Skrifar kynferðislega tilburði sína á vinnustaðamenningu Stefán Ó. Jónsson skrifar 4. desember 2018 12:43 Stofnandi Ted Baker, Ray Kelvin, er þekktur fyrir að láta lítið fyrir sér fara. Myndir sem þessar, þar sem ekki sést fullkomlega í andlit hans, eru því algengar í alþjóðlegum myndabönkum. Getty/Astrid Stawiar Stjórn tískuvöruframleiðandans Ted Baker hefur ákveðið að skipa rannsóknarnefnd til að kanna ásakanir starfsmanna á hendur stofnanda fyrirtækisins, Ray Kelvin. Fregnirnar hafa leitt til hríðlækkunar á hlutabréfaverði í fyrirtækinu. Um 300 einstaklingar, sem ýmist eru núverandi eða fyrrverandi starfsmenn Ted Baker, rituðu nafn sitt við kvörtun þar sem fyrrnefndum stofnanda var gefið að sök að hafa hagað sér með ósæmilegum hætti í þeirra garð. Er Ray Kelvin meðal annars sagður hafa kysst eyru þeirra, nuddað axlir, farið fram á að þeir settust í kjöltu hans og faðmað þá án samþykkis. Auk þess er stofnandinn sagður hafa látið margvísleg kynferðisleg og óþægilega tvíræð ummæli falla um starfsmenn sína. Í yfirlýsingu sem fyrirtækið sendi frá sér vegna málsins, og reifuð er á vef The Guardian, segir að stjórn þess, sem og Kelvin sjálfur, hafi ætíð stært sig af því að Ted Baker sé góður vinnustaður. Af þeim sökum líti fyrirtækið þessar ásakanir alvarlegum augum og að boðað hafi verið til óháðrar rannsóknar. Niðurstöður hennar verði svo notaðar til að ákvarða næstu skref. Haft er eftir einum fyrrverandi starfsmenn Ted Baker, sem sagði upp fyrr á þessu ári, að stofnandinn hafi reglulega faðmað sig án þess að fá til þess samþykki. Þar að auki á hann að hafa nuddað axlir starfsmannsins í fjölmargra vitna viðurvist í höfuðstöðvum fyrirtækisins. Honum hafi þótt það lítillækkandi.Hér ber að líta hluta af haust og vetrarlínu Ted Baker í fyrra.Getty/Neilson Barnard„Þetta var ekki eins og faðmlög á milli vina sem vara kannski í eina til tvær sekúndur. Þau stóðu alltaf augljóslega of lengi yfir,“ er haft eftir starfsmanninum í Guardian. Hann bætir við að auk þess hafi ekki verið hægt að rífa sig lausan úr faðmlögunum. Stofnandinn sé ekki aðeins stæðilegur heldur leiddi valdaójafnvægið til þess að starfsmenn þorðu síður að láta óþægindi sín í ljós. Kelvin, sem stofnaði Ted Baker árið 1988, hefur ekki viljað tjá sig um þessa ásakanir en haft var eftir honum í viðtali sem tekið var síðastliðið sumar að hann hafi aldrei neytt starfsmenn til að setjast í kjöltu hans. Hann segir marga hafa tyllt sér í kjöltu föður hans á sínum tíma enda hafi það hreinlega þótti vinalegt á uppvaxtarárum sínum. Faðmlög og önnur heilbrigð nánd hafi lengi verið lykilþáttur í vinnustaðamenningu Ted Baker. Kelvin segir að sama skapi ekki hægt að gera þá kröfu að hann umbylti tilveru sinni á einni nóttu þó svo að fólk sé farið að líta ákveðna hegðun, sem hafi kannski lengi þótt í lagi, öðrum augum en áður. Fregnirnar af rannsóknarnefndinni eru sagðar bera meginábyrgðina á hruni hlutabréfaverðs í Ted Baker. Við opnun kauphallarinnar í Lundúnum í gær féllu bréfin um næstum 13 prósent. Ted Baker rekur alls um 490 verslanir um allan heim og hefur heildarvelta fyrirtækisins verið næstum 100 milljarðar íslenskra króna á þessu ári. Bretland Tíska og hönnun Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Staðreyndum snúið á hvolf til að eigna ríkisstjórninni verðbólguna Viðskipti innlent Seðlabankinn hafi ekki önnur úrræði en að lækka vexti Viðskipti innlent Litlu fyrirtækin: Upplifa sjálfbærni sem aukavinnu og vesen Atvinnulíf Tónleikastöðum fækkar: „Þetta er bara sorgleg þróun“ Viðskipti innlent Telja minni líkur á samdrætti í ferðaþjónustu með aukinni kortaveltu Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur „Svartir sauðir“: Neytendasamtökin vara fólk við því að versla við sjö nafngreind fyrirtæki Neytendur „Allt að því galið“ að taka ekki þátt í