Ragnhildur greinir sjálf frá þessu á Facebook og segir:
„Þá er fjölskyldan í Logalandinu farin að hugsa sér til hreyfings og húsið komið á sölu. Þetta er dýrðarinnar hús (og garður!) og hér hefur farið vel um okkur fjórar alla grunnskólagöngu dætranna. Við mælum með þessu fyrir ykkur eða vini ykkar, sem hafa alltaf þráð að búa á besta stað í Fossvogi.“
Um er að ræða 230 fermetra eign og var húsið byggt árið 1972. Raðhúsið er við enda í vinsælu og grónu hverfi.
Fasteignamat eignarinnar er rúmlega 78 milljónir. Hér að neðan má sjá myndir úr Logalandinu.






