Rikki G hleypur tíu kílómetra í kleinuhringjabúningi og landsliðsmenn dæla peningum í málefnið Stefán Árni Pálsson skrifar 14. ágúst 2018 10:30 Aron Pálmarsson og Aron Einar hafa gefið 250.000 krónur í söfnun Rikka. Ríkharð Óskar Guðnason, dagskrárstjóri FM957 og íþróttalýsari hjá Stöð 2 Sport, ætlar að taka þátt í Reykjavíkurmaraþoni Íslandsbanka á laugardaginn og mun hann hlaupa klæddur í kleinuhringjabúning. Egill Einarsson, betur þekktur sem Gillz, byrjaði á sínum tíma að kalla Rikka G kleinuhringinn og hefur stundum gengið svo langt að kalla hann kleinuhringjadraslið. Gælunafnið hefur náð ágætis fótfestu og er til að mynda komin sjeik á veitingastaðnum Shake & Pizza sem ber einfaldlega nafnið Kleinuhringurinn, en þar má sjá mynd af Rikka sjálfum. Til að byrja með ætlaði Ríkharð að taka skemmtiskokkið og hlaupa þrjá kílómetra í búningnum, en þá fóru margir að skora á hann að taka tíu kílómetra. Landsliðsfyrirliðinn Aron Einar Gunnarsson lofaði til að mynda 150.000 krónum til stuðnings Rikka ef hann færi tíu kílómetra og handboltamaðurinn Aron Pálmarsson hefur lofað 100.000 krónum. Rikki ætlar að hlaupa fyrir Ljónshjarta sem er stuðningsfélag fyrir ungt fólk sem hefur misst maka og börn þeirra. Hann setti sér það markmið að safna 500.000 krónum og þá myndi hann hlaupa í kleinuhringjabúningi.En er Ríkharð stressaður fyrir verkefninu?„Stressaður og ekki stressaður. Þessa vegalengd hef ég ekki hlaupið í háa herrans tíð. Skrokkurinn er ekki upp á sitt besta svo það er spennu- og kvíðahnútur í maganum að hlaupa þessa vegalengd í þessum kleinuhring,“ segir Rikki G sem hefur undanfarin ár einbeitt sér mest að golfinu og þykir hann mjög góður á því sviði. „Helsta ástæðan að ég tók þessa ákvörðun um að lengja hlaupið eru vinir mínir og þjálfarinn minn Auðunn Blöndal sem hafa lesið yfir mér fyrir að hafa ætlað að hlaupa svona stutt. Svo stækkaði þessi snjóbolti þegar besti handboltamaður Íslands og landsliðsfyrirliði Íslands í fótbolta, þeir Aron Pálmarsson og Aron Einar Gunnarsson settu extra pressu á mig. Þeir ætluðu að styrkja mig og þetta málefni ef ég myndi hunskast 10 kílómetra. Þá var í raun ekki aftur snúið og er sú vegalengd hér með staðfest.“ Rikki er mjög þakklátur atvinnumönnunum tveimur. „Ég þakka þeim kærlega fyrir að hafa trú á því að ég rúlli upp 10 kílómetrum og þeirra framlag í þessa söfnun. Einnig þakka ég Table vinum mínum sérstaklega fyrir að koma mér af stað og þeirra framlag í söfnunina. Hins vegar skipta upphæðir litlu máli. Þetta telur allt og er ég öllu því góða fólki mjög þakklátur fyrir stuðninginn og ætla mér að ná þessu á góðum tíma,“ segir Rikki að lokum en hann er partur af Facebook-vinahópi sem kallar sig The Table og kom hugmyndin upphaflega frá þeim. Reykjavíkurmaraþon Mest lesið Fundu ástina á ný eftir skilnað Lífið Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið „Þetta er enginn helvítis félagskvíði, það bara þolir mig enginn“ Áskorun Sjáðu myndirnar frá Ungfrú Ísland Lífið Búið spil Lífið Sunneva og Tanja ræða lýtaaðgerðirnar sínar Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sóldís Vala er Ungfrú Ísland Lífið Fleiri fréttir Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Ætlar að verða léttur, ljúfur og kátur afi Allt í keng: „Veiðigleraugun eru okkar hjálmur“ Ungfrú Ísland í dag: „Saman geta konur sigrað heiminn“ Gunnar Nelson mætti á golfbíl „Get tekið hart á sjálfri mér þegar mér mistekst“ Sjá meira
