Sigríður Hrólfsdóttir, stjórnarformaður Símans, er látin. Sigríður var ásamt fjölskyldu sinni stödd erlendis í fríi þegar hún varð bráðkvödd. Frá þessu er greint í tilkynningu frá Símanum.
Sigríður hefur setið í stjórn Símans frá júlí 2013 og verið stjórnarformaður félagsins frá sama tíma.
Í tilkynningunni segir að starfsfólk og stjórn Símans séu harmi slegin yfir þessu óvænta fráfalli og votti fjölskyldu hennar innilega samúð. Er Sigríði þakkað fyrir ósérhlífið framlag til félagsins á undanförnum árum.
Sigríður Hrólfsdóttir látin
