Konur stöðva heiminn á alþjóðlegum baráttudegi Kristín Ólafsdóttir skrifar 8. mars 2018 13:00 Kona mótmælir kynferðisofbeldi í Búkarest, höfuðborg Rúmeníu, á alþjóðlegum baráttudegi kvenna, 8. mars 2018. Vísir/AFP Alþjóðlegum baráttudegi kvenna er fagnað um allan heim í dag 8. mars. Hér á landi er dagurinn haldinn hátíðlegur með ýmiss konar samkomum og fjöldafundum en saga hans er samofin verkalýðshreyfingunni og friðarboðskap. Saga alþjóðlegs baráttudags kvenna er rakin á vef Kvennasögusafnsins. Þar segir m.a. að hugmyndin að sérstökum baráttudegi kvenna sé eignuð þýsku kvenréttindakonunni og sósíalistanum Clöru Zetkin. Árið 1977, eftir nokkurra áratuga deyfð í kvenréttindabaráttu í Evrópu og víðar, var 8. mars valinn alþjóðlegur kvennadagur Sameinuðu þjóðanna. Dagurinn hefur ætíð verið nátengdur kjarabaráttu verkafólks og á sér sósíalískar rætur en hér á landi var dagurinn líklega fyrst haldinn hátíðlegur á fundi Kvennanefndar Kommúnistaflokks Íslands. Kvenfélag sósíalista tók síðar við deginum og árið 1951 voru Menningar- og friðarsamtök íslenskra kvenna, MFÍK, stofnuð sem tvinnuðu kvenréttindabaráttuna saman við baráttu gegn bandarísku herstöðinni og aðild Íslands að Atlantshafsbandalaginu. Málefni friðar voru til að mynda í öndvegi á fundi í Stjörnubíó þann 8. mars 1953. Fjölmörg kvenréttindasamtök, og önnur samtök sem ekki tengjast kvenréttindabaráttu sérstaklega, hafa staðið að fundum og hátíðahöldum þann 8. mars undanfarna áratugi. Samtökin Stígamót voru til að mynda stofnuð þann 8. mars 1992.Þúsundir fylltu Austurvöll á Kvennafrídaginn 24. október árið 2016.Visir/stefanFjölmargir viðburðir verða haldnir, og hafa nú þegar verið haldnir, hér á landi í tilefni dagsins en vakin er athygli á nokkrum þeirra hér að neðan. Félag kvenna í atvinnulífinu stóð fyrir hádegisverðarfundi í Iðnó undir yfirskriftinni „Þrýst á þróun“. Á fundinum munu þrjár konur deila sögu sinni og reynslu.Þá var haldinn hádegisfundur í andyri Borga við Norðurslóð á Akureyri á vegum Jafnréttisstofu og Zonta-klúbbanna á Akureyri. Nasdaq kauphöllin á Íslandi fagnaði deginum með bjölluhringingu við opnun markaða í morgun. Bjöllu var einnig hringt í móðurkauphöll Nasdaq í New York og hjá Nasdaq í Stokkhólmi, Kaupmannahöfn, Helsinki og í Eystrasaltsríkjunum. Sigríður Snævarr, fyrsti kvensendiherra Íslands, var sérstakur gestur Nasdaq á Íslandi í tilefni af deginum og hringdi opnunarbjöllu markaðarins. Klukkan 17 fer fram fjöldafundurinn Konur gegn kúgun í Tjarnarbíó. Að fundinum standa Menningar- og friðarsamtökin MFÍK, Samtök kvenna af erlendum uppruna á Íslandi, Samtök Hernaðarandstæðinga, Kvennahreyfing ÖBÍ, Alþýðufylkingin, Kvenréttindafélag Íslands, BSRB, Kvennaathvarf, SFR-stéttarfélag í almannaþjónustu, Kennarasamband Íslands, Starfsmannafélag Reykjavíkurborgar og Félagsráðgjafafélag Íslands.Að fundinum í Tjarnarbíó loknum er konum boðið til kvöldfagnaðar í Andrými á Bergþórugötu í Reykjavík. Bent er á að viðburðurinn er aðeins opinn konum. Samtökin UN Women á Íslandi hafa einnig blásið til neyðarsöfnunar fyrir Róhingjakonur á flótta í Bangladess í tilefni dagsins en þær hafa mátt þola mikið ofbeldi og búa við grimman veruleika. Þá stendur nú yfir Jafnréttisþing á Hilton Reykjavík Nordica undir yfirskriftinni Útvíkkun jafnréttisstarfs - #metoo og margbreytileiki. Málefni