Nýkrýndir Íslandsmeistarar Breiðabliks enduðu tímabilið í Pepsi deild kvenna á tapi fyrir Val í lokaumferð deildarinnar. Berglind Björg Þorvaldsdóttir tryggði sér gullskóinn með tveimur mörkum.
Breiðablik hafði nú þegar tryggt sér sigurinn í deildinni fyrir lokaumferðina og var því ekkert um að kepp nema heiðurinn þegar liðið mætti á Hlíðarenda í dag.
Valskonur skoruðu tvö mörk í fyrri hálfleik og leiddu 2-0 í leikhléi, Dóra María Lárusdóttir og Málfríður Erna Sigurðardóttir gerðu mörkin. Fanndís Friðriksdóttir kom Val í 3-0 á 57. mínútu.
Berglind Björg Þorvaldsdóttir var markahæst í deildinni fyrir lokaumferðina og hún tryggði sér gullskóinn með því að skora tvö mörk fyrir Blika. Hún náði þó ekki þrennunni, lokatölur urðu 3-2 á Origovellinum að Hlíðarenda.
Grindavík og FH voru bæði fallin niður í Inkasso deildina fyrir þessa lokaumferð. Liðin mættust suður með sjó og hafði Grindavík betur 2-0.
Stjarnan sigraði Þór/KA 2-0 í Garðabæ í síðasta leik Ólafs Þórs Guðbjörnssonar með liðið, Selfoss hafði betur í Suðurlandsslag við ÍBV og markalaust jafntefli var í leik HK/Víkings og KR í Víkinni.
Úrslit dagsins í Pepsi deild kvenna:
Valur - Breiðablik 3-2
Grindavík - FH 2-0
Selfoss - ÍBV 1-0
Stjarnan - Þór/KA 2-0
HK/Víkingur - KR 0-0
Valskonur unnu nýkrýnda Íslandsmeistara │Berglind fær gullskóinn
Ástrós Ýr Eggertsdóttir skrifar

Mest lesið

„Sorgardagur fyrir Manchester City“
Enski boltinn

Blikar mættu með málningarpenslana í garðinn hjá Gylfa
Íslenski boltinn


Fær ekki að dæma vegna samskiptaörðugleika
Körfubolti

„Erum í basli undir körfunni“
Körfubolti



Finnur Freyr framlengdi til 2028
Körfubolti


„Það erfiðasta er ennþá eftir“
Körfubolti