Segir heilann hafa svikið sig eftir endurtekin áföll Kristín Ýr Gunnarsdóttir og Andri Eysteinsson skrifa 8. mars 2019 21:08 Kona með áfallastreituröskun segir samfélagið þurfa að huga betur að fólki sem veikist. Henni hafi alltaf verið hrósað fyrir dugnað, styrk og metnað. þar til heilinn sveik hana og sjálfsmyndin brotnaði. Fyrstu niðurstöður áfallasögu kvenna voru kynntar í dag. Áfallasaga kvenna er vísindarannsókn á vegum háskóla Íslands og íslenskrar erfðagreiningar. Markmiðið er að varpa ljósi á heilsufar kvenna í kjölfar áfalla. Rúmlega þrjátíu þúsund konur hafa tekið þátt í rannsókninni og telja rannsakendur niðurstöðurnar því geta endurspeglað þjóðina. Niðurstöðurnar leiða í ljós að þriðjungur kvenna hefur orðið fyrir kynferðislegri áreitni í námi eða starfi og um fimmtungur kvenna eru með merki um áfallastreituröskun. Niðurstöður rannsóknarinnar voru kynntar í dag og í pontu steig Stefanía Sigurðardóttir og sagði sögu sína. Eftir röð áfalla á stuttum tíma, missti hún allan styrk og hefur verið í veikindaleyfi vegna álags og kulnunar. Hún sagði heilann hafa svikið sig. Fréttastofa ræddi við Stefaníu eftir tölu hennar og sjá má viðtalið í heild sinni í spilaranum hér að neðan.Læst inni á hótelherbergi í miðri skotárás Áfallasaga Stefaníu er löng og tóku áföllin að endingu allan styrk úr henni. Eftir ýmis áföll í barnæsku, kynferðislegt ofbeldi var hún komin á græna grein skömmu seinna fara áföll að dynja á henni að nýju. „Ég er komin á nokkuð græna grein þegar efnahagshrunið verður. Í kjölfarið veikist maðurinn minn, þáverandi, mjög illa og eftirköstin af því eru ákveðið áfall. Móðir mín veikist í kjölfarið sem ýfir upp allt þetta gamla úr minni æsku. Ég stend í skilnaði og skipti um vinnu og seinna er vinnan mín seld erlendu fyrirtæki, svo þetta var erfiður tími,“ segir Stefanía. Stefanía er svo stödd á ráðstefnu í bandarísku borginni Las Vegas, 1.október 2017, þegar enn eitt áfallið dynur á henni. Þann dag hóf Stephen Paddock skotárás úr herbergi sínu í Mandalay Bay hótelinu, 58 létu lífið af völdum Paddock og 851 særðust. Stefanía var stödd á herbergi sínu á Mandalay Bay hótelinu þegar henni bárust skilaboð um byssumann á hótelinu. „Ég er í „lockdown“ í sex til átta tíma um nóttina, ein inni á hótelherbergi og veit ekki hvort vitorðsmaður byssumannsins sé á hæðinni minni. Ég sit ein í myrkrinu og það var þá sem allt helltist yfir mig. Hvað myndu börnin mín gera ef ég fell frá, það var eins og allur styrkur hafi verið farinn úr mér“ sagði Stefanía.Þarf að leyfa fólki að vera mannlegt Stefanía hefur síðan unnið að því að finna jafnvægi að nýju, til þess hefur hún til dæmis hætt á samfélagsmiðlum. Hún lýsir því að það hafi verið erfitt að vera ekki lengur ofurkona. „Ég hef markvisst verið að leita inn á við til að geta tekist á við þetta, að vera ekki sú sem ég hélt ég væri eða hélt ég yrði. Allt sem ég hef unnið að, ég sé ekki fram á að ég nái því lengur. Mín sjálfsmynd brotnaði niður og ég hef þurft byggja hana upp á nýtt, í jafnvægi,“ sagði Stefanía. Stefanía segir að samfélagið þurfi að minnka kröfurnar sem það setur hvort á aðra, leyfa tilfinningar og að leyfa fólki að vera mannlegt. Einnig sagði hún mikilvægt að tala saman, þó að maður hafi ekki lausnina á reiðum höndum. „Við þurfum að tala, það þarf ekki að koma með ráð, við þurfum ekki að hafa lausn fyrir þá sem eru veikir, bara að hlusta. Þetta þarf ekkert að vera búið þó við lendum í veikindum. Ég upplifi það þegar ég greinist með vefjagigt, þá hugsa ég, ég ætla sko ekki að verða öryrki, núna stend ég þar og er það ekki allt í lagi, er það eitthvað verra, er ég verri manneskja af því að ég er í þessari stöðu? Næstu skref Stefaníu felast, að hennar sögn, í því að vinna að taugakerfinu, með jafnvægi. Hreyfa sig reglulega, knúsa börnin sín og taka hverjum degi eins og hann kemur. Heilbrigðismál Mest