kvenna eru þar ofarlega á baugi þó að þingið sé ekki beintengt hátíðahöldum alþjóðadags kvenna.Meghan Markle, leikkona og unnusta Harry Bretaprins, mætti á samkomu vegna alþjóðlegs baráttudags kvenna í Birmingham í dag.Vísir/AFP„Ég er ekki elskan þín“ Konur hafa auk þess stofnað til mótmæla og funda víða um heim í tilefni dagsins. Spænskar konur hafa lagt niður störf í dag til að vekja athygli á óréttlæti sem þær eru beittar á vinnumarkaði og víðar en sérstök nefnd baráttudags kvenna efndi til verkfallsins. Tíu stéttarfélög, ásamt nokkrum af helstu stjórnmálakonum Spánar, styðja verkfallið, sem hleypt var af stokkunum undir yfirskriftinni „Ef við stoppum, þá stoppar heimurinn.“ Verkfallið minnir um margt á hinn íslenska Kvennafrídag sem haldinn var þann 24. október 1975. Um 25 þúsund konur lögðu niður störf og söfnuðust saman á Lækjartorgi til að vekja athygli á kjörum kvenna. Þá eru konur í baráttuhug á fleiri stöðum í heiminum. Franska dagblaðið Libération hækkaði verð á blöðum sínum í dag – en aðeins fyrir karlkyns kaupendur. Konur borga hefðbundið verð, tvær evrur, en karlar borga fimmtíu sentum meira. Með þessu vill dagblaðið vekja athygli á launamun kynjanna. Mótmælendur í Seoul í Suður-Kóreu klæddust svörtu í fjöldagöngu á vegum #MeToo-hreyfingarinnar og úkraínskar blaðakonur komu af stað Facebook-herferð undir yfirskriftinni „Ég er ekki elskan þín“. Herferðin er svar við ummælum forsetans, Petro Poroshenko, þar sem hann þótti sýna blaðakonu óvirðingu með því að ávarpa hana „elskan“.Frá kvennamótmælunum á Spáni í dag.Vísir/AFPAlþjóðlegur baráttudagur kvenna hefur einnig verið áberandi á samfélagsmiðlum, einkum undir myllumerkjunum #WomensDay, #Iwd2018 og #8mars. Twitter-notendur hafa til að mynda vakið athygli á auglýsingu skyndabitarisans McDonald's en hinu sögufræga M-i í merki keðjunnar hefur verið snúið við á nokkrum stöðum og sýnir nú stafinn W, fyrir „Women“ upp á ensku.BREAKING NEWS: Today, on #InternationalWomensDay @McDonaldsCorp flip their Golden Arches to celebrate the women who have chosen McDonald's to be a part of their story. Watch it here: https://t.co/GGcup9iQm0 #PressforProgress #IWD2018 pic.twitter.com/qbmCunRu29— Women's Day (@womensday) March 8, 2018 Þá sátu konur við stjórnvölinn í lestum á Indlandi í dag.Today, on #WomensDay, delighted to see an all-women crew during my travel. In Railways too, we have deployed ticket checking staff on Mumbai-Ahmedabad Shatabdi Express, an all-women crew in Pune-Baramati Special & at various railway stations including Matunga & Gandhinagar. pic.twitter.com/PqKL8T9lNS— Piyush Goyal (@PiyushGoyal) March 8, 2018 Fleiri tíst undir myllumerkinu #WomensDay má nálgast hér að neðan. #WomensDay Tweets Tengdar fréttir Konur sem hafa orðið fyrir ofbeldi í nánum samböndum eða innan fjölskyldu stíga fram #Aldreiaftur er ný herferð á samfélagsmiðlum. 8. mars 2018 12:00 Efna til neyðarsöfnunar fyrir Róhingjakonur á flótta Í tilefni af alþjóðlegum baráttudegi kvenna blæs UN Women á Íslandi til neyðarsöfnunar fyrir Róhingjakonur á flótta í Bangladess. 