Stóriðjuskóli Norðuráls– gott dæmi um árangursríka símenntun Hörður Baldvinsson skrifar 6. mars 2018 07:00 Frá árinu 2012 hefur Norðurál á Grundartanga starfrækt stóriðjuskóla sem hefur það að markmiði að auka þekkingu og færni starfsfólks og jafnframt að efla starfsánægju og sjálfstraust þess. Skólinn er einn þriggja stóriðjuskóla á landinu, hinir eru reknir af Reyðaráli á Reyðarfirði í samstarfi við Austurbrú og Rio Tinto í Straumsvík í samstarfi við Mími símenntun. Í öllum þessum þremur stóriðjuskólum er kennt samkvæmt námsskrá frá Fræðslumiðstöð atvinnulífsins sem kallast “Nám í stóriðju”. Stóriðjuskóli Norðuráls er gott dæmi um vel heppnaða og árangursríka símenntun þar sem kennslan fer að stórum hluta fram innan veggja fyrirtækisins. Símenntunarmiðstöð Vesturlands heldur utan um námið í nánu samstarfi við Norðurál og þannig nýtist vel annars vegar þekking starfsfólks Símenntunarmiðstöðvarinnar og hins vegar fagþekking hjá Norðuráli.Að láta gamlan draum rætast Stóriðjuskólinn er tvískiptur. Annars vegar þriggja anna grunnnám og hins vegar tveggja anna framhaldsnám. Grunnnámið, sem er ætlað ófaglærðu starfsfólki, má meta til allt að 34 eininga í framhaldsskóla. Þeir sem hafa lokið grunnnáminu geta haldið áfram og einnig stendur framhaldsnámið menntuðum iðnaðarmönnum í fyrirtækinu til boða. Í hverjum námshópi eru 15-18 nemendur og hefur reyndin verið sú að meirihluti þeirra sem lýkur grunnnáminu sækist eftir að komast áfram í framhaldsnámið. Almennt hafa nemendur verið afar áhugasamir og eflst á námstímanum. Margir þeirra hafa ekki setið á skólabekk svo árum eða áratugum skiptir, sumir fóru út á vinnumarkaðinn að loknum grunnskóla og luku því ekki framhaldsskóla. Það sama á við um nemendur Stóriðjuskólans og marga nemendur sem sækja sér nám hjá símenntunarmiðstöðvunum; stærsta skrefið er að taka ákvörðun um að láta slag standa, að skrá sig til náms. Þessi ósýnilegi þröskuldur reynist mörgum erfiður en þegar óttinn við að setjast á skólabekk er að baki eykst sjálfstraustið og gleðin við að hafa látið gamlan draum rætast.Fjölbreytt nám Þó svo að kennt sé samkvæmt sömu námsskrá í stóriðjuskólunum þremur er áherslan í náminu mismunandi og tekur mið af þörfum hvers fyrirtækis. Kennsluefni fyrir Stóriðjuskóla Norðuráls hefur verið lagað að þörfum fyrirtækisins. Dæmi um námskeið í honum má nefna samskipti, stærðfræði, tölvunotkun, vélfræði, eðlisfræði, efnafræði, rafeindafræði, umhverfis- og öryggismál, eldföst efni og gæðastjórnun, stýritækni og vökvatækni. Auk námsins innan veggja Norðuráls fara nemendur í heimsóknir í fyrirtæki, t.d. til birgja Norðuráls til að kynna sér vörur eða búnað sem Norðurál nýtir sér í sinni starfsemi. Kennslan er í höndum fagaðila frá Norðuráli, starfsfólks Símenntunarmiðstöðvar Vesturlands og kennara frá Fjölbrautaskóla Vesturlands á Akranesi. Liður í náminu eru viðtöl náms- og starfsráðgjafa Símenntunarmiðstöðvarinnar við þátttakendur.Fjórðungur nemenda Stóriðjuskóla Norðuráls hefur farið í frekara nám Árangurinn af Stóriðjuskóla Norðuráls er að mínu mati ótvíræður. Á þeim sex árum sem liðin eru síðan skólinn var settur á stofn hafa um 120 nemendur lokið þar námi. Og það sem ekki síður er ánægjulegt er að fjórðungur nemenda skólans hefur farið í frekara nám – t.d. á námsbrautina Menntastoðir, í framhaldsskóla (iðn- eða bóknám) eða á háskólabrú. Það er því augljóst að Stóriðjuskólinn er ákveðinn stökkpallur til frekara náms. Sú staðreynd að svo margir af útskrifuðum nemendum í Stóriðjuskóla Norðuráls hafa farið í frekara nám segir mér að námið þar hafi án nokkurs vafa ýtt undir áhuga nemenda til þess að halda áfram. Ég tel einnig að þessar tölur gefi skýrt til kynna að markviss símenntun inni í fyrirtækjunum skilar miklum árangri. Reynslan af Stóriðjuskóla Norðuráls