Fyrirlesarinn Alda Karen Hjaltalín færði í vikunni sjálfsvígsforvarnasamtökunum Píeta rausnarlega gjöf sem hljóðar upp á 1,4 milljónir króna. Um var að ræða ágóða af viðburðinum Life Masterclass: Into Your Mind sem haldinn var í Laugardalshöll í janúar síðastliðnum.
„Við þökkum fyrir okkur. Innilega,“ segja forvarnasamtökin á Facebook-síðu sinni.
Fyrirlestur Öldu Karenar vakti mikla athygli á sínum tíma því í aðdraganda hans sagðist Alda Karen hafa komist að því að fjöldi sjálfsvíga á Íslandi hefði verið mikill árið 2018.
„Alveg bara hrikalega mikið. Þetta er stærsti sjúkdómurinn sem skekur mannkynið,“ sagði Alda Karen sem sagði í kjölfarið að lausnin við þessum vanda væri einfaldur. Þeir sem væru haldnir slíkum hugsunum ættu einfaldlega að segja við sjálfa sig: „Þú ert nóg.“
Fjöldi sérfræðinga steig fram og gagnrýndi þessi orð Öldu Karenar. Þar á meðal Hafrún Kristjánsdóttir sálfræðingur sem ræddi málið ásamt Öldu Karen í Kastljósi í aðdraganda fyrirlestursins. Þar greindi Alda Karen í fyrsta sinn frá því að allur ágóði fyrirlestursins myndi renna til Píeta.
Það seldist upp á þennan viðburð en miðinn kostaði tæpar þrettán þúsund krónur.
Alda Karen sagði við Vísi að hún ætlaði sér ekki að greina frá því opinberlega að allur ágóði myndi renna til Píeta.
Chelsea
Tottenham