lesið Ekki náð að góma þjófa í dulargervi Innlent Vildu hætta Ameríkuflugi en keyptu svo 757-þotuna Innlent Bein útsending: Deildarmyrkvi á sólu Innlent Segir orðræðu varaforsetans ósanngjarna Erlent Tala látinna komin yfir þúsund Erlent Utanríkisráðherra Danmerkur: „Svona talar þú ekki við nána bandamenn þína“ Erlent Nýtt hverfi innblásið af gömlu Reykjavík Innlent RÚV leiðréttir umfjöllun um mál Ásthildar Lóu Innlent Borgarfulltrúi sagður hafa sýnt ógnandi hegðun á íbúafundi Innlent „Það er skítkalt hérna“ Erlent Fleiri fréttir Mengun úr jarðvegi orsakaði skrýtið bragð af neysluvatni Bein útsending: Deildarmyrkvi á sólu Unglingur hrækti á lögreglumann Ekki náð að góma þjófa í dulargervi Vildu hætta Ameríkuflugi en keyptu svo 757-þotuna Fullveldi Íslands háð því að alþjóðalög séu virt Karlar eiga mjög erfitt með að viðurkenna risvandamál Nýtt hverfi innblásið af gömlu Reykjavík RÚV leiðréttir umfjöllun um mál Ásthildar Lóu Eldur í gömlu sundhöllinni í Keflavík Mannskæður jarðskjálfti og vasaþjófar í dulargervi Borgarfulltrúi sagður hafa sýnt ógnandi hegðun á íbúafundi Jagúar, skrautleg ferð, Baltasar Kormákur og fullt af „ís“ Eins leitað eftir slagsmál Greiða atkvæði um verkfall á Grundartanga Kæra skógrækt við Húsavík vegna rasks á varplendi fugla Lokaæfing fyrir almyrkva Vilja að bæjarstjóri lækki laun sín jafn mikið og bæjarfulltrúar Döpur vegna „hetjunnar“ Ástu og „ómaklegrar aðfarar“ RÚV Saka lögregluna um að rægja Kínverja Verður aflífaður eftir allt saman Harðir skjálftar í Asíu og Play til Möltu Lögreglustjóri mun stýra Mannréttindastofnun Vara við þjófum sem dulbúa sig sem ferðamenn Stuðningur við símabann í grunnskólum eykst og mælist 62 prósent Skoða hvort hægt sé að flýta uppbyggingu í Úlfarsárdal Bein útsending: Borgarstjóri ræðir húsnæðisuppbyggingu í Reykjavík Erlendir vasaþjófar herja á Þingvelli og fleiri ferðamannastaði Fimm handteknir vegna líkamsárásar og haldið upp á „alþjóðlega Viagra daginn“ Sólmyrkvi á laugardaginn Sjá meira
Kona með áfallastreituröskun segir samfélagið þurfa að huga betur að fólki sem veikist. Henni hafi alltaf verið hrósað fyrir dugnað, styrk og metnað. þar til heilinn sveik hana og sjálfsmyndin brotnaði. Fyrstu niðurstöður áfallasögu kvenna voru kynntar í dag. Áfallasaga kvenna er vísindarannsókn á vegum háskóla Íslands og íslenskrar erfðagreiningar. Markmiðið er að varpa ljósi á heilsufar kvenna í kjölfar áfalla. Rúmlega þrjátíu þúsund konur hafa tekið þátt í rannsókninni og telja rannsakendur niðurstöðurnar því geta endurspeglað þjóðina. Niðurstöðurnar leiða í ljós að þriðjungur kvenna hefur orðið fyrir kynferðislegri áreitni í námi eða starfi og um fimmtungur kvenna eru með merki um áfallastreituröskun. Niðurstöður rannsóknarinnar voru kynntar í dag og í pontu steig Stefanía Sigurðardóttir og sagði sögu sína. Eftir röð áfalla á stuttum tíma, missti hún allan styrk og hefur verið í veikindaleyfi vegna álags og kulnunar. Hún sagði heilann hafa svikið sig. Fréttastofa ræddi við Stefaníu eftir tölu hennar og sjá má viðtalið í heild sinni í spilaranum hér að neðan.Læst inni á hótelherbergi í miðri skotárás Áfallasaga Stefaníu er löng og tóku áföllin að endingu allan styrk úr henni. Eftir ýmis áföll í barnæsku, kynferðislegt ofbeldi var hún komin á græna grein skömmu seinna fara áföll að dynja á henni að nýju. „Ég er komin á nokkuð græna grein þegar efnahagshrunið verður. Í kjölfarið veikist maðurinn minn, þáverandi, mjög illa og eftirköstin af því eru ákveðið áfall. Móðir mín veikist í kjölfarið sem ýfir upp allt þetta gamla úr minni æsku. Ég stend í skilnaði og skipti um vinnu og seinna er vinnan mín seld erlendu fyrirtæki, svo þetta var erfiður tími,“ segir Stefanía. Stefanía er svo stödd á ráðstefnu í bandarísku borginni Las Vegas, 1.október 2017, þegar enn eitt áfallið dynur á henni. Þann dag hóf Stephen Paddock skotárás úr herbergi sínu í Mandalay Bay hótelinu, 58 létu lífið af völdum Paddock og 851 særðust. Stefanía var stödd á herbergi sínu á Mandalay Bay hótelinu þegar henni bárust skilaboð um byssumann á hótelinu. „Ég er í „lockdown“ í sex til átta tíma um nóttina, ein inni á hótelherbergi og veit ekki hvort vitorðsmaður byssumannsins sé á hæðinni minni. Ég sit ein í myrkrinu og það var þá sem allt helltist yfir mig. Hvað myndu börnin mín gera ef ég fell frá, það var eins og allur styrkur hafi verið farinn úr mér“ sagði Stefanía.