undirstrikar að þegar allir þeir sem að málinu koma leggjast á eitt verður útkoman góð fyrir fyrirtækið, starfsfólk þess og þar með samfélagið allt.Höfundur er verkefnastjóri hjá Símenntunarmiðstöð Vesturlands, sem á aðild að Kvasi – samtökum fræðslu- og símenntunarstöðva Viltu birta grein á Vísi? Sendu okkur póst. Senda grein Mest lesið Halldór 27.07.2024 Halldór Baldursson Halldór Glútenlaust nesti - djöfulsins lúxus! Anna Gunndís Guðmundsdóttir Skoðun ÉG ÞORI! Inga Sæland Skoðun Færeyingar vissulega til fyrirmyndar Hjörtur J. Guðmundsson Skoðun Hæstvirtur forsætisráðherra Opið bréf til Sigmundar Davíðs Gunnlaugssonar Kári Stefánsson Skoðun Carnivore: Kransæðastífla og skínandi fínir kviðvöðvar? Guðrún Nanna Egilsdóttir ,Dögg Guðmundsdóttir Skoðun Pawel og bronsið Ragnar Þór Pétursson Skoðun Stýrivextir verða að lækka Fjóla Einarsdóttir Skoðun Hvar endar þetta? Reynir Böðvarsson Skoðun Heilbrigð skynsemi Einar Scheving Skoðun Skoðun Skoðun Færeyingar vissulega til fyrirmyndar Hjörtur J. Guðmundsson skrifar Skoðun Glútenlaust nesti - djöfulsins lúxus! Anna Gunndís Guðmundsdóttir skrifar Skoðun ÉG ÞORI! Inga Sæland skrifar Skoðun Hver er hún þessi drusla? Guðmunda G. Guðmundsdóttir skrifar Skoðun Börn eða bissness Bryndís Jónsdóttir skrifar Skoðun Carnivore: Kransæðastífla og skínandi fínir kviðvöðvar? Guðrún Nanna Egilsdóttir ,Dögg Guðmundsdóttir skrifar Skoðun Pawel og bronsið Ragnar Þór Pétursson skrifar Skoðun Stýrivextir verða að lækka Fjóla Einarsdóttir skrifar Skoðun Heilbrigð skynsemi Einar Scheving skrifar Skoðun Hvar endar þetta? Reynir Böðvarsson skrifar Skoðun Höfðu algerlega rétt fyrir sér Hjörtur J. Guðmundsson skrifar Skoðun Íslenskar getraunir og ólögleg veðmálafyrirtæki Pétur Hrafn Sigurðsson skrifar Skoðun Hættustig Gauti Kristmannsson skrifar Skoðun Minnkandi ábati stýrivaxta á verðbólgu Aron Heiðar Steinsson skrifar Skoðun Hún var kölluð drusla Guðmunda G. Guðmundsdóttir skrifar Skoðun Til fyrirmyndar? Sverrir Björnsson skrifar Skoðun Tölum endilega íslensku, takk Ólafur Guðsteinn Kristjánsson skrifar Skoðun Les(mis)skilningur Miðflokksmanna Helgi Brynjarsson skrifar Skoðun Kennarinn sem breytti lífi þínu Þorbjörg Sigríður Gunnlaugsdóttir skrifar Skoðun Tímabært að stokka spilin og gefa upp á nýtt Maarten Haijer skrifar Skoðun Cut The Crap! Davíð Bergmann skrifar Skoðun Hvað finnst þér? Bryndís Víglundsdóttir skrifar Skoðun Víðátta og margbreytni hins sjötta skilningarvits Matthildur Björnsdóttir skrifar Skoðun Þegar kennarinn verður dómari Pawel Bartoszek skrifar Skoðun Tíminn vinnur ekki með þeim Hjörtur J. Guðmundsson skrifar Skoðun Frestun á afgreiðslu Samgönguáætlunar er fagnaðarefni Björn Bjarki Þorsteinsson skrifar Skoðun Tvíeggja tækni: Hvernig má nýta stafræna tækni í kennslu? Halldóra Lillý Jóhannsdóttir skrifar Skoðun Blekking goðsagna Matthildur Björnsdóttir skrifar Skoðun Í sambandi við Suðurnesin Steinunn Þorsteinsdóttir skrifar Skoðun Fyrirhyggja er besta vörnin - vegna CrowdStrike atviksins 19. júlí 2024 Arnar Freyr Guðmundsson skrifar Sjá meira
Frá árinu 2012 hefur Norðurál á Grundartanga starfrækt stóriðjuskóla sem hefur það að markmiði að auka þekkingu og færni starfsfólks og jafnframt að efla starfsánægju og sjálfstraust þess. Skólinn er einn þriggja stóriðjuskóla á landinu, hinir eru reknir af Reyðaráli á Reyðarfirði í samstarfi við Austurbrú og Rio Tinto í Straumsvík í samstarfi við Mími símenntun. Í öllum þessum þremur stóriðjuskólum er kennt samkvæmt námsskrá frá Fræðslumiðstöð atvinnulífsins sem kallast “Nám í stóriðju”. Stóriðjuskóli Norðuráls er gott dæmi um vel heppnaða og árangursríka símenntun þar sem kennslan fer að stórum hluta fram innan veggja fyrirtækisins. Símenntunarmiðstöð Vesturlands heldur utan um námið í nánu samstarfi við