Sarri: Ef Hazard getur ekki ákveðið sig þarf félagið að gera það fyrir hann

Maurizio Sarri vill binda enda á allar vangaveltur um framtíð Eden Hazard hjá Chelsea.

Mikið hefur verið rætt um mögulegt brotthvarf Hazard frá Chelsea en hann er ítrekað orðaður við Real Madrid. Samningur Belgans við Lundúnaliðið rennur út í júní 2020.

„Við þurfum að laga þetta vandamál ef við viljum gera áætlanir til framtíðar,“ sagði Sarri.

„Ef hann getur ekki ákveðið sig getur félagið ákveðið sig fyrir hann.“

Sarri vildi þó ekki segja að hann gæti ýtt á Hazard að vera áfram á Stamford Bridge, hann hafi ekki valdið til þess.

Hazard verður líklega á sínum stað í byrjunarliði Chelsea gegn Crystal Palace í hádeginu, leikur liðanna hefst klukkan 12:00.