Þarf að leyfa fólki að vera mannlegt Stefanía hefur síðan unnið að því að finna jafnvægi að nýju, til þess hefur hún til dæmis hætt á samfélagsmiðlum. Hún lýsir því að það hafi verið erfitt að vera ekki lengur ofurkona. „Ég hef markvisst verið að leita inn á við til að geta tekist á við þetta, að vera ekki sú sem ég hélt ég væri eða hélt ég yrði. Allt sem ég hef unnið að, ég sé ekki fram á að ég nái því lengur. Mín sjálfsmynd brotnaði niður og ég hef þurft byggja hana upp á nýtt, í jafnvægi,“ sagði Stefanía. Stefanía segir að samfélagið þurfi að minnka kröfurnar sem það setur hvort á aðra, leyfa tilfinningar og að leyfa fólki að vera mannlegt. Einnig sagði hún mikilvægt að tala saman, þó að maður hafi ekki lausnina á reiðum höndum. „Við þurfum að tala, það þarf ekki að koma með ráð, við þurfum ekki að hafa lausn fyrir þá sem eru veikir, bara að hlusta. Þetta þarf ekkert að vera búið þó við lendum í veikindum. Ég upplifi það þegar ég greinist með vefjagigt, þá hugsa ég, ég ætla sko ekki að verða öryrki, núna stend ég þar og er það ekki allt í lagi, er það eitthvað verra, er ég verri manneskja af því að ég er í þessari stöðu? Næstu skref Stefaníu felast, að hennar sögn, í því að vinna að taugakerfinu, með jafnvægi. Hreyfa sig reglulega, knúsa börnin sín og taka hverjum degi eins og hann kemur.
Heilbrigðismál Mest lesið Ekki náð að góma þjófa í dulargervi Innlent Vildu hætta Ameríkuflugi en keyptu svo 757-þotuna Innlent Bein útsending: Deildarmyrkvi á sólu Innlent Segir orðræðu varaforsetans ósanngjarna Erlent Tala látinna komin yfir þúsund Erlent Utanríkisráðherra Danmerkur: „Svona talar þú ekki við nána bandamenn þína“ Erlent Nýtt hverfi innblásið af gömlu Reykjavík Innlent RÚV leiðréttir umfjöllun um mál Ásthildar Lóu Innlent Borgarfulltrúi sagður hafa sýnt ógnandi hegðun á íbúafundi Innlent „Það er skítkalt hérna“ Erlent Fleiri fréttir Mengun úr jarðvegi orsakaði skrýtið bragð af neysluvatni Bein útsending: Deildarmyrkvi á sólu Unglingur hrækti á lögreglumann Ekki náð að góma þjófa í dulargervi Vildu hætta Ameríkuflugi en keyptu svo 757-þotuna Fullveldi Íslands háð því að alþjóðalög séu virt Karlar eiga mjög erfitt með að viðurkenna risvandamál Nýtt hverfi innblásið af gömlu Reykjavík RÚV leiðréttir umfjöllun um mál Ásthildar Lóu Eldur í gömlu sundhöllinni í Keflavík Mannskæður jarðskjálfti og vasaþjófar í dulargervi Borgarfulltrúi sagður hafa sýnt ógnandi hegðun á íbúafundi Jagúar, skrautleg ferð, Baltasar Kormákur og fullt af „ís“ Eins leitað eftir slagsmál Greiða atkvæði um verkfall á Grundartanga Kæra skógrækt við Húsavík vegna rasks á varplendi fugla Lokaæfing fyrir almyrkva Vilja að bæjarstjóri lækki laun sín jafn mikið og bæjarfulltrúar Döpur vegna „hetjunnar“ Ástu og „ómaklegrar aðfarar“ RÚV Saka lögregluna um að rægja Kínverja Verður aflífaður eftir allt saman Harðir skjálftar í Asíu og Play til Möltu Lögreglustjóri mun stýra Mannréttindastofnun Vara við þjófum sem dulbúa sig sem ferðamenn Stuðningur við símabann í grunnskólum eykst og mælist 62 prósent Skoða hvort hægt sé að flýta uppbyggingu í Úlfarsárdal Bein útsending: Borgarstjóri ræðir húsnæðisuppbyggingu í Reykjavík Erlendir vasaþjófar herja á Þingvelli og fleiri ferðamannastaði Fimm handteknir vegna líkamsárásar og haldið upp á „alþjóðlega Viagra daginn“ Sólmyrkvi á laugardaginn Sjá meira