Einkaþjálfari Currys opnaði nýja vídd Hjörvar Ólafsson skrifar 6. desember 2018 09:00 Jón Axel Guðmundsson er hér lengst til vinstri til varnar í leik með liði Davidson-háskólans. vísir/Getty Þegar stigahæsti leikmaður körfuboltaliðs Davidson-háskólans á síðustu leiktíð yfirgaf liðið í sumar áttaði Jón Axel Guðmundsson sig á því að hann gæti hrifsað til sín stærra hlutverk í liðinu hvað stigaskor varðar. Jón Axel varð fyrsti íslenski karlmaðurinn til þess að komast í úrslitakeppni háskólakörfuboltans og taka þátt í marsfárinu svokallaða fyrr á þessu ári. Davidson féll úr leik í 64 liða úrslitum keppninnar. Hann fékk svo viðurkenningu hjá skólanum sínum fyrir að vera sá leikmaður sem sýndi mestar framfarir með liðinu síðasta vor. Jón Axel er núna á sínu þriðja ári hjá Davidson, en á síðustu leiktíð lék hann að meðaltali 35,8 mínútur í leik og skilaði 13,2 stigum, sex fráköstum og 5,1 stoðsendingu ásamt því að stela 1,3 boltum að meðaltali í leik en hann bætti sig á öllum sviðum frá fyrsta tímabilinu. Tröppugangurinn hefur haldið áfram hjá honum og eins og staðan er núna er hann efstur í öllum tölfræðiþáttum hjá liðinu. Hann hefur skorað 19,4 stig að meðaltali í leik, tekið 6,3 fráköst og gefið 4,8 stoðsendingar. Þá hefur hann þar að auki stolið boltanum næstoftast af leikmönnum liðsins á leiktíðinni. Jón Axel segir að þessar tölur og bæting hans séu afrakstur þrotlausrar vinnu í sumar. „Þegar ég vissi að við værum að missa okkar stigahæsta leikmann frá síðasta vetri þá var ég staðráðinn í að stækka hlutverk mitt í liðinu þegar kemur að því að setja stig á töfluna. Ég vissi að það yrði meðal annars leitað til mín til þess að fylla skarðið sem hann myndi skilja eftir sig í stigaskoruninni. Þjálfarinn ræddi svo sem ekkert beint við mig um það hvernig það ætti að vera, en ég fékk skilaboð um að hlutverk mitt gæti stækkað umtalsvert ef ég myndi vinna vel í mínum málum,“ segir Jón Axel í samtali við Fréttablaðið. „Ég komst í samband við þjálfara sem sá um Stephen Curry á sínum tíma og ég komst í einkaþjálfun hjá honum. Hann sér um einkaþjálfun í körfuboltatengdum æfingum og er afar fær á því sviði. Hann spurði mig hvaða þætti ég vildi bæta í mínum leik og ég nefndi boltatækni, millilöng skot og að klára færin upp við hringinn. Það er meira en að segja það að klára færin í kringum þá hávöxnu leikmenn sem spila í þessari deild og ég vildi bæta mig í því,“ sagði hann um æfingarnar í sumar. „Þessi þjálfari opnaði nýjar víddir fyrir mér og ég var að framkvæma æfingar sem ég hafði aldrei gert áður. Það var bæði ofboðslega gaman að æfa undir hans handleiðslu og ekki síður góð tilfinning að finna fyrir því að æfingarnar séu að skila sér í betri frammistöðu inni á vellinum í leikjum. Mér finnst ég vera öruggari með boltann, öflugri upp við hringinn og skotnýtingin er betri en í fyrra,“ segir þessi frábæri leikstjórnandi enn fremur um kynni sín af þjálfaranum. Davidson-liðið hefur farið vel af stað í Atlantic 10-deildinni í háskólakörfuboltanum vestanhafs, en liðið hefur haft betur í síðustu fimm leikjum sínum í deildinni og alls átta af fyrstu níu leikjunum. „Við erum með nokkuð breytt lið frá því í fyrra og nokkuð marga unga leikmenn sem eru að leika stórt hlutverk í fyrsta skipti. Mér finnst liðið betra en í fyrra og ég tel okkur hafa alla burði til þess að vinna okkar deild og fara svo lengra en við gerðum í mars á síðasta ári. Það er allavega mín tilfinning. Við erum hins vegar meðvitaðir um að það er margt sem við getum bætt í okkar leik þrátt fyrir að úrslitin hafi verið hagstæð,“ segir Grindvíkingurinn um framhaldið. Körfubolti Tengdar fréttir Jón Axel fer á kostum og er efstur í öllu í efsta liðinu Jón Axel Guðmundsson er besti leikmaður besta liðsins í A 10-deildinni í bandaríska háskólakörfuboltanum. 