„Við erum ekki alveg nógu gamlir til að hætta“ Tryggvi Páll Tryggvason skrifar 5. júní 2019 09:15 Jakob og Guðmundur eru mættir aftur í veitingareksturinn eftir smá hlé. Mynd/Jakob Jakobsson „Já, ég gerði það með leyni um helgina,“ segir veitingamaðurinn Jakob Jakobsson, áður þekktur sem Jakob í Jómfrúnni, um hvort nýr veitingastaður hans og eiginmanns hans í Hveragerði, Matkráin, hafi opnað dyr sínar fyrir matargestum. Það er ekki á hverjum degi sem nýr veitingastaður opnar í Hveragerði og hvað þá að tveir af reynslumestu veitingamönnum landsins séu við stjórnvölinn, þeir Jakob og Guðmundur Guðjónsson, sem saman ráku Jómfrúna í Lækjargötu í miðborg Reykjavíkur í tæp tuttugu ár. „Það er nú kannski vegna þess að Hveragerði og nærsveitir Reykjavíkur eru í mikilli sókn. Það er mikil uppbygging alls staðar í kringum Reykjavík, ekki síst í Hveragerði. Svo hef ég búið hér í sveit rétt utan Hveragerðis í áratugi. Það er aðalástæðan,“ segir Jakob um ástæður þess að Hveragerði hafi orðið fyrir valinu.Jakob og Guðmundur sáu sjálfir um að hanna útlit staðarins.Mynd/Jakob Jakobsson.„Vitandi af mikilli traffík borgarbúa í gegnum Hveragerði sem eiga hér sitt annað heimili í sveitunum. Það er Reykjadalurinn og þessi glæsilega sundlaug, hverasvæðið og bara bærinn sjálfur,“ segir Jakob um það sem trekkir borgarbúa sem og aðra að Hveragerði.Vildu eiga hverja einustu flís Þeir sem lagt hafa leið sína til Hveragerðis kannast ef til vill við húsið sem Matkránna má finna, Breiðamörk 10. Þar var um árabil ísbúð og ýmis konar annar rekstur en Jakob og Guðmundur fjárfestu í húsnæðinu skömmu eftir að þeir seldu Jómfrúna árið 2015. Í millitíðinni nutu þeir lífsins og ferðuðust en Jakob segist vera haldinn veiru sem hann losni ekki svo glatt við. Hún orsaki opnun Matkrárinnar. „Við erum ekki alveg nógu gamlir til að hætta. Ég kalla þetta að vera haldinn svona veitingaveiru. Hún kemur alltaf upp annað slagið. Hún drepur ekki en hún tekur á,“ segir Jakob. Þegar leigjendur húsnæðisins vildu nýverið frá að hverfa ákváðu Jakob og Guðmundur að stökkva til og hella sér aftur út í veitingareksturinn. „Það blundaði alltaf í okkur að opna veitingastað þar sem við ættum allt, frá hverri flís,“ segir Jakob en hann og Guðmundur sáu alfarið um hönnun á útliti veitingastaðarins. „Við horfum töluvert til skandinavískar hönnunar, sjöunda og áttunda áratugarins. Hér er mikil eik eins og var þá. Matseldina erum við líka að sækja í skandinavískar og norrænar hefðir,“ segir Jakob sem virðist vera ánægður með að vera í Hveragerði, fremur en í miðborginni líkt og áður, enda þrengir að veitingamönnum sem þar eru með rekstur.Fastagestir á Jómfrúnni munu líklega kannast við sig.Mynd/Jakob Jakobsson„Það er orðin mikil samkeppni og mjög dýrt allt umhverfi til rekstrar í miðborg Reykjavíkur. Veitingamenn með þessa veiru sem ég hef þeir vilja helst ekki að mest af hýrunni fari í húseigendur og slíkt,“ segir Jakob sem reyndar hefur verið þeirrar gæfu aðnjótandi að eiga húsnæðið þar sem hann er með veitingarekstur, fyrst með Jómfrúnni í Lækjargötu og nú í Hveragerði með Matkránni. Spáir ekkert í heimsendaspám Um þessar mundir berast helst fréttir af lokunum á hótelum og veitingastöðum, útlit er fyrir samdrátt í komu ferðamanna hingað til lands og því mun mögulega kreppa að víða í samfélaginu. Það hefur hins vegar ekki letjandi áhrif á Jakob og Guðmund. „Nei nei, ég hef aldrei pælt í svona spám. Þú bara gerir þitt besta og ef kúnninn þinn kemur oftar en einu sinni þá nægja mér Íslendingarnir,“ segir Jakob.En munu fastagestir Jómfrúarinnar kannast við matseðilinn á Matkránni? „Já, þeir munu gera það.