Norðurál og þannig nýtist vel annars vegar þekking starfsfólks Símenntunarmiðstöðvarinnar og hins vegar fagþekking hjá Norðuráli.Að láta gamlan draum rætast Stóriðjuskólinn er tvískiptur. Annars vegar þriggja anna grunnnám og hins vegar tveggja anna framhaldsnám. Grunnnámið, sem er ætlað ófaglærðu starfsfólki, má meta til allt að 34 eininga í framhaldsskóla. Þeir sem hafa lokið grunnnáminu geta haldið áfram og einnig stendur framhaldsnámið menntuðum iðnaðarmönnum í fyrirtækinu til boða. Í hverjum námshópi eru 15-18 nemendur og hefur reyndin verið sú að meirihluti þeirra sem lýkur grunnnáminu sækist eftir að komast áfram í framhaldsnámið. Almennt hafa nemendur verið afar áhugasamir og eflst á námstímanum. Margir þeirra hafa ekki setið á skólabekk svo árum eða áratugum skiptir, sumir fóru út á vinnumarkaðinn að loknum grunnskóla og luku því ekki framhaldsskóla. Það sama á við um nemendur Stóriðjuskólans og marga nemendur sem sækja sér nám hjá símenntunarmiðstöðvunum; stærsta skrefið er að taka ákvörðun um að láta slag standa, að skrá sig til náms. Þessi ósýnilegi þröskuldur reynist mörgum erfiður en þegar óttinn við að setjast á skólabekk er að baki eykst sjálfstraustið og gleðin við að hafa látið gamlan draum rætast.Fjölbreytt nám Þó svo að kennt sé samkvæmt sömu námsskrá í stóriðjuskólunum þremur er áherslan í náminu mismunandi og tekur mið af þörfum hvers fyrirtækis. Kennsluefni fyrir Stóriðjuskóla Norðuráls hefur verið lagað að þörfum fyrirtækisins. Dæmi um námskeið í honum má nefna samskipti, stærðfræði, tölvunotkun, vélfræði, eðlisfræði, efnafræði, rafeindafræði, umhverfis- og öryggismál, eldföst efni og gæðastjórnun, stýritækni og vökvatækni. Auk námsins innan veggja Norðuráls fara nemendur í heimsóknir í fyrirtæki, t.d. til birgja Norðuráls til að kynna sér vörur eða búnað sem Norðurál nýtir sér í sinni starfsemi. Kennslan er í höndum fagaðila frá Norðuráli, starfsfólks Símenntunarmiðstöðvar Vesturlands og kennara frá Fjölbrautaskóla Vesturlands á Akranesi. Liður í náminu eru viðtöl náms- og starfsráðgjafa Símenntunarmiðstöðvarinnar við þátttakendur.Fjórðungur nemenda Stóriðjuskóla Norðuráls hefur farið í frekara nám Árangurinn af Stóriðjuskóla Norðuráls er að mínu mati ótvíræður. Á þeim sex árum sem liðin eru síðan skólinn var settur á stofn hafa um 120 nemendur lokið þar námi. Og það sem ekki síður er ánægjulegt er að fjórðungur nemenda skólans hefur farið í frekara nám – t.d. á námsbrautina Menntastoðir, í framhaldsskóla (iðn- eða bóknám) eða á háskólabrú. Það er því augljóst að Stóriðjuskólinn er ákveðinn stökkpallur til frekara náms. Sú staðreynd að svo margir af útskrifuðum nemendum í Stóriðjuskóla Norðuráls hafa farið í frekara nám segir mér að námið þar hafi án nokkurs vafa ýtt undir áhuga nemenda til þess að halda áfram. Ég tel einnig að þessar tölur gefi skýrt til kynna að markviss símenntun inni í fyrirtækjunum skilar miklum árangri. Reynslan af Stóriðjuskóla Norðuráls undirstrikar að þegar allir þeir sem að málinu koma leggjast á eitt verður útkoman góð fyrir fyrirtækið, starfsfólk þess og þar með samfélagið allt.Höfundur er verkefnastjóri hjá Símenntunarmiðstöð Vesturlands, sem á aðild að Kvasi – samtökum fræðslu- og símenntunarstöðva
Carnivore: Kransæðastífla og skínandi fínir kviðvöðvar? Guðrún Nanna Egilsdóttir ,Dögg Guðmundsdóttir Skoðun
Skoðun Carnivore: Kransæðastífla og skínandi fínir kviðvöðvar? Guðrún Nanna Egilsdóttir ,Dögg Guðmundsdóttir skrifar
Skoðun Tvíeggja tækni: Hvernig má nýta stafræna tækni í kennslu? Halldóra Lillý Jóhannsdóttir skrifar
Skoðun Fyrirhyggja er besta vörnin - vegna CrowdStrike atviksins 19. júlí 2024 Arnar Freyr Guðmundsson skrifar
Carnivore: Kransæðastífla og skínandi fínir kviðvöðvar? Guðrún Nanna Egilsdóttir ,Dögg Guðmundsdóttir Skoðun