5. desember 2018 13:00 Mest lesið Telur að Valsmenn nenni ekki að dansa tangóinn hans Túfa til lengdar Íslenski boltinn Íslenskt hugvit á að umbylta golfheiminum Golf Stúkan: Óvenju miklar árásir eða viðkvæmari en aðrir Íslenski boltinn Svona var fundurinn fyrir tugmilljóna leikinn í Laugardal Íslenski boltinn Keane: „Arsenal er með hugarfar smáliðs“ Enski boltinn Neyddir í eina stystu rútuferð sögunnar Fótbolti Birkir á leið til Vals á nýjan leik Íslenski boltinn Ten Hag neitaði að kenna Eriksen um jöfnunarmarkið Fótbolti Stjóri West Ham meiddist gegn Liverpool og yfirgaf völlinn á hækjum Enski boltinn Kroos ætlaði að fara til United en svo var Moyes rekinn Enski boltinn Fleiri fréttir Helena verður á skjánum í vetur Derrick Rose leggur skóna á hilluna Mögnuðu tímabili nýliðans Clark lokið: „Get orðið miklu betri“ Æfir eftir stæla þjálfarans og banna leikmenn í landsliðið Nóg að gera á skrifstofu Stjörnunnar Shabazz semur við Njarðvík Shaq í Stjörnuna Njarðvíkingar losa sig við Bandaríkjamanninn rétt fyrir mót Þarf ekkert að taka afa bak við hlöðu og skjóta hann Viktor aftur heim í Stjörnuna Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Sjá meira
Þegar stigahæsti leikmaður körfuboltaliðs Davidson-háskólans á síðustu leiktíð yfirgaf liðið í sumar áttaði Jón Axel Guðmundsson sig á því að hann gæti hrifsað til sín stærra hlutverk í liðinu hvað stigaskor varðar. Jón Axel varð fyrsti íslenski karlmaðurinn til þess að komast í úrslitakeppni háskólakörfuboltans og taka þátt í marsfárinu svokallaða fyrr á þessu ári. Davidson féll úr leik í 64 liða úrslitum keppninnar. Hann fékk svo viðurkenningu hjá skólanum sínum fyrir að vera sá leikmaður sem sýndi mestar framfarir með liðinu síðasta vor. Jón Axel er núna á sínu þriðja ári hjá Davidson, en á síðustu leiktíð lék hann að meðaltali 35,8 mínútur í leik og skilaði 13,2 stigum, sex fráköstum og 5,1 stoðsendingu ásamt því að stela 1,3 boltum að meðaltali í leik en hann bætti sig á öllum sviðum frá fyrsta tímabilinu. Tröppugangurinn hefur haldið áfram hjá honum og eins og staðan er núna er hann efstur í öllum tölfræðiþáttum hjá liðinu. Hann hefur skorað 19,4 stig að meðaltali í leik, tekið 6,3 fráköst og gefið 4,8 stoðsendingar. Þá hefur hann þar að auki stolið boltanum næstoftast af leikmönnum liðsins á leiktíðinni. Jón Axel segir að þessar tölur og bæting hans séu afrakstur þrotlausrar vinnu í sumar. „Þegar ég vissi að við værum að missa okkar stigahæsta leikmann frá síðasta vetri þá var ég staðráðinn í að stækka hlutverk mitt í liðinu þegar kemur að því að setja stig á töfluna. Ég vissi að það yrði meðal annars leitað til mín til þess að fylla skarðið sem hann myndi skilja eftir sig í stigaskoruninni. Þjálfarinn ræddi svo sem ekkert beint við mig um það hvernig það ætti að vera, en ég fékk skilaboð um að hlutverk mitt