Mygla í Fossvogsskóla – hver ber ábyrgð? Jónína Sigurðardóttir skrifar 15. mars 2019 11:03 Í fyrradag sat ég á upplýsingafund fyrir foreldra barna í Fossvogsskóla sem hefur verið lokað vegna myglu og rakaskemmda. Ég er móðir barns í skólanum sem hefur fundið fyrir töluverðum einkennum og veikst vegna myglunnar. Barnið mitt hefur meðal annars farið í taugarannsókn vegna óútskýrðra og virkilega kvalafullra höfuðverkja. Fyrir mitt leyti þá verð ég að segja að fundurinn sem haldinn var í fyrradag var mér mikil vonbrigði. Foreldrar höfðu skiljanlega margar spurningar þar sem mikil óvissa ríkir um ástandið. Fulltrúar borgarinnar sneru sífellt út úr og komu sér undan því að svara spurningum foreldra sem vilja gæta hagsmuna barna sinna. Vanvirðing af þessu tagi er mér algjörlega óskiljanleg og fékk ég frekar á tilfinninguna að við værum í einhvers konar pólitísku stríði sem á alls ekki við á þessum vettvangi. Aðspurð hvort borgin þyrfti ekki að fara í sjálfsskoðun og taka í gegn hjá sér verkferla til þess að koma í veg fyrir að svona staða kæmi upp aftur var svarað með týpísku svari borgarinnar að þau muni læra af stöðunni og gera betur næst. Það er ekki ásættanlegt og ég spyr mig hvernig standi á því að borgin hafi ekki lært af fyrri tilfellum sem upp hafa komið? Þetta er ekki í fyrsta skipti sem mygla kemur upp í húsnæði borgarinnar. Á fundinum gat enginn svarað hvernig stæði á því að heilbrigðiseftirlitið hefði gefið skólanum 4 af 5 í einkunn í lok nóvember sl. og nokkrum mánuðum síðar er ástandið svo slæmt að loka þarf öllu húsnæðinu. Enginn virtist vita í umboði hvers þeir starfa. Heilbrigðiseftirlitið hefur sloppið mjög vel í allri þeirri umræðu sem skapast hefur um málið. Hvernig getum við lagt traust okkar á stofnun sem fer með slík misferli. Af hverju fann heilbrigðiseftirlitið ekkert athugavert við loftgæði húsnæðisins? Það er deginum ljósara að mikill skortur er á viðhaldi eigna borgarinnar. Tjáðu fulltrúar borgarinnar foreldrum frá því að eftir hrun hafi verið erfitt að sinna öllu viðhaldi þar sem ekki hafi verið til fjármagn til þess. Nú eru liðin ellefu ár frá hruni; hversu lengi er hægt að nota hrunið sem afsökun fyrir að verkum sé ekki sinnt? Miðað við þær framkvæmdir sem borgin hefur staðið fyrir undanfarin ár og hafa farið margfalt fram úr fjárhagsáætlunum má ætla að peningurinn hafi verið til, honum hafi bara ekki verið forgangsraðað í þágu borgarbúa. Lögbundna þjónustu sem borginni ber að sinna. Ljóst er að grunnþjónustan hefur fengið að sitja á hakanum á kostnað annara verkefna, t.d. braggans í Nauthólsvík svo eitthvað sé nefnt. Foreldrar eru mjög áhyggjufullir og hafa miklar áhyggjur af heilsu barna sinna, en þekkt eru dæmi þess að fólk sem veikist vegna myglu sé mörg ár að ná bata. Því er mér óskiljanlegt að fulltrúar borgarinnar sem voru á fundinum hafi ekki getað sýnt foreldrum þá virðingu að svara fyrirspurnum áhyggjufullra foreldra. Sem dæmi má nefna að þegar fulltrúi borgarinnar var inntur eftur svörum um hver bæri ábyrgð á þessari stöðu sem upp væri komin, lét hann hafa eftir sér að það yrði athyglisvert að setja upp langtíma samanburðarrannsókn með það að markmiði að fylgjast með heilsu þeirra barna sem veikst hafa vegna myglu og bera niðurstöðurnar svo saman við börn sem ekki hafa komist í snertingu við myglu. Ekki veit ég hvað hann átti við með þessu en þetta svaraði ekki spurningunni. Þegar að þarna var komið við sögu