Hlé var gert á leiknum í seinni hálfleik vegna þrumuveðurs. Þá var 71 mínúta liðin af leiknum og staðan markalaus.
Anybody got any good Rennes/rain puns?
Asking for a friend...#CHISWE | #FIFAWWCpic.twitter.com/l3KW6OsUnp
— FIFA Women's World Cup (@FIFAWWC) June 11, 2019
Eftir 40 mínútna hlé hófst leikurinn að nýju. Á 82. mínútu braut Kosovare Asllani ísinn fyrir Svía. Hún þrumaði boltanum þá upp í þaknetið eftir barning í vítateignum. Þetta var 33. mark hennar fyrir sænska landsliðið.
Í uppbótartíma bætti varamaðurinn Madelen Janogy öðru marki við eftir flottan einleik og gulltryggði sigur Svía.
Svíþjóð var miklu sterkari í leiknum, átti 24 skot gegn fimm og var 69% með boltann.
Þetta var fyrsti leikur Síle á heimsmeistaramóti frá upphafi. Næsti leikur liðsins er gegn heimsmeisturum Bandaríkjanna í París á sunnudaginn. Svíþjóð mætir Tælandi í Nice á sama dag.