8. mars 2018 10:17 Mest lesið Munaði engu að ökumaður straujaði niður nítján hjólreiðamenn Innlent Fjöldi smitaðra af Covid kallar á aðgerðir Innlent Lík Jay Slater fundið Erlent „Það eina sem stoppar þá er hnefinn, valdbeiting“ Innlent Hefur aldrei verið í vinnu en hefur verið iðinn við afbrot Innlent „Mun enginn kaupa annað en rafbíl árið 2028“ Innlent Eldgos líklegt á allra næstu vikum og jafnvel innan bæjarins Innlent Íslendingur fannst látinn á Spáni Innlent Kallaði Trump „Hitler Ameríku“ og studdi Never Trump-hreyfinguna Erlent Ótrúleg mynd virðist sýna kúlu fljúga fram hjá Trump Erlent Fleiri fréttir „Langar að geta tekið utan um hana og sagt: þetta var allt í lagi“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sex um borð þegar bátur strandaði í Viðey Munaði engu að ökumaður straujaði niður nítján hjólreiðamenn Mál á hendur skipverjum Polar Nanoq fellt niður Eldgos líklegt á allra næstu vikum og jafnvel innan bæjarins „Það eina sem stoppar þá er hnefinn, valdbeiting“ Vélarvana bátur strandaði við Viðey Fallist á áframhaldandi gæsluvarðhald Klára kvótann á morgun Sækja slasaðan göngumann á Hornstrandir Fjöldi smitaðra af Covid kallar á aðgerðir Hefja viðgerðir á næstu dögum þrátt fyrir óvissuástand Flugi Play seinkað vegna ógnandi tilburða flugdólgs Bjart fram undan í efnahagnum og framkvæmdir hefjast í Grindavík Lögreglurannsókn hafi engin áhrif á veitingu læknaleyfis Helga Vala hefur litlar áhyggjur af málinu „Við erum bara að segja þeim að vinna vinnuna sína“ Tvö þyrluútköll á Suðurlandi í gær og í nótt „Mun enginn kaupa annað en rafbíl árið 2028“ Þorbjörn kominn heim eftir átta mánaða fjarveru Þyrlusveitin kölluð til aðstoðar lögreglu í nótt „Litu bara á þetta eins og hefði verið keyrt á kind“ Ætlar að áfrýja til Landsréttar Stáli fyljar merar enn á fullu 26 vetra gamall Sjá meira
Alþjóðlegum baráttudegi kvenna er fagnað um allan heim í dag 8. mars. Hér á landi er dagurinn haldinn hátíðlegur með ýmiss konar samkomum og fjöldafundum en saga hans er samofin verkalýðshreyfingunni og friðarboðskap. Saga alþjóðlegs baráttudags kvenna er rakin á vef Kvennasögusafnsins. Þar segir m.a. að hugmyndin að sérstökum baráttudegi kvenna sé eignuð þýsku kvenréttindakonunni og sósíalistanum Clöru Zetkin. Árið 1977, eftir nokkurra áratuga deyfð í kvenréttindabaráttu í Evrópu og víðar, var 8. mars valinn alþjóðlegur kvennadagur Sameinuðu þjóðanna. Dagurinn hefur ætíð verið nátengdur kjarabaráttu verkafólks og á sér sósíalískar rætur en hér á landi var dagurinn líklega fyrst haldinn hátíðlegur á fundi Kvennanefndar Kommúnistaflokks Íslands. Kvenfélag sósíalista tók síðar við deginum og árið 1951 voru Menningar- og friðarsamtök íslenskra kvenna, MFÍK, stofnuð sem tvinnuðu kvenréttindabaráttuna saman við baráttu gegn bandarísku herstöðinni og aðild Íslands að Atlantshafsbandalaginu. Málefni friðar voru til að mynda í öndvegi á fundi í Stjörnubíó þann 8. mars 1953. Fjölmörg kvenréttindasamtök, og önnur samtök sem ekki tengjast kvenréttindabaráttu sérstaklega, hafa staðið að fundum og hátíðahöldum þann 8. mars undanfarna áratugi. Samtökin Stígamót voru til að mynda stofnuð þann 8. mars 1992.Þúsundir fylltu Austurvöll á Kvennafrídaginn 24. október árið 2016.Visir/stefanFjölmargir viðburðir verða haldnir, og hafa nú þegar verið haldnir, hér á landi í tilefni dagsins en vakin er athygli á nokkrum þeirra hér að neðan. Félag kvenna í atvinnulífinu stóð fyrir hádegisverðarfundi í Iðnó undir yfirskriftinni „Þrýst á þróun“. Á fundinum munu þrjár konur deila sögu sinni og reynslu.Þá var haldinn hádegisfundur í andyri Borga við Norðurslóð á Akureyri á vegum Jafnréttisstofu og Zonta-klúbbanna á Akureyri. Nasdaq kauphöllin á Íslandi fagnaði deginum með bjölluhringingu við opnun markaða í morgun. Bjöllu var einnig hringt í móðurkauphöll Nasdaq í New York og hjá Nasdaq í Stokkhólmi, Kaupmannahöfn, Helsinki og í Eystrasaltsríkjunum. Sigríður Snævarr, fyrsti kvensendiherra Íslands, var sérstakur gestur Nasdaq á Íslandi í tilefni af deginum og hringdi opnunarbjöllu markaðarins. Klukkan 17 fer fram fjöldafundurinn Konur gegn kúgun í Tjarnarbíó. Að fundinum standa Menningar- og friðarsamtökin MFÍK, Samtök kvenna af erlendum uppruna á Íslandi, Samtök Hernaðarandstæðinga, Kvennahreyfing ÖBÍ, Alþýðufylkingin, Kvenréttindafélag Íslands, BSRB, Kvennaathvarf, SFR-stéttarfélag í almannaþjónustu, Kennarasamband Íslands, Starfsmannafélag Reykjavíkurborgar og Félagsráðgjafafélag Íslands.Að fundinum í Tjarnarbíó loknum er konum boðið til kvöldfagnaðar í Andrými á Bergþórugötu í Reykjavík. Bent er á að viðburðurinn er aðeins opinn konum. Samtökin UN Women á Íslandi hafa einnig blásið til neyðarsöfnunar fyrir Róhingjakonur á flótta í Bangladess í tilefni dagsins en þær hafa mátt þola mikið ofbeldi og búa við grimman veruleika. Þá stendur nú yfir Jafnréttisþing á Hilton Reykjavík Nordica undir yfirskriftinni Útvíkkun jafnréttisstarfs - #metoo og margbreytileiki. Málefni kvenna eru þar ofarlega á baugi þó að þingið sé ekki beintengt hátíðahöldum alþjóðadags kvenna.Meghan Markle, leikkona og unnusta Harry Bretaprins, mætti á samkomu vegna alþjóðlegs baráttudags kvenna í Birmingham í dag.Vísir/AFP„Ég er ekki elskan þín“ Konur hafa auk þess stofnað til mótmæla og funda víða um heim í tilefni dagsins. Spænskar konur hafa lagt niður störf í dag til að vekja athygli á óréttlæti sem þær eru beittar á vinnumarkaði og víðar en sérstök nefnd baráttudags kvenna efndi til verkfallsins. Tíu stéttarfélög, ásamt nokkrum af helstu stjórnmálakonum Spánar, styðja verkfallið, sem hleypt var af stokkunum undir yfirskriftinni „Ef við stoppum, þá stoppar heimurinn.“ Verkfallið minnir um margt á hinn íslenska Kvennafrídag sem haldinn var þann 24. október 1975. Um 25 þúsund konur lögðu niður störf og söfnuðust saman á Lækjartorgi til að vekja athygli á kjörum kvenna. Þá eru konur í baráttuhug á fleiri stöðum í heiminum. Franska dagblaðið Libération hækkaði verð á blöðum sínum í dag – en aðeins fyrir karlkyns kaupendur. Konur borga hefðbundið verð, tvær evrur, en karlar borga fimmtíu sentum meira. Með þessu vill dagblaðið vekja athygli á launamun kynjanna. Mótmælendur í Seoul í Suður-Kóreu klæddust svörtu í fjöldagöngu á vegum #MeToo-hreyfingarinnar og úkraínskar blaðakonur komu af stað Facebook-herferð undir yfirskriftinni „Ég er ekki elskan þín“. Herferðin er svar við ummælum forsetans, Petro Poroshenko, þar sem hann þótti sýna blaðakonu óvirðingu með því að ávarpa hana „elskan“.Frá kvennamótmælunum á Spáni í dag.Vísir/AFPAlþjóðlegur baráttudagur kvenna hefur einnig verið áberandi á samfélagsmiðlum, einkum undir myllumerkjunum #WomensDay, #Iwd2018 og #8mars. Twitter-notendur hafa til að mynda vakið athygli á auglýsingu skyndabitarisans McDonald's en hinu sögufræga M-i í merki keðjunnar hefur verið snúið við á nokkrum stöðum og sýnir nú stafinn W, fyrir „Women“ upp á ensku.BREAKING NEWS: