Borgin geti dregið lærdóm af „martröð“ Dills á Hverfisgötu Kristín Ólafsdóttir skrifar 9. ágúst 2019 11:03 Sigurborg Ósk Haraldsdóttir, formaður skipulags- og samgönguráðs. Fréttablaðið/Anton Brink Formaður skipulags- og samgönguráðs Reykjavíkurborgar segir mikla eftirsjá eftir Dilli, hinum rómaða veitingastað á Hverfisgötu 12 sem lokaði í vikunni. Mikilvægt sé að borgin standi sig betur í samráði og upplýsingagjöf til fyrirtækjaeigenda í nágrenni umfangsmikilla framkvæmda. Eigendur Dills sögðu í gær að framkvæmdir á Hverfisgötu hefðu reynst rekstrinum afar erfiðar og átt þátt í falli staðarins.Martraðarkenndar framkvæmdir Fregnir af lokun Dills bárust í fyrradag og í gærmorgun varð ljóst að Mikkeller & Friends og Systur, sem deildu húsnæði með Dill, hefðu einnig sungið sitt síðasta. Heimildir Vísis herma að þungur rekstur Mikkeller & Friends og Systur hafi að endingu orðið báðum stöðum að falli en sömu eigendur stóðu að báðum stöðum.Sjá einnig: Erfiður vetur sem varð að martröð Gunnar Karl Gíslason einn eigenda staðanna sagði í samskiptum við Vísi í gær að gatnaframkvæmdirnar á Hverfisgötu hefðu einnig reynst rekstrinum erfiðar og lýsti framkvæmdunum raunar sem „martröð“. Framkvæmdirnar hafa sett svip á götuna undanfarna mánuði, með tilheyrandi raski á umferð akandi og gangandi vegfarenda.Frá framkvæmdunum á Vegamótastíg í fyrra.Vísir/Einar ÁrnasonÞá er þetta ekki í fyrsta sinn sem eigendur í veitingageiranum tengja framkvæmdir við erfiðleika í rekstri. Í byrjun september í fyrra tilkynnti eigandi veitinga- og skemmtistaðarins Vegamóta að staðnum yrði lokað. Hann sagði ástæðuna vera tíma- og plássfrekar framkvæmdir fyrir framan staðinn við Vegamótastíg og sagði það ámælisvert að borgaryfirvöld gætu farið í slíkar framkvæmdir án þess að hafa samráð við atvinnurekendur og fyrirtæki við götuna.Snýst um upplýsingagjöf og samvinnu Sigurborg Ósk Haraldsdóttir, formaður skipulags- og samgönguráðs, ræddi framkvæmdir borgarinnar í samhengi við lokun Dills, Systur og Mikkeller & Friends í Reykjavík síðdegis í gær. Hún sagði að mikil eftirsjá yrði af Dill en borgin gæti dregið lærdóm af málinu. „Já, það er alltaf eitthvað sem má betur fara. Og sérstaklega samráð við verslunareigendur og veitingahúsaeigendur, það varðar upplýsingagjöf hjá okkur, borginni, í tengslum við þessa framkvæmd og framkvæmdir almennt.“Miklar framkvæmdir hafa staðið yfir við vestari enda Hverfisgötu í sumar.Mynd/ReykjavíkurborgSigurborg benti á að umfangsmikil framkvæmd á borð við þessa sé dýr og þar af leiðandi á fjárfestingaáætlun og undirbúin yfir veturinn. Hún sé svo boðin út um vorið og framkvæmdir standa yfir um sumarið. Þannig viti borgaryfirvöld oft af framkvæmdum áður en farið er í samráð við fyrirtækjaeigendur sem framkvæmdirnar komi til með að hafa áhrif á. Ef til vill þyrfti því að setjast fyrr niður með eigendum og upplýsa þá um framvindu mála. „Þetta snýst um upplýsingagjöf og samvinnu, þannig að við getum tryggt aðgengi að húsunum. Við reynum að sjálfsögðu að vanda okkur við þetta og setjum mjög skýrar kvaðir þegar við erum að bjóða út,“ sagði Sigurborg.Bætur og ívilnanir ólíklegar Aðspurð taldi hún þó ólíklegt að rekstraraðilar á borð við eigendur Dills gætu sótt bætur hjá borginni vegna rasks af völdum framkvæmda. Þá sá hún ekki fyrir sér að borgin gæti boðið rekstraraðilum upp á einhvers konar „ívilnanir“ til að koma til móts við þá. „Ég held nú ekki. Málið er að þetta er að sjálfsögðu ekki ein ástæða. Það eru fjölmargar ástæður fyrir því að fyrirtæki eða veitingahús geti ekki haldið áfram rekstri þannig að ég held að það sé ekki hægt að beintengja þetta við eina ástæðu umfram aðra,“ sagði Sigurborg. „En við erum að sjálfsögðu að gera miklu betra aðgengi fyrir gangandi með framkvæmdinni. Við erum að gera borgina fallegri og sérstaklega þennan hluta götunnar þannig að þetta verður fallegra og betra umhverfi fyrir alla þegar framkvæmdum lýkur en er mjög erfiður tími á meðan framkvæmdum stendur.