Zac Efron ýmist hrósað eða sagður of „heitur“ í hlutverki hins sjúka Ted Bundy Birgir Olgeirsson skrifar 28. janúar 2019 11:09 Myndin er sögð út frá sjónarhorni kærustu Bundy, sem Lily Collins leikur. Hjartaknúsarinn Zac Efron er sagður hafa tekið stórt stökk í áttina að því að vera tekinn alvarlega í nýjustu mynd sinni þar sem hann leikur hinn alræmda raðmorðingja Ted Bundy. Gagnrýnendur benda þó sumir á að Bundy sé næstum því of kynþokkafullur og viðkunnalegur í meðförum Efrons. Bundy þessi nauðgaði og myrti tugi kvenna vítt um Bandaríkin á árunum 1974 til 1978 en hann hélt fram sakleysi sínu í áratug áður en hann játaði að lokum að hafa framið 30 morð. Fjöldi fórnarlamba hans er því enn sagður á huldu og talið að hann geti jafnvel verið hærri. Á meðan glæpir hans voru ekki á almanna vitorði var hann almennt talinn þokkafullur og vel greindur einstaklingur sem var talinn myndarlegur og vel máli farinn. Sjálfur sagði hann á seinni stigum lífs síns að hann versti andskoti sem nokkur gæti hitt en einn af verjendum hans lýsti honum sem skilgreiningunni á hreinræktaðri illsku. Myndin sem Zac Efron leikur í nefnist Extremely Wicked, Shockingly Evil, And Vile en hún er sögð út frá sjónarhorni kærustu Bundy, Elizabeth Kloepfer, sem Lily Collins leikur. Árum saman neitaði hún að trúa sannleikanum um kærasta sinn, að hann væri einn versti fjöldamorðingi í sögu Bandaríkjanna.Ted Bundy í réttarsal.Vísir/GettyMörgum gagnrýnendum þykir Zac Effron takast ágætlega upp sem Bundy, þar á meðal gagnrýnandi Guardian sem bætir þó við að myndin sjálf sé fremur litlaus og standi algjörlega og falli með frammistöðu leikaranna.Gagnrýnandi Slash Film hefur svipaða sögu af segja af myndinni en setur þó út á handrit myndarinnar. Kvartar hann undan því að myndin sé kynnt sem saga sem sé sögð út frá sjónarhorni kærustu Bundy en henni sé hreinlega ekki sýnd nógu mikil athygli. Gagnrýnandinn segir að þar hefði hjarta myndarinnar átt að vera, hjá Elizabeth Kloepfer, en of mikil athygli fari þess í stað í Bundy.Gagnrýnandi Mashable fer afar hörðum orðum um þessa mynd og segir hana falla í þá gryfju, eins og svo margir, að sveipa þennan raðmorðingja töfraljóma enn eina ferðina. „Ef þú ert að leita að mynd þar sem Ted Bundy er sérstaklega kynþokkafullur, þá er þetta þessi fyrir þig. Ef þú ert að leita að einhverju meiru, þá getur þú sleppt þessari misheppnuðu tilraun.“ Myndin var sýnd á Sundance-kvikmyndahátíðinni í Bandaríkjunum í liðinni viku. Leikstjóri myndarinnar er er Joe Berlinger en nýverði kom frá honum heimildaþáttaröð um Ted Bundy sem sýnd er á Netflix. Bandaríkin Mest lesið „Þetta er enginn helvítis félagskvíði, það bara þolir mig enginn“ Áskorun Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Fundu ástina á ný eftir skilnað Lífið Búið spil Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sunneva og Tanja ræða lýtaaðgerðirnar sínar Lífið Syntu í hverri einustu laug landsins Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira
Hjartaknúsarinn Zac Efron er sagður hafa tekið stórt stökk í áttina að því að vera tekinn alvarlega í nýjustu mynd sinni þar sem hann leikur hinn alræmda raðmorðingja Ted Bundy. Gagnrýnendur benda þó sumir á að Bundy sé næstum því of kynþokkafullur og viðkunnalegur í meðförum Efrons. Bundy þessi nauðgaði og myrti tugi kvenna vítt um Bandaríkin á árunum 1974 til 1978 en hann hélt fram sakleysi sínu í áratug áður en hann játaði að lokum að hafa framið 30 morð. Fjöldi fórnarlamba hans er því enn sagður á huldu og talið að hann geti jafnvel verið hærri. Á meðan glæpir hans voru ekki á almanna vitorði var hann almennt talinn þokkafullur og vel greindur einstaklingur sem var talinn myndarlegur og vel máli farinn. Sjálfur sagði hann á seinni stigum lífs síns að hann versti andskoti sem nokkur gæti hitt en einn af verjendum hans lýsti honum sem skilgreiningunni á hreinræktaðri illsku. Myndin sem Zac Efron leikur í nefnist Extremely Wicked, Shockingly Evil, And Vile en hún er sögð út frá sjónarhorni kærustu Bundy, Elizabeth Kloepfer, sem Lily Collins leikur. Árum saman neitaði hún að trúa sannleikanum um kærasta sinn, að hann væri einn versti fjöldamorðingi í sögu Bandaríkjanna.Ted Bundy í réttarsal.Vísir/GettyMörgum gagnrýnendum þykir Zac Effron takast ágætlega upp sem Bundy, þar á meðal gagnrýnandi Guardian sem bætir þó við að myndin sjálf sé fremur litlaus og standi algjörlega og falli með frammistöðu leikaranna.Gagnrýnandi Slash Film hefur svipaða sögu af segja af myndinni en setur þó út á handrit myndarinnar. Kvartar hann undan því að myndin sé kynnt sem saga sem sé sögð út frá sjónarhorni kærustu Bundy en henni sé hreinlega ekki sýnd nógu mikil athygli. Gagnrýnandinn segir að þar hefði hjarta myndarinnar átt að vera, hjá Elizabeth Kloepfer, en of mikil athygli fari þess í stað í Bundy.Gagnrýnandi Mashable fer afar hörðum orðum um þessa mynd og segir hana falla í þá gryfju, eins og svo margir, að sveipa þennan raðmorðingja töfraljóma enn eina ferðina. „Ef þú ert að leita að mynd þar sem Ted Bundy er sérstaklega kynþokkafullur, þá er þetta þessi fyrir þig. Ef þú ert að leita að einhverju meiru, þá getur þú sleppt þessari misheppnuðu tilraun.“ Myndin var sýnd á Sundance-kvikmyndahátíðinni í Bandaríkjunum í liðinni viku. Leikstjóri myndarinnar er er Joe Berlinger en nýverði kom frá honum heimildaþáttaröð um Ted Bundy sem sýnd er á Netflix.
Bandaríkin Mest lesið „Þetta er enginn helvítis félagskvíði, það bara þolir mig enginn“ Áskorun Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Fundu ástina á ný eftir skilnað Lífið Búið spil Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sunneva og Tanja ræða lýtaaðgerðirnar sínar Lífið Syntu í hverri einustu laug landsins Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira