Bannað að auglýsa óhollustu Stefán Ó. Jónsson skrifar 23. nóvember 2018 15:02 Á þessari lestarstöð verður engin óhollusta auglýst eftir þrjá mánuði. Getty/Waring Abbott Bannað verður að auglýsa óhollustu í almenningssamgöngukerfi Lundúna frá og með febrúar á næsta ári. Bannið tekur til flestra sykraðra drykkja, hamborgara, súkkulaðis og saltaðra hneta og nær til lesta-, sporvagna- og strætókerfis borgarinnar. Skyndibitakeðjur munu þó áfram geta auglýst eftir að bannið, sem borgarstjóri Lundúna kynnti til sögunnar, tekur gildi. Þær mega þó aðeins auglýsa vörur sem ætla megi að teljist í hollari kantinum; svo sem ósaltaðar hnetur, rúsínur og sykurlausa drykkir. Keðjunum verður þó óheimilt að birta auglýsingar sem aðeins samanstanda af vörumerki (e. logo) þeirra eða eru til þess eins fallnar að koma nafni keðjunnar á framfæri. Talsmenn auglýsingageirans þar í landi hafa mótmælt banninu og bent á að með því verði almenningssamgöngur borgarinnar af tugum milljóna punda á ári hverju. Það geti vart talist æskilegt, í ljósi þess að almenningssamgöngur Lundúna eru þegar undirfjármagnaðar.Þrír mánuðir fyrir 35 milljónir Borgarstjórinn Sadiq Khan er þó hvergi banginn enda benda skoðanakannanir til að íbúar Lundúna styðji auglýsingabannið. Hann minnir efasemdamenn í auglýsingabransanum á að skyndibitastöðum verði áfram heimilt að auglýsa í lestum og strætisvögnum - svo lengi sem þeir gera hollari valkostum sínum hærra undir höfði. Engu að síður er formaður samtaka sem gæta hagsmuna breskra auglýsingastofa ekki sannfærður. Haft er eftir Justin Cochrane á vef The Guardian að ólíklegt verði að teljast að almenningssamgöngukerfi borgarinnar nái að brúa hið 35 milljón punda bil sem mun skapast eftir að auglýsendum óhollustu verður úthýst. Ekki sé útilokað að það muni gerast með tíð og tíma en hinn þriggja mánaða fyrirvari sé of knappur fyrir Sadiq Khan og félaga til að selja öll auglýsingaplássin sem munu óneitanlega losna með tilkomu bannsins. Þá gefur hann einnig lítið fyrir tölfræði þess efnis að um 37% breskra barna á aldrinum 10 til 11 ára séu í ofþyngd. „Það eru engar sannanir fyrir því að auglýsingabann auðveldi baráttuna gegn ofþyngd barna. Við störfum nú þegar eftir mörgum siðareglum,“ er haft eftir Cochrane. Búist er við því að fleiri stórborgir fylgi í fótspor Lundúna. Er þar nærtækast að nefna Amsterdam, sem þegar hefur kynnt sambærilegt bann. Bretland Mest lesið Icelandair hækkað um ríflega fjórðung Viðskipti innlent Hagnaður félags Björns Braga dróst verulega saman Viðskipti innlent Óvíða sem flugstarfsemi er jafn stór þáttur í efnahagslífi þjóðar Viðskipti innlent Átta sagt upp hjá Arion banka Viðskipti innlent Sátt Eimskipa við Samkeppniseftirlitið kom Samskipum ekki við Viðskipti innlent Gengu langt í að vinna að lausn þótt bíllinn væri ekki í ábyrgð Neytendur „Myndi alveg segja að hjartað í mér hafi verið í buxunum“ Atvinnulíf Ummæli seðlabankastjóra „skringileg“ Viðskipti innlent Kærasta rafmyntamógúls í fangelsi vegna FTX-svikanna Viðskipti erlent Rúv tapað nærri hálfum milljarði á árinu Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Bannað verður að auglýsa óhollustu í almenningssamgöngukerfi Lundúna frá og með febrúar á næsta ári. Bannið tekur til flestra sykraðra drykkja, hamborgara, súkkulaðis og saltaðra hneta og nær til lesta-, sporvagna- og strætókerfis borgarinnar. Skyndibitakeðjur munu þó áfram geta auglýst eftir að bannið, sem borgarstjóri Lundúna kynnti til sögunnar, tekur gildi. Þær mega þó aðeins auglýsa vörur sem ætla megi að teljist í hollari kantinum; svo sem ósaltaðar hnetur, rúsínur og sykurlausa drykkir. Keðjunum verður þó óheimilt að birta auglýsingar sem aðeins samanstanda af vörumerki (e. logo) þeirra eða eru til þess eins fallnar að koma nafni keðjunnar á framfæri. Talsmenn auglýsingageirans þar í landi hafa mótmælt banninu og bent á að með því verði almenningssamgöngur borgarinnar af tugum milljóna punda á ári hverju. Það geti vart talist æskilegt, í ljósi þess að almenningssamgöngur Lundúna eru þegar undirfjármagnaðar.Þrír mánuðir fyrir 35 milljónir Borgarstjórinn Sadiq Khan er þó hvergi banginn enda benda skoðanakannanir til að íbúar Lundúna styðji auglýsingabannið. Hann minnir efasemdamenn í auglýsingabransanum á að skyndibitastöðum verði áfram heimilt að auglýsa í lestum og strætisvögnum - svo lengi sem þeir gera hollari valkostum sínum hærra undir höfði. Engu að síður er formaður samtaka sem gæta hagsmuna breskra auglýsingastofa ekki sannfærður. Haft er eftir Justin Cochrane á vef The Guardian að ólíklegt verði að teljast að almenningssamgöngukerfi borgarinnar nái að brúa hið 35 milljón punda bil sem mun skapast eftir að auglýsendum óhollustu verður úthýst. Ekki sé útilokað að það muni gerast með tíð og tíma en hinn þriggja mánaða fyrirvari sé of knappur fyrir Sadiq Khan og félaga til að selja öll auglýsingaplássin sem munu óneitanlega losna með tilkomu bannsins. Þá gefur hann einnig lítið fyrir tölfræði þess efnis að um 37% breskra barna á aldrinum 10 til 11 ára séu í ofþyngd. „Það eru engar sannanir fyrir því að auglýsingabann auðveldi baráttuna gegn ofþyngd barna. Við störfum nú þegar eftir mörgum siðareglum,“ er haft eftir Cochrane. Búist er við því að fleiri stórborgir fylgi í fótspor Lundúna. Er þar nærtækast að nefna Amsterdam, sem þegar hefur kynnt sambærilegt bann.
Bretland Mest lesið Icelandair hækkað um ríflega fjórðung Viðskipti innlent Hagnaður félags Björns Braga dróst verulega saman Viðskipti innlent Óvíða sem flugstarfsemi er jafn stór þáttur í efnahagslífi þjóðar Viðskipti innlent Átta sagt upp hjá Arion banka Viðskipti innlent Sátt Eimskipa við Samkeppniseftirlitið kom Samskipum ekki við Viðskipti innlent Gengu langt í að vinna að lausn þótt bíllinn væri ekki í ábyrgð Neytendur „Myndi alveg segja að hjartað í mér hafi verið í buxunum“ Atvinnulíf Ummæli seðlabankastjóra „skringileg“ Viðskipti innlent Kærasta rafmyntamógúls í fangelsi vegna FTX-svikanna Viðskipti erlent Rúv tapað nærri hálfum milljarði á árinu Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira