meisturum áður en hann hætti og gerðist landsliðsþjálfari Svía.Vísir/GettySvíar leituðu til Erik Hamrén eftir að Lars Lagerbäck hætti með sænska landsliðið árið 2009. Lagerbäck var þá búinn að vera með sænska landsliðið í meira en áratug sem aðstoðarþjálfari (1998-1999) eða aðalþjálfari (2000-2009). Hamrén þjálfaði sænska landsliðið í sjö ár og fór með liðið bæði inn á EM 2012 og EM 2016. Sænska liðið komst ekki í úrslitakeppni HM 2014 en sat þá eftir í riðli þar sem voru líka verðandi heimsmeistarar Þýskalands. Svíar komust í umspilið en féllu út á móti Portúgal. Eftir að Erik Hamrén hætti með sænska landsliðið eftir EM 2016 þá tók hann aftur við Örgryte í smá tíma (kláraði 2017 tímabilið) og gerðist svo yfirmaður knattspyrnumála hjá Mamelodi Sundowns í Suður-Afríku. Það er auðvelt að bera Erik Hamrén saman við landa sinn Lars Lagerbäck enda margt líkt með þeim félögum þegar þeir taka við íslenska landsliðinu. Þeir eru hins vegar ólíkir persónuleikar. Lars Lagerbäck þekkjum við sem algjört ljúfmenni sem vann hug og hjörtu íslensku þjóðarinnar með almennilegri og flekkrausri framkomu auk þess að breyta íslenska landsliðinu úr einu af þeim slökustu í Evrópu í lið sem komst í átta liða úrslit á EM. Erik Hamrén þykir verða harðari og grimmari týpa en Lars og verður seint kallaður eitthvað ljúfmenni. Það verður til dæmis fróðlegt að sjá hvaða línu hann leggur íslenskum blaðamönnum sem áttu mjög gott samstarf við Lars Lagerbäck og Heimi Hallgrímssyni. Lars Lagerbäck fann fljótt besta leikstíl íslenska landsliðsins og eftir að hann fann hann þá var ekki mikið um breytingar. Liðið spilaði 4-4-2 kerfið og Lars útfærði það til að nýta sem best kosti íslensku leikmannanna. Það var heldur ekki mikið um breytingar í leikmannahópnum og íslenska liðið byrjaði sem dæmi alla leiki sína á EM 2016 með sömu ellefu menn.Vísir/GettyHamrén er þekktari fyrir að breyta miklu oftar um leikmenn. Ef menn standa sig ekki eða úrslitin eru ekki hagstæð er mjög líklegt að hann muni henda mönnum inn og út úr liðinu. Breiddin er vissulega minni hjá Íslandi en ráðning Hamrén gæti opnað dyrnar fyrir nýja menn. Erik Hamrén spilaði fyrst 4-2-3-1 kerfið með sænska landsliðinu en færði sig svo yfir í 4-4-2. Það vakti nokkra athygli þegar hann lét sænska landsliðið spila mjög sókndjarfan bolta í undankeppni EM 2016 en mætti svo með mjög varnarsinnaða og varfærnislegan leikstíl í úrslitakeppnina þar sem Svíar náðu aðeins í 1 stig af 9 mögulegum. Sænska landsliðið fór þá frá því að skora 19 mörk í 12 leikjum í undankeppninni í það að skora aðeins 1 mark í þremur leikjum í úrslitakeppni EM. Þessir þrír leikir á EM í Frakklandi urðu líka þrír síðustu leikir Erik Hamrén með sænska landsliðið. Erik Hamrén mun væntanlega ætla að skrifa sína eigin sögu með íslenska landsliðið. Það bíður hans það erfiða verkefni að fylgja eftir fyrstu tveimur stórmótum íslenska karlalandsliðsins og það er stutt í fyrsta leik í Þjóðadeildinni. Þegar Lars Lagerbäck tók við var eina leiðin upp en núna mun reyna á alla við að halda íslenska landsliðinu á þeim stalli sem liðið hefur komist undanfarin ár.