“ Hveragerði Neytendur Veitingastaðir Vistaskipti Tengdar fréttir Erfiðleikar fá veitingamenn til að naga neglur Umtalsverður samdráttur var hjá mörgum veitingastöðum í miðborginni í fyrra. Fjöldi veitingastaða sem eru innan við eins árs eru til sölu. Eigendur Osushi hafa brugðið á það ráð að loka veitingastaðnum í Borgar 27. febrúar 2019 07:45 Fyrsta „smurbrauðsjómfrúin“ leggur svuntuna á hilluna Jakob yngri ætlar að efla reksturinn á Jómfrúnni. 26. ágúst 2015 20:22 Mest lesið Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Stærstu fyrirtækin orðið af 747 milljörðum Viðskipti erlent Barátta Seðlabankans löngu töpuð Viðskipti innlent Dýr smjörvi á Egilsstöðum vekur mikla athygli Neytendur Í áfalli yfir dýrari dekkjum og Hlöllabát Neytendur Formaðurinn neiti að horfast í augu við einkunnaverðbólgu Viðskipti innlent Verðbólgutölur minnki líkur á vaxtalækkun „allverulega“ Viðskipti innlent „Við erum ekki að fara að vinna“ Neytendur „Ljóst að staðan er mjög strembin“ Viðskipti innlent Tæpar 2500 krónur fyrir litla samloku á Geysi Neytendur Fleiri fréttir Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka „Það er verið að ríkisvæða húsnæðismarkaðinn“ Leggja upp laupana í Lundúnum Annað tilboð borist í Skagann 3X Fasteignakaup fjárfesta vísbending um að fasteignaverð haldi áfram að hækka Skúli í Subway reisir glæsihótel við Jökulsárlón Búið að bjóða í Skagann 3X Sjá meira
„Já, ég gerði það með leyni um helgina,“ segir veitingamaðurinn Jakob Jakobsson, áður þekktur sem Jakob í Jómfrúnni, um hvort nýr veitingastaður hans og eiginmanns hans í Hveragerði, Matkráin, hafi opnað dyr sínar fyrir matargestum. Það er ekki á hverjum degi sem nýr veitingastaður opnar í Hveragerði og hvað þá að tveir af reynslumestu veitingamönnum landsins séu við stjórnvölinn, þeir Jakob og Guðmundur Guðjónsson, sem saman ráku Jómfrúna í Lækjargötu í miðborg Reykjavíkur í tæp tuttugu ár. „Það er nú kannski vegna þess að Hveragerði og nærsveitir Reykjavíkur eru í mikilli sókn. Það er mikil uppbygging alls staðar í kringum Reykjavík, ekki síst í Hveragerði. Svo hef ég búið hér í sveit rétt utan Hveragerðis í áratugi. Það er aðalástæðan,“ segir Jakob um ástæður þess að Hveragerði hafi orðið fyrir valinu.Jakob og Guðmundur sáu sjálfir um að hanna útlit staðarins.Mynd/Jakob Jakobsson.„Vitandi af mikilli traffík borgarbúa í gegnum Hveragerði sem eiga hér sitt annað heimili í sveitunum. Það er Reykjadalurinn og þessi glæsilega sundlaug, hverasvæðið og bara bærinn sjálfur,“ segir Jakob um það sem trekkir borgarbúa sem og aðra að Hveragerði.Vildu eiga hverja einustu flís Þeir sem lagt hafa leið sína til Hveragerðis kannast ef til vill við húsið sem Matkránna má finna, Breiðamörk 10. Þar var um árabil ísbúð og ýmis konar annar rekstur en Jakob og Guðmundur fjárfestu í húsnæðinu skömmu eftir að þeir seldu Jómfrúna árið 2015. Í millitíðinni nutu þeir lífsins og ferðuðust en Jakob segist vera haldinn veiru sem hann losni ekki svo glatt við. Hún orsaki opnun Matkrárinnar. „Við erum ekki alveg nógu gamlir til að hætta. Ég kalla þetta að vera haldinn svona veitingaveiru. Hún kemur alltaf upp annað slagið. Hún drepur ekki en hún tekur á,“ segir Jakob. Þegar leigjendur húsnæðisins vildu nýverið