Today, on #InternationalWomensDay @McDonaldsCorp flip their Golden Arches to celebrate the women who have chosen McDonald's to be a part of their story. Watch it here: https://t.co/GGcup9iQm0 #PressforProgress #IWD2018 pic.twitter.com/qbmCunRu29— Women's Day (@womensday) March 8, 2018 Þá sátu konur við stjórnvölinn í lestum á Indlandi í dag.Today, on #WomensDay, delighted to see an all-women crew during my travel. In Railways too, we have deployed ticket checking staff on Mumbai-Ahmedabad Shatabdi Express, an all-women crew in Pune-Baramati Special & at various railway stations including Matunga & Gandhinagar. pic.twitter.com/PqKL8T9lNS— Piyush Goyal (@PiyushGoyal) March 8, 2018 Fleiri tíst undir myllumerkinu #WomensDay má nálgast hér að neðan. #WomensDay Tweets
Tengdar fréttir Konur sem hafa orðið fyrir ofbeldi í nánum samböndum eða innan fjölskyldu stíga fram #Aldreiaftur er ný herferð á samfélagsmiðlum. 8. mars 2018 12:00 Efna til neyðarsöfnunar fyrir Róhingjakonur á flótta Í tilefni af alþjóðlegum baráttudegi kvenna blæs UN Women á Íslandi til neyðarsöfnunar fyrir Róhingjakonur á flótta í Bangladess. 8. mars 2018 10:17 Mest lesið Munaði engu að ökumaður straujaði niður nítján hjólreiðamenn Innlent Fjöldi smitaðra af Covid kallar á aðgerðir Innlent Lík Jay Slater fundið Erlent „Það eina sem stoppar þá er hnefinn, valdbeiting“ Innlent Hefur aldrei verið í vinnu en hefur verið iðinn við afbrot Innlent „Mun enginn kaupa annað en rafbíl árið 2028“ Innlent Eldgos líklegt á allra næstu vikum og jafnvel innan bæjarins Innlent Íslendingur fannst látinn á Spáni Innlent Kallaði Trump „Hitler Ameríku“ og studdi Never Trump-hreyfinguna Erlent Ótrúleg mynd virðist sýna kúlu fljúga fram hjá Trump Erlent Fleiri fréttir „Langar að geta tekið utan um hana og sagt: þetta var allt í lagi“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sex um borð þegar bátur strandaði í Viðey Munaði engu að ökumaður straujaði niður nítján hjólreiðamenn Mál á hendur skipverjum Polar Nanoq fellt niður Eldgos líklegt á allra næstu vikum og jafnvel innan bæjarins „Það eina sem stoppar þá er hnefinn, valdbeiting“ Vélarvana bátur strandaði við Viðey Fallist á áframhaldandi gæsluvarðhald Klára kvótann á morgun Sækja slasaðan göngumann á Hornstrandir Fjöldi smitaðra af Covid kallar á aðgerðir Hefja viðgerðir á næstu dögum þrátt fyrir óvissuástand Flugi Play seinkað vegna ógnandi tilburða flugdólgs Bjart fram undan í efnahagnum og framkvæmdir hefjast í Grindavík Lögreglurannsókn hafi engin áhrif á veitingu læknaleyfis Helga Vala hefur litlar áhyggjur af málinu „Við erum bara að segja þeim að vinna vinnuna sína“ Tvö þyrluútköll á Suðurlandi í gær og í nótt „Mun enginn kaupa annað en rafbíl árið 2028“ Þorbjörn kominn heim eftir átta mánaða fjarveru Þyrlusveitin kölluð til aðstoðar lögreglu í nótt „Litu bara á þetta eins og hefði verið keyrt á kind“ Ætlar að áfrýja til Landsréttar Stáli fyljar merar enn á fullu 26 vetra gamall Sjá meira
Konur sem hafa orðið fyrir ofbeldi í nánum samböndum eða innan fjölskyldu stíga fram #Aldreiaftur er ný herferð á samfélagsmiðlum. 8. mars 2018 12:00
Efna til neyðarsöfnunar fyrir Róhingjakonur á flótta Í tilefni af alþjóðlegum baráttudegi kvenna blæs UN Women á Íslandi til neyðarsöfnunar fyrir Róhingjakonur á flótta í Bangladess. 8. mars 2018 10:17