Bills komst um síðustu helgi í úrslitakeppni NFL-deildarinnar í fyrsta sinn síðan 1999. Til þess að komast þangað þurfti Buffalo að vinna sinn leik og treysta á aðstoð frá Cincinnati Bengals gegn Baltimore Ravens.
Sú aðstoð kom á lokasekúndunum frá Bengals sem vann leikinn á dramatískan hátt og skaut Bills um leið í úrslitakeppnina. Gleðin í Buffalo var ósvikin.
Bills hafði lofað því að gefa Bengals kjúklingavængi ef liðið myndi leggja Baltimore. Að sjálfsögðu var staðið við það.
Ekki bara fóru 1.440 vængir til Cincinnati heldur líka mörg kíló af sósum, sellerí og gulrótum. Það verður því veisla í Cincinnati er vængirnir skila sér.
Úrslitakeppni NFL-deildarinnar hefst annað kvöld og verða allir leikirnir í úrslitakeppninni í beinni útsendingu á sportstöðvum Stöðvar 2.
Our friends at Duff's are hitting the road to Cincinnati tonight with:
— Buffalo Bills (@buffalobills) January 5, 2018
1440 wings
90 lbs of celery
30 lbs of carrots
6 gallons of blue cheese
9 gallons of Duff's wing sauce
And a TON of thank you's from Buffalo! #GoBills
See you soon, @Bengals! pic.twitter.com/ijYi9m8r1y