“Viðtalið við Sigurborgu má hlusta á í heild í spilaranum hér fyrir neðan. Reykjavík Skipulag Veitingastaðir Tengdar fréttir Ballið búið á Dill Veitingastaðnum Dill við Hverfisgötu hefur verið lokað. 7. ágúst 2019 13:02 Mikkeller og Systur einnig lokað Öllum rekstri á Hverfisgötu 12 hefur verið hætt. 8. ágúst 2019 10:31 Erfiður vetur sem varð að martröð Einn eigenda Dill segist nú vera að skoða framhaldið eftir að ákvörðun var tekin um að loka þremur veitingastöðum á Hverfisgötu 12 á einu bretti. 8. ágúst 2019 13:30 Mest lesið Frans páfi er látinn Erlent Vanþekking ráðherra sé áhyggjuefni Innlent Vildu ekki til Íslands þegar loks bauðst að snúa heim Innlent Ásthildur Lóa setur húsið umdeilda á sölu Innlent Gripu innbrotsþjófa glóðvolga Innlent Deildi hernaðarupplýsingum í öðru spjalli með konu sinni og bróður Erlent Hátt í þrettán stiga hiti á sumardaginn fyrsta Innlent Loftvarnarsírenur óma á ný eftir skammvinnt „vopnahlé“ Erlent Margar fjölskyldur fastar í fátækt svo árum skiptir Innlent Ræddi við foreldra og hætta við miklar hækkanir Innlent Fleiri fréttir Vildu ekki til Íslands þegar loks bauðst að snúa heim Hátt í þrettán stiga hiti á sumardaginn fyrsta Gripu innbrotsþjófa glóðvolga Vanþekking ráðherra sé áhyggjuefni Margar fjölskyldur fastar í fátækt svo árum skiptir Ásthildur Lóa setur húsið umdeilda á sölu Gagnrýnir dómsmálaráðherra fyrir að fara með rangt mál um dvalarleyfi Trump-stjórnin virðist ekki hafa neitt plan Skrítið ef ríkið hefur ekki áhuga á Háholti Maðurinn er laus úr haldi „Við megum mótmæla því að verið sé að drepa saklaust fólk“ Ræddi við foreldra og hætta við miklar hækkanir Einn í haldi lögreglu vegna konu með skerta meðvitund Falla frá gjaldskrárhækkunum og árásir á tímum vopnahlés Bjóst ekki við að ríkisstjórnin héldi meirihluta Viðbragð lögreglu og sjúkraflutningamanna í nágrenni Selfoss Vestfjarðaleiðin verði Hringvegur númer tvö Ferill fyrrum forsætisráðherra og verðlaunaður sagnfræðingur í Sprengisandi Rólegheitaveður á páskadag Ökumaður undir aldri í bílaeltingarleik við lögreglu Mótmæla brottvísun Oscars Gagnrýnir brattar hækkanir: „Þetta er bara dapurlegt“ Eitthvað búi að baki „meira en þrá hans eftir friði“ Engin tengsl milli þolenda og gerenda Tortryggni í garð Rússa og ungmennaráð sem fékk ekkert að segja Móðirin hafi þurft að sárbæna hann til að hitta barnið á spítala Handtekinn á Húsavík með tölvert magn fíkniefna Bora tilraunaholu til að framleiða heitt vatn á höfuðborgarsvæðinu „Það er eitthvað við það að vera hérna“ Koma strandaglópunum heim í kvöld Sjá meira