gæti stækkað umtalsvert ef ég myndi vinna vel í mínum málum,“ segir Jón Axel í samtali við Fréttablaðið. „Ég komst í samband við þjálfara sem sá um Stephen Curry á sínum tíma og ég komst í einkaþjálfun hjá honum. Hann sér um einkaþjálfun í körfuboltatengdum æfingum og er afar fær á því sviði. Hann spurði mig hvaða þætti ég vildi bæta í mínum leik og ég nefndi boltatækni, millilöng skot og að klára færin upp við hringinn. Það er meira en að segja það að klára færin í kringum þá hávöxnu leikmenn sem spila í þessari deild og ég vildi bæta mig í því,“ sagði hann um æfingarnar í sumar. „Þessi þjálfari opnaði nýjar víddir fyrir mér og ég var að framkvæma æfingar sem ég hafði aldrei gert áður. Það var bæði ofboðslega gaman að æfa undir hans handleiðslu og ekki síður góð tilfinning að finna fyrir því að æfingarnar séu að skila sér í betri frammistöðu inni á vellinum í leikjum. Mér finnst ég vera öruggari með boltann, öflugri upp við hringinn og skotnýtingin er betri en í fyrra,“ segir þessi frábæri leikstjórnandi enn fremur um kynni sín af þjálfaranum. Davidson-liðið hefur farið vel af stað í Atlantic 10-deildinni í háskólakörfuboltanum vestanhafs, en liðið hefur haft betur í síðustu fimm leikjum sínum í deildinni og alls átta af fyrstu níu leikjunum. „Við erum með nokkuð breytt lið frá því í fyrra og nokkuð marga unga leikmenn sem eru að leika stórt hlutverk í fyrsta skipti. Mér finnst liðið betra en í fyrra og ég tel okkur hafa alla burði til þess að vinna okkar deild og fara svo lengra en við gerðum í mars á síðasta ári. Það er allavega mín tilfinning. Við erum hins vegar meðvitaðir um að það er margt sem við getum bætt í okkar leik þrátt fyrir að úrslitin hafi verið hagstæð,“ segir Grindvíkingurinn um framhaldið.
Körfubolti Tengdar fréttir Jón Axel fer á kostum og er efstur í öllu í efsta liðinu Jón Axel Guðmundsson er besti leikmaður besta liðsins í A 10-deildinni í bandaríska háskólakörfuboltanum. 5. desember 2018 13:00 Mest lesið Telur að Valsmenn nenni ekki að dansa tangóinn hans Túfa til lengdar Íslenski boltinn Íslenskt hugvit á að umbylta golfheiminum Golf Stúkan: Óvenju miklar árásir eða viðkvæmari en aðrir Íslenski boltinn Svona var fundurinn fyrir tugmilljóna leikinn í Laugardal Íslenski boltinn Keane: „Arsenal er með hugarfar smáliðs“ Enski boltinn Neyddir í eina stystu rútuferð sögunnar Fótbolti Birkir á leið til Vals á nýjan leik Íslenski boltinn Ten Hag neitaði að kenna Eriksen um jöfnunarmarkið Fótbolti Stjóri West Ham meiddist gegn Liverpool og yfirgaf völlinn á hækjum Enski boltinn Kroos ætlaði að fara til United en svo var Moyes rekinn Enski boltinn Fleiri fréttir Helena verður á skjánum í vetur Derrick Rose leggur skóna á hilluna Mögnuðu tímabili nýliðans Clark lokið: „Get orðið miklu betri“ Æfir eftir stæla þjálfarans og banna leikmenn í landsliðið Nóg að gera á skrifstofu Stjörnunnar Shabazz semur við Njarðvík Shaq í Stjörnuna Njarðvíkingar losa sig við Bandaríkjamanninn rétt fyrir mót Þarf ekkert að taka afa bak við hlöðu og skjóta hann Viktor aftur heim í Stjörnuna Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Sjá meira
Jón Axel fer á kostum og er efstur í öllu í efsta liðinu Jón Axel Guðmundsson er besti leikmaður besta liðsins í A 10-deildinni í bandaríska háskólakörfuboltanum. 5. desember 2018 13:00