Bein útsending: Kvöldfréttir Stöðvar 2

Mörg hundruð karlmenn eru skráðir í lokaðan hóp á Facebook þar sem vændiskaup eru til umræðu. Yfirmaður mansalsteymis lögreglunnar segir fylgst með umræðunum en að lítið sé hægt að gera. Fjallað verður um þetta mál í fréttum Stöðvar 2.

Einnig verður rætt við framkvæmdastjóra Samtaka ferðaþjónustunnar en dregið hefur úr fjölgun erlendra ferðamanna hér á landi.

Við segjum einnig frá Falcon Heavy eldflauginni sem verður skotið á loft í kvöld og ræðum í beinni útsendingu við Guðmund Guðmundsson, nýráðinn landsliðsþjálfara karla í handbolta.