frá að hverfa ákváðu Jakob og Guðmundur að stökkva til og hella sér aftur út í veitingareksturinn. „Það blundaði alltaf í okkur að opna veitingastað þar sem við ættum allt, frá hverri flís,“ segir Jakob en hann og Guðmundur sáu alfarið um hönnun á útliti veitingastaðarins. „Við horfum töluvert til skandinavískar hönnunar, sjöunda og áttunda áratugarins. Hér er mikil eik eins og var þá. Matseldina erum við líka að sækja í skandinavískar og norrænar hefðir,“ segir Jakob sem virðist vera ánægður með að vera í Hveragerði, fremur en í miðborginni líkt og áður, enda þrengir að veitingamönnum sem þar eru með rekstur.Fastagestir á Jómfrúnni munu líklega kannast við sig.Mynd/Jakob Jakobsson„Það er orðin mikil samkeppni og mjög dýrt allt umhverfi til rekstrar í miðborg Reykjavíkur. Veitingamenn með þessa veiru sem ég hef þeir vilja helst ekki að mest af hýrunni fari í húseigendur og slíkt,“ segir Jakob sem reyndar hefur verið þeirrar gæfu aðnjótandi að eiga húsnæðið þar sem hann er með veitingarekstur, fyrst með Jómfrúnni í Lækjargötu og nú í Hveragerði með Matkránni. Spáir ekkert í heimsendaspám Um þessar mundir berast helst fréttir af lokunum á hótelum og veitingastöðum, útlit er fyrir samdrátt í komu ferðamanna hingað til lands og því mun mögulega kreppa að víða í samfélaginu. Það hefur hins vegar ekki letjandi áhrif á Jakob og Guðmund. „Nei nei, ég hef aldrei pælt í svona spám. Þú bara gerir þitt besta og ef kúnninn þinn kemur oftar en einu sinni þá nægja mér Íslendingarnir,“ segir Jakob.En munu fastagestir Jómfrúarinnar kannast við matseðilinn á Matkránni? „Já, þeir munu gera það.“
Hveragerði Neytendur Veitingastaðir Vistaskipti Tengdar fréttir Erfiðleikar fá veitingamenn til að naga neglur Umtalsverður samdráttur var hjá mörgum veitingastöðum í miðborginni í fyrra. Fjöldi veitingastaða sem eru innan við eins árs eru til sölu. Eigendur Osushi hafa brugðið á það ráð að loka veitingastaðnum í Borgar 27. febrúar 2019 07:45 Fyrsta „smurbrauðsjómfrúin“ leggur svuntuna á hilluna Jakob yngri ætlar að efla reksturinn á Jómfrúnni. 26. ágúst 2015 20:22 Mest lesið Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Stærstu fyrirtækin orðið af 747 milljörðum Viðskipti erlent Barátta Seðlabankans löngu töpuð Viðskipti innlent Dýr smjörvi á Egilsstöðum vekur mikla athygli Neytendur Í áfalli yfir dýrari dekkjum og Hlöllabát Neytendur Formaðurinn neiti að horfast í augu við einkunnaverðbólgu Viðskipti innlent Verðbólgutölur minnki líkur á vaxtalækkun „allverulega“ Viðskipti innlent „Við erum ekki að fara að vinna“ Neytendur „Ljóst að staðan er mjög strembin“ Viðskipti innlent Tæpar 2500 krónur fyrir litla samloku á Geysi Neytendur Fleiri fréttir Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka „Það er verið að ríkisvæða húsnæðismarkaðinn“ Leggja upp laupana í Lundúnum Annað tilboð borist í Skagann 3X Fasteignakaup fjárfesta vísbending um að fasteignaverð haldi áfram að hækka Skúli í Subway reisir glæsihótel við Jökulsárlón Búið að bjóða í Skagann 3X Sjá meira
Erfiðleikar fá veitingamenn til að naga neglur Umtalsverður samdráttur var hjá mörgum veitingastöðum í miðborginni í fyrra. Fjöldi veitingastaða sem eru innan við eins árs eru til sölu. Eigendur Osushi hafa brugðið á það ráð að loka veitingastaðnum í Borgar 27. febrúar 2019 07:45
Fyrsta „smurbrauðsjómfrúin“ leggur svuntuna á hilluna Jakob yngri ætlar að efla reksturinn á Jómfrúnni. 26. ágúst 2015 20:22