féll hakan niður í gólf enda með eindæmum einkennilegt svar við spurningunni. Er það virkilega í forgangi hjá fulltrúa borgarinnar að velta fyrir sér áhugaverðum rannsóknarefnum þegar foreldrar vita ekki hvert þeir eiga að snúa sér? Eða var þetta kannski tilraun til að víkja sér undan því að svara spurningunni? Hefði ekki verið nær að ræða brýnni og meira aðkallandi hluti en rannsókn sem skilar engu í þessari stöðu, t.d. viðbragð borgarinnar og heilbrigðiseftirlitsins. Og þetta er ekki einsdæmi. Á fundi sem haldinn var í síðustu viku lét starfsmaður borgarinnar hafa eftir sér að hann hefði nýverið komið í heimsókn í skólann og séð þar fullt af glöðum börnum og þannig hlytu þau að vera hraust. Það er kannski ekki skrýtið þar sem veiku börnin hafa ekki getað mætt í skólann. Með þessum orðum fulltrúa borgarinnar má greina ákveðinn hroka sem gefur í skyn hvar hollusta þeirra liggur. Rétt er að árétta að foreldrar eru almennt ánægðir með viðbrögð skólastjórnenda, starfsfólks og frístundaheimilisins, sem hafa gert allt sem í þeirra valdi stendur til þess að styðja við og upplýsa foreldra. En maður spyr sig, hver ber ábyrgð á stöðunni sem upp er komin og afhverju hefur þetta fengið að grassera svona lengi? Jafnframt velti því ég fyrir mér hvernig borgaryfirvöld og heilbrigðiseftirlitið hyggjast bregðast við þessu? Fátt var um svör á fundinum og beini ég því spurningum mínum til borgarstjóra í von um að fá áreiðanleg svör. Höfundur er móðir barns í Fossvogsskóla. Viltu birta grein á Vísi? Sendu okkur póst. Senda grein Mygla í Fossvogsskóla Mest lesið Grafarvogsgremjan Þorlákur Axel Jónsson Skoðun Gremjan í Grafarvogi Davíð Már Sigurðsson Skoðun Kristján á Sprengisandi lendir í ágjöf Björn Ólafsson Skoðun Þegar mannshjörtun mætast Jóna Hrönn Bolladóttir,Bjarni Karlsson Skoðun Stöðvum glæpagengi á Íslandi Hjalti Vigfússon Skoðun Halldór 19.04.2025 Halldór Arðgreiðslur í sjávarútvegi eru eðlilegar og nauðsynlegar Birta Karen Tryggvadóttir Skoðun Jafnlaunavottun - „Hverjir græða á jafnlaunavottun“ Gunnar Ármannsson Skoðun Tvær dætur á Gaza - páskahugvekja Viðar Hreinsson Skoðun Hvernig húsnæðismarkað vill Viðskiptaráð? Skoðun Skoðun Skoðun Grafarvogsgremjan Þorlákur Axel Jónsson skrifar Skoðun Er ég að svindla? – Um sambýli manns og gervigreindar í sköpun og þekkingu Björgmundur Örn Guðmundsson skrifar Skoðun Fjármögnuðu stríðsvél Rússlands Hjörtur J. Guðmundsson skrifar Skoðun Hugleiðingar á páskum Ámundi Loftsson skrifar Skoðun Gremjan í Grafarvogi Davíð Már Sigurðsson skrifar Skoðun Samlokan á borðinu: Hugleiðingar á föstudeginn langaum sjónvarpsþættina Adolescence Skúli Ólafsson skrifar Skoðun Móttaka skemmtiferðaskipa - hlustað á íbúa Þórdís Lóa Þórhallsdóttir skrifar Skoðun Námsfærni nemenda í íslenskum skólum: Eigum við að lækka rána? Sigríður Ólafsdóttir skrifar Skoðun Snorri byggir skoðun á skólakerfinu á reynslusögum annarra en Guðrún vitnar í ritrýndar heimildir Davíð Routley skrifar Skoðun Þegar mannshjörtun mætast Jóna Hrönn Bolladóttir,Bjarni Karlsson skrifar Skoðun Horft til einkunna og annarra þátta við innritun í framhaldsskóla Guðmundur Ingi Kristinsson skrifar Skoðun Kristján á Sprengisandi lendir í ágjöf Björn Ólafsson skrifar Skoðun Unglingar eiga skilið heildstætt mat frá framhaldsskólum Sigurður Kári Harðarson skrifar Skoðun Stöðvum glæpagengi á Íslandi Hjalti Vigfússon skrifar Skoðun Jafnlaunavottun - „Hverjir græða á jafnlaunavottun“ Gunnar Ármannsson skrifar Skoðun Gervigreind í skólum: Tækifæri sem fáir eru að ræða? Björgmundur Örn Guðmundsson skrifar Skoðun Hvernig húsnæðismarkað vill Viðskiptaráð? skrifar Skoðun Enginn matur og næring án sérfræðiþekkingar Ólöf Guðný Geirsdóttir,Ólafur Ögmundarson skrifar Skoðun Öll endurhæfing er í eðli sínu starfsendurhæfing Sveindís Anna Jóhannsdóttir skrifar Skoðun „Bíddu, varst þú ekki að biðja um þessa greiðslu?