EM 2020 í fótbolta Þjóðadeild UEFA Tengdar fréttir Aron Einar: Ég treysti KSÍ alveg fyrir þessu og er spenntur að vinna með öðrum Svía Aron Einar Gunnarsson, fyrirliði íslenska karlalandsliðsins í knattspyrnu er ánægður með fyrirhugaða ráðningu Hamren. 7. ágúst 2018 08:30 Freyr líklegur aðstoðarþjálfari Hamren Freyr Alexandersson er í viðræðum við Knattspyrnusamband Íslands um að taka við stöðu aðstoðarþjálfara karlalandsliðsins. Fótbolti.net greindi frá þessu í dag. 7. ágúst 2018 13:13 Fyrrum vinnuveitandi Hamren staðfestir að hann taki við Íslandi Erik Hamren verður næsti landsliðsþjálfari Íslands í fótbolta ef marka má Twitter-færslu fyrrum vinnuveitanda hans í kvöld. 6. ágúst 2018 21:24 86 prósent segja að Erik Hamrén sé ekki rétti kosturinn fyrir Ísland Aftonbladet í Svíþjóð setti af stað könnun hjá sér í dag þar sem blaðið spurði lesendur sína á netinu hvort það væri rétt hjá Knattspyrnusamband Íslands að ráða Erik Hamrén sem landsliðsþjálfara. 7. ágúst 2018 13:30 KSÍ boðar til fundar: Verður Hamren kynntur sem nýr landsliðsþjálfari? Knattspyrnusamband Íslands hefur boðað til blaðamannafundar í hádeginu á morgun. Efni fundarins er þjálfaramál A landsliðs karla. 7. ágúst 2018 14:02 Mest lesið Líflátshótunum rignir yfir Víkinga: „Djöfull er þetta lasið“ Fótbolti Tiger svaf ekki eftir morðtilræðið gegn Trump Golf Einn sá skrautlegasti mættur á Opna breska Golf „Getur ennþá orðið stórkostlegt tímabil“ Fótbolti Heimsleikarnir gætu byrjað klukkan sex um morguninn Sport Segja að Alexander-Arnold sé opinn fyrir því að fara til Real Madrid Enski boltinn Víkingar með augun á leik í Albaníu í kvöld Fótbolti McIlroy hunsaði Tiger óvart í mánuð Sport Frakkar í mál og vesen hjá Chelsea vegna rasískra söngva Argentínumanna Enski boltinn Enska sambandið vill Guardiola og er tilbúið að bíða Enski boltinn Fleiri fréttir FIFA hefur rannsókn á rasískum söngvum Argentínumanna Enska sambandið vill Guardiola og er tilbúið að bíða Víkingar með augun á leik í Albaníu í kvöld Frá Liverpool beint í teymi Flick Cecilía Rán spilar með Internazionale í vetur Luka Modric framlengir samning sinn við Real Madrid Liðsfélagi Hákonar á leið til United Fer frá Barcelona til Chelsea Segja að Alexander-Arnold sé opinn fyrir því að fara til Real Madrid Wiegman gaf lítið fyrir það að hún gæti tekið við enska karlalandsliðinu Líflátshótunum rignir yfir Víkinga: „Djöfull er þetta lasið“ Sjáðu vítaklúður Nikolaj Hansen og mörkin í gær „Það var alltaf hugmyndin, þannig að mission completed“ Como viðurkennir að leikmaður liðsins hafi kallað Hwang Jackie Chan „Getur ennþá orðið stórkostlegt tímabil“ Neville vill enskan þjálfara fyrir landsliðið Frakkar í mál og vesen hjá Chelsea vegna rasískra söngva Argentínumanna Uppgjörið: Shamrock Rovers - Víkingur 2-1 | Víti í súginn í uppbótartíma og Víkingar úr leik Englendingar á EM en Svíar og Norðmenn þurfa í umspil Þorsteinn: Ég held að maður geti ekki farið fram á meira „Náði að pota honum með löngu leggjunum“ Fjör hjá Víkingum í Dublin Markvörðurinn sótti skóflu og fyllti upp í holu á vellinum Byrjunarlið Íslands: Fjórar breytingar frá sigrinum mikilvæga Uppgjör: Pólland - Ísland 0-1 | Glæsimark Sveindísar dugði til sigurs „Ég held að allir geri sér grein fyrir því hvað er í húfi“ Fasískir tilburðir í fagnaðarlátum spænska landsliðsins í Madríd „England er heimili fótboltans“ Kristall Máni framlengir í Danmörku Forseti FA er með bráðabirgðalausn ef leitin að eftirmanni gengur illa Sjá meira
Aron Einar: Ég treysti KSÍ alveg fyrir þessu og er spenntur að vinna með öðrum Svía Aron Einar Gunnarsson, fyrirliði íslenska karlalandsliðsins í knattspyrnu er ánægður með fyrirhugaða ráðningu Hamren. 7. ágúst 2018 08:30
Freyr líklegur aðstoðarþjálfari Hamren Freyr Alexandersson er í viðræðum við Knattspyrnusamband Íslands um að taka við stöðu aðstoðarþjálfara karlalandsliðsins. Fótbolti.net greindi frá þessu í dag. 7. ágúst 2018 13:13
Fyrrum vinnuveitandi Hamren staðfestir að hann taki við Íslandi Erik Hamren verður næsti landsliðsþjálfari Íslands í fótbolta ef marka má Twitter-færslu fyrrum vinnuveitanda hans í kvöld. 6. ágúst 2018 21:24
86 prósent segja að Erik Hamrén sé ekki rétti kosturinn fyrir Ísland Aftonbladet í Svíþjóð setti af stað könnun hjá sér í dag þar sem blaðið spurði lesendur sína á netinu hvort það væri rétt hjá Knattspyrnusamband Íslands að ráða Erik Hamrén sem landsliðsþjálfara. 7. ágúst 2018 13:30
KSÍ boðar til fundar: Verður Hamren kynntur sem nýr landsliðsþjálfari? Knattspyrnusamband Íslands hefur boðað til blaðamannafundar í hádeginu á morgun. Efni fundarins er þjálfaramál A landsliðs karla. 7. ágúst 2018 14:02