Fálkavinir finna fyrir samstöðu

Nú þegar hefur einn einstaklingur boðist til þess að gefa Fálkasetrinu í Ásbyrgi andvirði myndavélar. Það gerðist eftir að Fréttablaðið greindi frá því í vikunni að Fálkasetrið stefndi að því að koma upp vélum við hreiður til að fæla frá eggjaþjófa. Varpi nokkurra fálkapara hefur verið spillt undanfarin ár með því að taka egg úr hreiðrunum.

Aðalsteinn Örn Snæþórsson, líffræðingur og formaður Fálkasetursins, segir að nú sé beðið eftir heimild frá umhverfisráðuneytinu til þess að fá að setja slíkar myndavélar upp.