“ Heiðrún Jónsdóttir skrifar Skoðun Rétta leiðin til endurreisnar menntakerfisins? Birgir Finnsson skrifar Skoðun Tvær dætur á Gaza - páskahugvekja Viðar Hreinsson skrifar Skoðun Ef það líkist þjóðarmorði – þá er það þjóðarmorð! Ólafur Ingólfsson skrifar Skoðun Vinnustaðir fatlaðs fólks Atli Már Haraldsson skrifar Skoðun Þjónustustefna sveitarfélaga: Formsatriði eða mikilvægt stjórntæki? Jón Hrói Finnsson skrifar Skoðun Blóð, sviti og tár Jökull Jörgensen skrifar Skoðun Ertu knúin/n fram af verðugleika eða óverðugleika? Sigrún Þóra Sveinsdóttir skrifar Skoðun Er hægt að stjórna bæjarfélagi með óskhyggju? Sigurþóra Bergsdóttir skrifar Skoðun Styrkleikar barna geta legið í öðru en að fá hæstu einkunnir Anna Maria Jónsdóttir skrifar Skoðun Listin við að fara sér hægt Heiðrún Lind Marteinsdóttir skrifar Sjá meira
Í fyrradag sat ég á upplýsingafund fyrir foreldra barna í Fossvogsskóla sem hefur verið lokað vegna myglu og rakaskemmda. Ég er móðir barns í skólanum sem hefur fundið fyrir töluverðum einkennum og veikst vegna myglunnar. Barnið mitt hefur meðal annars farið í taugarannsókn vegna óútskýrðra og virkilega kvalafullra höfuðverkja. Fyrir mitt leyti þá verð ég að segja að fundurinn sem haldinn var í fyrradag var mér mikil vonbrigði. Foreldrar höfðu skiljanlega margar spurningar þar sem mikil óvissa ríkir um ástandið. Fulltrúar borgarinnar sneru sífellt út úr og komu sér undan því að svara spurningum foreldra sem vilja gæta hagsmuna barna sinna. Vanvirðing af þessu tagi er mér algjörlega óskiljanleg og fékk ég frekar á tilfinninguna að við værum í einhvers konar pólitísku stríði sem á alls ekki við á þessum vettvangi. Aðspurð hvort borgin þyrfti ekki að fara í sjálfsskoðun og taka í gegn hjá sér verkferla til þess að koma í veg fyrir að svona staða kæmi upp aftur var svarað með týpísku svari borgarinnar að þau muni læra af stöðunni og gera betur næst. Það er ekki ásættanlegt og ég spyr mig hvernig standi á því að borgin hafi ekki lært af fyrri tilfellum sem upp hafa komið? Þetta er ekki í fyrsta skipti sem mygla kemur upp í húsnæði borgarinnar. Á fundinum gat enginn svarað hvernig stæði á því að heilbrigðiseftirlitið hefði gefið skólanum 4 af 5 í einkunn í lok nóvember sl. og nokkrum mánuðum síðar er ástandið svo slæmt að loka þarf öllu húsnæðinu. Enginn virtist vita í umboði hvers þeir starfa. Heilbrigðiseftirlitið hefur sloppið mjög vel í allri þeirri umræðu sem skapast hefur um málið. Hvernig getum við lagt traust okkar á stofnun sem fer með slík misferli. Af hverju fann heilbrigðiseftirlitið ekkert athugavert við loftgæði húsnæðisins? Það er deginum ljósara að mikill skortur er á viðhaldi eigna borgarinnar. Tjáðu fulltrúar borgarinnar foreldrum frá því að eftir hrun hafi verið erfitt að sinna öllu viðhaldi þar sem ekki hafi verið til fjármagn til þess. Nú eru liðin ellefu ár frá hruni; hversu lengi er hægt að nota hrunið sem afsökun fyrir að verkum sé ekki sinnt? Miðað við þær framkvæmdir sem borgin hefur staðið fyrir