Ekkert fær United stöðvað undir stjórn Solskjær

Manchester United er komið áfram í fjórðu umferð enska bikarsins eftir 2-0 sigur á Reading á Old Trafford í dag.

Reading hefur verið í bullandi vandræðum í ensku B-deildinni og er í næst neðsta sæti deildarinnar. Jón Daði Böðvarsson var ekki í leikmannahópi Reading.

United komst yfir á 22. mínútu. Fred kom fyrst boltanum í netið eftir að Juan Mata hafði misst boltann frá sér en Fred var rangstæður. Því var farið í VAR og sást að brotið var á Mata er boltinn hrökk af honum til Fred.

Eftir mikið japl, jaml og fuður komst dómari leiksins og hans aðstoðarmenn að því að víti væri niðurstaðan. Mata fór sjálfur á punktinn og skoraði af miklu öryggi.

Í uppbótartíma í fyrri hálfleik var það svo Romelu Lukaku sem tvöfaldaði forystuna eftir að hafa sloppið einn inn fyrir vörn Reading eftir sendingu Alexis Sanchez.

Tvær stoðsendingar frá Sanchez í síðustu tveimur leikjum en hann þurfti að yfirgefa völlinn í síðari hálfleik vegna meiðsla. Sigur United aldrei í hættu en lokatölurnar 2-0.

Fimm sigrar í fyrstu fimm leikjunum hjá Solskjær en þeirra bíður erfitt verkefni um næstu helgi er þeir