Ríkharð Óskar Guðnason, dagskrárstjóri FM957 og íþróttalýsari hjá Stöð 2 Sport, ætlar að taka þátt í Reykjavíkurmaraþoni Íslandsbanka á laugardaginn og mun hann hlaupa klæddur í kleinuhringjabúning. Egill Einarsson, betur þekktur sem Gillz, byrjaði á sínum tíma að kalla Rikka G kleinuhringinn og hefur stundum gengið svo langt að kalla hann kleinuhringjadraslið. Gælunafnið hefur náð ágætis fótfestu og er til að mynda komin sjeik á veitingastaðnum Shake & Pizza sem ber einfaldlega nafnið Kleinuhringurinn, en þar má sjá mynd af Rikka sjálfum. Til að byrja með ætlaði Ríkharð að taka skemmtiskokkið og hlaupa þrjá kílómetra í búningnum, en þá fóru margir að skora á hann að taka tíu kílómetra. Landsliðsfyrirliðinn Aron Einar Gunnarsson lofaði til að mynda 150.000 krónum til stuðnings Rikka ef hann færi tíu kílómetra og handboltamaðurinn Aron Pálmarsson hefur lofað 100.000 krónum. Rikki ætlar að hlaupa fyrir Ljónshjarta sem er stuðningsfélag fyrir ungt fólk sem hefur misst maka og börn þeirra. Hann setti sér það markmið að safna 500.000 krónum og þá myndi hann hlaupa í kleinuhringjabúningi.En er Ríkharð stressaður fyrir verkefninu?„Stressaður og ekki stressaður. Þessa vegalengd hef ég ekki hlaupið í háa herrans tíð. Skrokkurinn er ekki upp á sitt besta svo það er spennu- og kvíðahnútur í maganum að hlaupa þessa vegalengd í þessum kleinuhring,“ segir Rikki G sem hefur undanfarin ár einbeitt sér mest að golfinu og þykir hann mjög góður á því sviði. „Helsta ástæðan að ég tók þessa ákvörðun um að lengja hlaupið eru vinir mínir og þjálfarinn minn Auðunn Blöndal sem hafa lesið yfir mér fyrir að hafa ætlað að hlaupa svona stutt. Svo stækkaði þessi snjóbolti þegar besti handboltamaður Íslands og landsliðsfyrirliði Íslands í fótbolta, þeir Aron Pálmarsson og Aron Einar Gunnarsson settu extra pressu á mig. Þeir ætluðu að styrkja mig og þetta málefni ef ég myndi hunskast 10 kílómetra. Þá var í raun ekki aftur snúið og er sú vegalengd hér með staðfest.“ Rikki er mjög þakklátur atvinnumönnunum tveimur. „Ég þakka þeim kærlega fyrir að hafa trú á því að ég rúlli upp 10 kílómetrum og þeirra framlag í þessa söfnun. Einnig þakka ég Table vinum mínum sérstaklega fyrir að koma mér af stað og þeirra framlag í söfnunina. Hins vegar skipta upphæðir litlu máli. Þetta telur allt og er ég öllu því góða fólki mjög þakklátur fyrir stuðninginn og ætla mér að ná þessu á góðum tíma,“ segir Rikki að lokum en hann er partur af Facebook-vinahópi sem kallar sig The Table og kom hugmyndin upphaflega frá þeim.
Reykjavíkurmaraþon Mest lesið Fundu ástina á ný eftir skilnað Lífið Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið „Þetta er enginn helvítis félagskvíði, það bara þolir mig enginn“ Áskorun Sjáðu myndirnar frá Ungfrú Ísland Lífið Búið spil Lífið Sunneva og Tanja ræða lýtaaðgerðirnar sínar Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sóldís Vala er Ungfrú Ísland Lífið Fleiri fréttir Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Ætlar að verða léttur, ljúfur og kátur afi Allt í keng: „Veiðigleraugun eru okkar hjálmur“ Ungfrú Ísland í dag: „Saman geta konur sigrað heiminn“ Gunnar Nelson mætti á golfbíl „Get tekið hart á sjálfri mér þegar mér mistekst“ Sjá meira