undanfarin ár og hafa farið margfalt fram úr fjárhagsáætlunum má ætla að peningurinn hafi verið til, honum hafi bara ekki verið forgangsraðað í þágu borgarbúa. Lögbundna þjónustu sem borginni ber að sinna. Ljóst er að grunnþjónustan hefur fengið að sitja á hakanum á kostnað annara verkefna, t.d. braggans í Nauthólsvík svo eitthvað sé nefnt. Foreldrar eru mjög áhyggjufullir og hafa miklar áhyggjur af heilsu barna sinna, en þekkt eru dæmi þess að fólk sem veikist vegna myglu sé mörg ár að ná bata. Því er mér óskiljanlegt að fulltrúar borgarinnar sem voru á fundinum hafi ekki getað sýnt foreldrum þá virðingu að svara fyrirspurnum áhyggjufullra foreldra. Sem dæmi má nefna að þegar fulltrúi borgarinnar var inntur eftur svörum um hver bæri ábyrgð á þessari stöðu sem upp væri komin, lét hann hafa eftir sér að það yrði athyglisvert að setja upp langtíma samanburðarrannsókn með það að markmiði að fylgjast með heilsu þeirra barna sem veikst hafa vegna myglu og bera niðurstöðurnar svo saman við börn sem ekki hafa komist í snertingu við myglu. Ekki veit ég hvað hann átti við með þessu en þetta svaraði ekki spurningunni. Þegar að þarna var komið við sögu féll hakan niður í gólf enda með eindæmum einkennilegt svar við spurningunni. Er það virkilega í forgangi hjá fulltrúa borgarinnar að velta fyrir sér áhugaverðum rannsóknarefnum þegar foreldrar vita ekki hvert þeir eiga að snúa sér? Eða var þetta kannski tilraun til að víkja sér undan því að svara spurningunni? Hefði ekki verið nær að ræða brýnni og meira aðkallandi hluti en rannsókn sem skilar engu í þessari stöðu, t.d. viðbragð borgarinnar og heilbrigðiseftirlitsins. Og þetta er ekki einsdæmi. Á fundi sem haldinn var í síðustu viku lét starfsmaður borgarinnar hafa eftir sér að hann hefði nýverið komið í heimsókn í skólann og séð þar fullt af glöðum börnum og þannig hlytu þau að vera hraust. Það er kannski ekki skrýtið þar sem veiku börnin hafa ekki getað mætt í skólann. Með þessum orðum fulltrúa borgarinnar má greina ákveðinn hroka sem gefur í skyn hvar hollusta þeirra liggur. Rétt er að árétta að foreldrar eru almennt ánægðir með viðbrögð skólastjórnenda, starfsfólks og frístundaheimilisins, sem hafa gert allt sem í þeirra valdi stendur til þess að styðja við og upplýsa foreldra. En maður spyr sig, hver ber ábyrgð á stöðunni sem upp er komin og afhverju hefur þetta fengið að grassera svona lengi? Jafnframt velti því ég fyrir mér hvernig borgaryfirvöld og heilbrigðiseftirlitið hyggjast bregðast við þessu? Fátt var um svör á fundinum og beini ég því spurningum mínum til borgarstjóra í von um að fá áreiðanleg svör. Höfundur er móðir barns í Fossvogsskóla.
Skoðun Er ég að svindla? – Um sambýli manns og gervigreindar í sköpun og þekkingu Björgmundur Örn Guðmundsson skrifar
Skoðun Samlokan á borðinu: Hugleiðingar á föstudeginn langaum sjónvarpsþættina Adolescence Skúli Ólafsson skrifar
Skoðun Námsfærni nemenda í íslenskum skólum: Eigum við að lækka rána? Sigríður Ólafsdóttir skrifar
Skoðun Snorri byggir skoðun á skólakerfinu á reynslusögum annarra en Guðrún vitnar í ritrýndar heimildir Davíð Routley skrifar
Skoðun Horft til einkunna og annarra þátta við innritun í framhaldsskóla Guðmundur Ingi Kristinsson skrifar
Skoðun Enginn matur og næring án sérfræðiþekkingar Ólöf Guðný Geirsdóttir,Ólafur Ögmundarson skrifar
Skoðun Þjónustustefna sveitarfélaga: Formsatriði eða mikilvægt stjórntæki? Jón Hrói Finnsson skrifar