séreignarsparnaði Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Stjórn tískuvöruframleiðandans Ted Baker hefur ákveðið að skipa rannsóknarnefnd til að kanna ásakanir starfsmanna á hendur stofnanda fyrirtækisins, Ray Kelvin. Fregnirnar hafa leitt til hríðlækkunar á hlutabréfaverði í fyrirtækinu. Um 300 einstaklingar, sem ýmist eru núverandi eða fyrrverandi starfsmenn Ted Baker, rituðu nafn sitt við kvörtun þar sem fyrrnefndum stofnanda var gefið að sök að hafa hagað sér með ósæmilegum hætti í þeirra garð. Er Ray Kelvin meðal annars sagður hafa kysst eyru þeirra, nuddað axlir, farið fram á að þeir settust í kjöltu hans og faðmað þá án samþykkis. Auk þess er stofnandinn sagður hafa látið margvísleg kynferðisleg og óþægilega tvíræð ummæli falla um starfsmenn sína. Í yfirlýsingu sem fyrirtækið sendi frá sér vegna málsins, og reifuð er á vef The Guardian, segir að stjórn þess, sem og Kelvin sjálfur, hafi ætíð stært sig af því að Ted Baker sé góður vinnustaður. Af þeim sökum líti fyrirtækið þessar ásakanir alvarlegum augum og að boðað hafi verið til óháðrar rannsóknar. Niðurstöður hennar verði svo notaðar til að ákvarða næstu skref. Haft er eftir einum fyrrverandi starfsmenn Ted Baker, sem sagði upp fyrr á þessu ári, að stofnandinn hafi reglulega faðmað sig án þess að fá til þess samþykki. Þar að auki á hann að hafa nuddað axlir starfsmannsins í fjölmargra vitna viðurvist í höfuðstöðvum fyrirtækisins. Honum hafi þótt það lítillækkandi.Hér ber að líta hluta af haust og vetrarlínu Ted Baker í fyrra.Getty/Neilson Barnard„Þetta var ekki eins og faðmlög á milli vina sem vara kannski í eina til tvær sekúndur. Þau stóðu alltaf augljóslega of lengi yfir,“ er haft eftir starfsmanninum í Guardian. Hann bætir við að auk þess hafi ekki verið hægt að rífa sig lausan úr faðmlögunum. Stofnandinn sé ekki aðeins stæðilegur heldur leiddi valdaójafnvægið til þess að starfsmenn þorðu síður að láta óþægindi sín í ljós. Kelvin, sem stofnaði Ted Baker árið 1988, hefur ekki viljað tjá sig um þessa ásakanir en haft var eftir honum í viðtali sem tekið var síðastliðið sumar að hann hafi aldrei neytt starfsmenn til að setjast í kjöltu hans. Hann segir marga hafa tyllt sér í kjöltu föður hans á sínum tíma enda hafi það hreinlega þótti vinalegt á uppvaxtarárum sínum. Faðmlög og önnur heilbrigð nánd hafi lengi verið lykilþáttur í vinnustaðamenningu Ted Baker. Kelvin segir að sama skapi ekki hægt að gera þá kröfu að hann umbylti tilveru sinni á einni nóttu þó svo að fólk sé farið að líta ákveðna hegðun, sem hafi kannski lengi þótt í lagi, öðrum augum en áður. Fregnirnar af rannsóknarnefndinni eru sagðar bera meginábyrgðina á hruni hlutabréfaverðs í Ted Baker. Við opnun kauphallarinnar í Lundúnum í gær féllu bréfin um næstum 13 prósent. Ted Baker rekur alls um 490 verslanir um allan heim og hefur heildarvelta fyrirtækisins verið næstum 100 milljarðar íslenskra króna á þessu ári.
Bretland Tíska og hönnun Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Staðreyndum snúið á hvolf til að eigna ríkisstjórninni verðbólguna Viðskipti innlent Seðlabankinn hafi ekki önnur úrræði en að lækka vexti Viðskipti innlent Litlu fyrirtækin: Upplifa sjálfbærni sem aukavinnu og vesen Atvinnulíf Tónleikastöðum fækkar: „Þetta er bara sorgleg þróun“ Viðskipti innlent Telja minni líkur á samdrætti í ferðaþjónustu með aukinni kortaveltu Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur „Svartir sauðir“: Neytendasamtökin vara fólk við því að versla við sjö nafngreind fyrirtæki Neytendur „Allt að því galið“ að taka ekki þátt í séreignarsparnaði Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
„Svartir sauðir“: Neytendasamtökin vara fólk við því að versla við sjö nafngreind fyrirtæki Neytendur
„Svartir sauðir“: Neytendasamtökin vara fólk við því að versla við sjö nafngreind fyrirtæki Neytendur