Formaður skipulags- og samgönguráðs Reykjavíkurborgar segir mikla eftirsjá eftir Dilli, hinum rómaða veitingastað á Hverfisgötu 12 sem lokaði í vikunni. Mikilvægt sé að borgin standi sig betur í samráði og upplýsingagjöf til fyrirtækjaeigenda í nágrenni umfangsmikilla framkvæmda. Eigendur Dills sögðu í gær að framkvæmdir á Hverfisgötu hefðu reynst rekstrinum afar erfiðar og átt þátt í falli staðarins.Martraðarkenndar framkvæmdir Fregnir af lokun Dills bárust í fyrradag og í gærmorgun varð ljóst að Mikkeller & Friends og Systur, sem deildu húsnæði með Dill, hefðu einnig sungið sitt síðasta. Heimildir Vísis herma að þungur rekstur Mikkeller & Friends og Systur hafi að endingu orðið báðum stöðum að falli en sömu eigendur stóðu að báðum stöðum.Sjá einnig: Erfiður vetur sem varð að martröð Gunnar Karl Gíslason einn eigenda staðanna sagði í samskiptum við Vísi í gær að gatnaframkvæmdirnar á Hverfisgötu hefðu einnig reynst rekstrinum erfiðar og lýsti framkvæmdunum raunar sem „martröð“. Framkvæmdirnar hafa sett svip á götuna undanfarna mánuði, með tilheyrandi raski á umferð akandi og gangandi vegfarenda.Frá framkvæmdunum á Vegamótastíg í fyrra.Vísir/Einar ÁrnasonÞá er þetta ekki í fyrsta sinn sem eigendur í veitingageiranum tengja framkvæmdir við erfiðleika í rekstri. Í byrjun september í fyrra tilkynnti eigandi veitinga- og skemmtistaðarins Vegamóta að staðnum yrði lokað. Hann sagði ástæðuna vera tíma- og plássfrekar framkvæmdir fyrir framan staðinn við Vegamótastíg og sagði það ámælisvert að borgaryfirvöld gætu farið í slíkar framkvæmdir án þess að hafa samráð við atvinnurekendur og fyrirtæki við götuna.Snýst um upplýsingagjöf og samvinnu Sigurborg Ósk Haraldsdóttir, formaður skipulags- og samgönguráðs, ræddi framkvæmdir borgarinnar í samhengi við lokun Dills, Systur og Mikkeller & Friends í Reykjavík síðdegis í gær. Hún sagði að mikil eftirsjá yrði af Dill en borgin gæti dregið lærdóm af málinu. „Já, það er alltaf eitthvað sem má betur fara. Og sérstaklega samráð við verslunareigendur og veitingahúsaeigendur, það varðar upplýsingagjöf hjá okkur, borginni, í tengslum við þessa framkvæmd og framkvæmdir almennt.“Miklar framkvæmdir hafa staðið yfir við vestari enda Hverfisgötu í sumar.Mynd/ReykjavíkurborgSigurborg benti á að umfangsmikil framkvæmd á borð við þessa sé dýr og þar af leiðandi á fjárfestingaáætlun og undirbúin yfir veturinn. Hún sé svo boðin út um vorið og framkvæmdir standa yfir um sumarið. Þannig viti borgaryfirvöld oft af framkvæmdum áður en farið er í samráð við fyrirtækjaeigendur sem framkvæmdirnar komi til með að hafa áhrif á. Ef til vill þyrfti því að setjast fyrr niður með eigendum og upplýsa þá um framvindu mála. „Þetta snýst um upplýsingagjöf og samvinnu, þannig að við getum tryggt aðgengi að húsunum. Við reynum að sjálfsögðu að vanda okkur við þetta og setjum mjög skýrar kvaðir þegar við erum að bjóða út,“ sagði Sigurborg.Bætur og ívilnanir ólíklegar Aðspurð taldi hún þó ólíklegt að rekstraraðilar á borð við eigendur Dills gætu sótt bætur hjá borginni vegna rasks af völdum framkvæmda. Þá sá hún ekki fyrir sér að borgin gæti boðið rekstraraðilum upp á einhvers konar „ívilnanir“ til að koma til móts við þá. „Ég held nú ekki. Málið er að þetta er að sjálfsögðu ekki ein ástæða. Það eru fjölmargar ástæður fyrir því að fyrirtæki eða veitingahús geti ekki haldið áfram rekstri þannig að ég held að það sé ekki hægt að beintengja þetta við eina ástæðu umfram aðra,“ sagði Sigurborg. „En við erum að sjálfsögðu að gera miklu betra aðgengi fyrir gangandi með framkvæmdinni. Við erum að gera borgina fallegri og sérstaklega þennan hluta götunnar þannig að þetta verður fallegra og betra umhverfi fyrir alla þegar framkvæmdum lýkur en er mjög erfiður tími á meðan framkvæmdum stendur.“Viðtalið við Sigurborgu má hlusta á í heild í spilaranum hér fyrir neðan.
