Raftvíeyki sem varð til við fæðingu Stefán Þór Hjartarson skrifar 17. nóvember 2018 12:00 Þeir Alfreð Drexler og Lord Pusswhip hafa þekkst bókstaflega síðan við fæðingu. Þeir eru saman í hljómsveitinni Psychoplasmics sem gefur út samnefnda plötu á mánudaginn. Um er að ræða sækadelískt ferðalag um tónlistarstefnur. Dúóið Psychoplasmics sendir frá sér sína fyrstu plötu á mánudaginn næstkomandi. Það eru þeir Þórður Ingi Jónsson og Alfreð Jóhann Eiríksson sem skipa þetta raftvíeyki en þeir eru kannski betur þekktir sem Lord Pusswhip og Alfreð Drexler. „Þetta er hliðarverkefni hjá mér og Alfreð Jóhanni Eiríkssyni sem er minn besti kumpáni – við erum „day ones“: við vorum á sömu fæðingardeild, með sömu fóstru og allt það, þannig að við höfum verið að gera hluti saman frá fyrsta degi, bókstaflega. Árið 2015 gáfum við út myndband og lag, 101 Reykjavík, sem var algjört „sleeper hit“. Það eru ekki allir sem kannast við það, en þeir sem vita, vita,“ segir Þórður. Þeir fengu góð viðbrögð við því lagi og sérstaklega myndbandinu sem var í gamaldags VHS-stíl sem nú tæpum fjórum árum síðar er mikið notaður í myndbandsgerð. Þeir voru báðir staddir í Berlín stuttu síðar þar sem þeir ákváðu að setja saman heila plötu undir Psychoplasmics-nafninu. Þórður neitar því ekki að platan sé meðal annars undir sterkum áhrifum klúbbamenningar Berlínarborgar þar sem þeir báðir bjuggu á því tæpa tveggja ára tímabili sem platan var í vinnslu. Um ástríðuverkefni er að ræða að sögn Þórðar en þeir eru báðir sóló-tónlistarmenn sem hafa mest verið að setja saman takta hvor í sínu horni. Lord Pusswhip gaf nú síðast út EP-plötuna The Hand of Glory frá danstónlistar-plötuútgáfunni bbbbbb þar sem Bjarki, hinn margrómaði íslenski raftónlistarmaður, heldur um stjórnartaumana. „Þó að tónlistin sé ekkert svo langt frá tónlistinni sem við erum að gera sjálfir sóló þá er pælingin með Psychoplasmics sú að blanda saman elektrónískum og „organic“ hljóðum. Alli var að koma meira með píanó, gítar og önnur hljóðfæri á móti raf-elementum frá mér.“Psychoplasmics er ástríðuverkefni Alfreðs og Þórðar. Mynd/Magnús AndersenPlötuna má kalla hrærigraut alls kyns strauma og stefna – þarna ægir saman þungu nýbylgjurappi, danstónlist og sýrukenndum hljómum. „Platan er eins og ferðalag í gegnum mismunandi undirstefnur raftónlistarinnar og rappsins – hún fer ansi víða.“ Það eru vafalaust gleðifréttir fyrir aðdáendur fyrsta smells Psychoplasmics að ekki bara er á plötunni framhald af laginu, 107 RVK, heldur er á leiðinni myndband við það sem heldur áfram þar sem hitt kláraðist – með dauða Alfreðs. „Þegar við vorum að gera myndbandið við 101 Reykjavík þá var ég hér heima og Alfreð úti í Bretlandi þannig að á meðan við vorum að gera myndbandið var pælingin „hvernig eigum við eiginlega að koma Alla í myndbandið?“ – það var leyst þannig að í lok myndbandsins kom dánartilkynning sem er dagsett árið 2074, Alli er sem sagt dáinn árið 2074. 107 RVK byrjar þar sem fyrra myndbandið endar og við fáum að sjá hvað Alfreð var að bralla árið 2074.“ Þórður segir að plötufyrirtæki hafi sýnt plötunni áhuga en vegna þess hve lengi þeir hafi verið að setja hana saman hafi þeir ekki viljað bíða neitt frekar með útgáfuna og því gefið stykkið út sjálfir. „Við erum strax komnir með efni í plötu númer tvö sem við ætlum að reyna að fá útgefna hjá einhverju góðu plötufyrirtæki. Annars erum við farnir að spila plötuna á tónleikum og ætlum að fara að gera meira af því á næstunni.“stefanthor@frettabladid.is Birtist í Fréttablaðinu Mest lesið „Siðlausi siðfræðingurinn“ hreyfir ekki við Stefáni Einari Lífið Úr Idolinu yfir í útvarpið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Lakkrískóngurinn Bülow selur sveitasetrið Lífið Umdeilt uppáhald arkitekts við Austurvöll Lífið Hvað gerði Diddy? Mansal, ofbeldi og samsæriskenningar um Justin Bieber Lífið Skilnaður Step Up hjóna genginn í gegn Lífið Frumsýning á Vísi: Rokkað á miðju gólfi komin sjö mánuði á leið Tónlist Hjem til jul aftur á skjáinn Bíó og sjónvarp Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira
Dúóið Psychoplasmics sendir frá sér sína fyrstu plötu á mánudaginn næstkomandi. Það eru þeir Þórður Ingi Jónsson og Alfreð Jóhann Eiríksson sem skipa þetta raftvíeyki en þeir eru kannski betur þekktir sem Lord Pusswhip og Alfreð Drexler. „Þetta er hliðarverkefni hjá mér og Alfreð Jóhanni Eiríkssyni sem er minn besti kumpáni – við erum „day ones“: við vorum á sömu fæðingardeild, með sömu fóstru og allt það, þannig að við höfum verið að gera hluti saman frá fyrsta degi, bókstaflega. Árið 2015 gáfum við út myndband og lag, 101 Reykjavík, sem var algjört „sleeper hit“. Það eru ekki allir sem kannast við það, en þeir sem vita, vita,“ segir Þórður. Þeir fengu góð viðbrögð við því lagi og sérstaklega myndbandinu sem var í gamaldags VHS-stíl sem nú tæpum fjórum árum síðar er mikið notaður í myndbandsgerð. Þeir voru báðir staddir í Berlín stuttu síðar þar sem þeir ákváðu að setja saman heila plötu undir Psychoplasmics-nafninu. Þórður neitar því ekki að platan sé meðal annars undir sterkum áhrifum klúbbamenningar Berlínarborgar þar sem þeir báðir bjuggu á því tæpa tveggja ára tímabili sem platan var í vinnslu. Um ástríðuverkefni er að ræða að sögn Þórðar en þeir eru báðir sóló-tónlistarmenn sem hafa mest verið að setja saman takta hvor í sínu horni. Lord Pusswhip gaf nú síðast út EP-plötuna The Hand of Glory frá danstónlistar-plötuútgáfunni bbbbbb þar sem Bjarki, hinn margrómaði íslenski raftónlistarmaður, heldur um stjórnartaumana. „Þó að tónlistin sé ekkert svo langt frá tónlistinni sem við erum að gera sjálfir sóló þá er pælingin með Psychoplasmics sú að blanda saman elektrónískum og „organic“ hljóðum. Alli var að koma meira með píanó, gítar og önnur hljóðfæri á móti raf-elementum frá mér.“Psychoplasmics er ástríðuverkefni Alfreðs og Þórðar. Mynd/Magnús AndersenPlötuna má kalla hrærigraut alls kyns strauma og stefna – þarna ægir saman þungu nýbylgjurappi, danstónlist og sýrukenndum hljómum. „Platan er eins og ferðalag í gegnum mismunandi undirstefnur raftónlistarinnar og rappsins – hún fer ansi víða.“ Það eru vafalaust gleðifréttir fyrir aðdáendur fyrsta smells Psychoplasmics að ekki bara er á plötunni framhald af laginu, 107 RVK, heldur er á leiðinni myndband við það sem heldur áfram þar sem hitt kláraðist – með dauða Alfreðs. „Þegar við vorum að gera myndbandið við 101 Reykjavík þá var ég hér heima og Alfreð úti í Bretlandi þannig að á meðan við vorum að gera myndbandið var pælingin „hvernig eigum við eiginlega að koma Alla í myndbandið?“ – það var leyst þannig að í lok myndbandsins kom dánartilkynning sem er dagsett árið 2074, Alli er sem sagt dáinn árið 2074. 107 RVK byrjar þar sem fyrra myndbandið endar og við fáum að sjá hvað Alfreð var að bralla árið 2074.“ Þórður segir að plötufyrirtæki hafi sýnt plötunni áhuga en vegna þess hve lengi þeir hafi verið að setja hana saman hafi þeir ekki viljað bíða neitt frekar með útgáfuna og því gefið stykkið út sjálfir. „Við erum strax komnir með efni í plötu númer tvö sem við ætlum að reyna að fá útgefna hjá einhverju góðu plötufyrirtæki. Annars erum við farnir að spila plötuna á tónleikum og ætlum að fara að gera meira af því á næstunni.“stefanthor@frettabladid.is
Birtist í Fréttablaðinu Mest lesið „Siðlausi siðfræðingurinn“ hreyfir ekki við Stefáni Einari Lífið Úr Idolinu yfir í útvarpið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Lakkrískóngurinn Bülow selur sveitasetrið Lífið Umdeilt uppáhald arkitekts við Austurvöll Lífið Hvað gerði Diddy? Mansal, ofbeldi og samsæriskenningar um Justin Bieber Lífið Skilnaður Step Up hjóna genginn í gegn Lífið Frumsýning á Vísi: Rokkað á miðju gólfi komin sjö mánuði á leið Tónlist Hjem til jul aftur á skjáinn Bíó og sjónvarp Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira