Ekkert fékkst upp í rúmlega 73 milljóna kröfur í þrotabú félagsins HR2015 ehf., sem hélt utan um rekstur veitingastaðarins Hvíta riddarans í Mosfellsbæ. Félagið var tekið til gjaldþrotaskipta í september síðastliðnum sem lauk um miðjan febrúar.
Eini eigandi félagsins var Hákon Örn Bergmann. Hann rataði í fréttirnar í upphafi árs fyrir aðkomu sína að Skáksambandsmálinu svokallaða, sem Vísir fjallaði ítarlega um á sínum tíma. Hann var handtekinn á Hvíta riddaranum í upphafi árs 2018 í aðgerðum sérsveitarinnar við rannsókn málsins.
Við aðalmeðferðina í janúar síðastliðnum lýsti Hákon því hvernig Sigurður Kristinsson, sem hlaut að endingu fjögurra og hálfs árs fangelsisdóm, hafði ætlað sér að greiða niður skuld við sig með innflutning á ótilgreindum efnum.
Hákon sagðist hafa fengið slæma tilfinningu fyrir þessum innflutningi og að á einhverjum tímapunkti hafi hann fengið að heyra að um eitt kíló af fæðubótarefnum væri að ræða.
Sagðist Hákon að sama skapi hafa reynt að fjarlægja sig málinu eins og hann gæti. Þá hefði hann verið samvinnuþýður hjá lögreglu við að upplýsa málið. Hann var að engu að síður sakfelldur og hlaut 12 mánaða fangelsisdóm.
73 milljóna gjaldþrot Hvíta riddarans
![Hvíti riddarinn var rekinn í Háholti í Mosfellsbæ. Þar mun opna pizzastaðurinn Blackbox á næstu vikum.](https://www.visir.is/i/330E3256D88570043E2A2FF52BC76B028503398BB2100F41D76ED0E315143AF1_713x0.jpg)
Tengdar fréttir
![](https://www.visir.is/i/5FEFD537A70CA830F0D416914E21E1408886F5DD6AA62EC80D25BDD30897DD7C_308x200.jpg)
Þurfti að innheimta milljóna króna lán frá Sigurði vegna Fullra vasa
Hákon Örn sagðist hafa verið að fjármagna gerð kvikmyndar, Fullir Vasar, og í desember árið 2017 hefði hann vantað pening til baka frá Sigurði.
![](https://www.visir.is/i/1AA9548F0F891E4B070D3D3D7BAB6007C6169227E6B563A545DAC0646899110D_308x200.jpg)
Sigurður dæmdur til fjögurra og hálfs árs fangelsisvistar
Hákon og Jóhann hlutu vægari dóma.