Reykjavík Skipulag Veitingastaðir Tengdar fréttir Ballið búið á Dill Veitingastaðnum Dill við Hverfisgötu hefur verið lokað. 7. ágúst 2019 13:02 Mikkeller og Systur einnig lokað Öllum rekstri á Hverfisgötu 12 hefur verið hætt. 8. ágúst 2019 10:31 Erfiður vetur sem varð að martröð Einn eigenda Dill segist nú vera að skoða framhaldið eftir að ákvörðun var tekin um að loka þremur veitingastöðum á Hverfisgötu 12 á einu bretti. 8. ágúst 2019 13:30 Mest lesið Frans páfi er látinn Erlent Vanþekking ráðherra sé áhyggjuefni Innlent Vildu ekki til Íslands þegar loks bauðst að snúa heim Innlent Ásthildur Lóa setur húsið umdeilda á sölu Innlent Gripu innbrotsþjófa glóðvolga Innlent Deildi hernaðarupplýsingum í öðru spjalli með konu sinni og bróður Erlent Hátt í þrettán stiga hiti á sumardaginn fyrsta Innlent Loftvarnarsírenur óma á ný eftir skammvinnt „vopnahlé“ Erlent Margar fjölskyldur fastar í fátækt svo árum skiptir Innlent Ræddi við foreldra og hætta við miklar hækkanir Innlent Fleiri fréttir Vildu ekki til Íslands þegar loks bauðst að snúa heim Hátt í þrettán stiga hiti á sumardaginn fyrsta Gripu innbrotsþjófa glóðvolga Vanþekking ráðherra sé áhyggjuefni Margar fjölskyldur fastar í fátækt svo árum skiptir Ásthildur Lóa setur húsið umdeilda á sölu Gagnrýnir dómsmálaráðherra fyrir að fara með rangt mál um dvalarleyfi Trump-stjórnin virðist ekki hafa neitt plan Skrítið ef ríkið hefur ekki áhuga á Háholti Maðurinn er laus úr haldi „Við megum mótmæla því að verið sé að drepa saklaust fólk“ Ræddi við foreldra og hætta við miklar hækkanir Einn í haldi lögreglu vegna konu með skerta meðvitund Falla frá gjaldskrárhækkunum og árásir á tímum vopnahlés Bjóst ekki við að ríkisstjórnin héldi meirihluta Viðbragð lögreglu og sjúkraflutningamanna í nágrenni Selfoss Vestfjarðaleiðin verði Hringvegur númer tvö Ferill fyrrum forsætisráðherra og verðlaunaður sagnfræðingur í Sprengisandi Rólegheitaveður á páskadag Ökumaður undir aldri í bílaeltingarleik við lögreglu Mótmæla brottvísun Oscars Gagnrýnir brattar hækkanir: „Þetta er bara dapurlegt“ Eitthvað búi að baki „meira en þrá hans eftir friði“ Engin tengsl milli þolenda og gerenda Tortryggni í garð Rússa og ungmennaráð sem fékk ekkert að segja Móðirin hafi þurft að sárbæna hann til að hitta barnið á spítala Handtekinn á Húsavík með tölvert magn fíkniefna Bora tilraunaholu til að framleiða heitt vatn á höfuðborgarsvæðinu „Það er eitthvað við það að vera hérna“ Koma strandaglópunum heim í kvöld Sjá meira
Mikkeller og Systur einnig lokað Öllum rekstri á Hverfisgötu 12 hefur verið hætt. 8. ágúst 2019 10:31
Erfiður vetur sem varð að martröð Einn eigenda Dill segist nú vera að skoða framhaldið eftir að ákvörðun var tekin um að loka þremur veitingastöðum á Hverfisgötu 12 á einu bretti. 8. ágúst 2019 13:30