
Einn sá umdeildasti berst fyrir framan Trump fjölskyldumeðlimi í kvöld

Colby Covington hefur verið afar óvinsæll síðan hann tók þá meðvituðu ákvörðun að rífa kjaft við allt og alla en fram að því fór frekar lítið fyrir honum. Slíkir bardagamenn eru alltaf umdeildir en hafa alltaf átt sína aðdáendur eins og Chael Sonnen og Conor McGregor hafa sýnt. Kjafturinn á Covington virðist þó ekki vera að heilla marga en þó hann sé að koma sér á framfæri á hann fáa aðdáendur.
Hann mætir einum vinsælasta bardagamanni UFC í dag, hinum vægðarlausa Robbie Lawler, sem hefur alltaf verið þekktur fyrir að láta verkin tala í búrinu frekar en í viðtölum. Skapgerð þeirra utan búrsins er eins ólík og hún verður en það sama má segja um stíl þeirra innan búrsins. Covington treystir á glímuna og tekur menn niður upp við búrið. Lawler vill halda bardaganum standandi og er með ógnvænlegan kraft í höndunum.
Covington hefur reynt eins og hann getur að vekja á sér athygli og bauð t.d. þremur dömum upp á svið á opnu æfingunni fyrr í vikunni í stað þess að æfa. Þá lætur hann varla sjá sig án þess að vera með „Make America Great Again“ derhúfuna sína og hitti Donald Trump í Hvíta húsinu fyrir ári síðan.
Í kvöld verða þeir Donald Trump Jr. og Eric Trump viðstaddir bardaga Covington enda kunna þeir að meta menn sem „rífa kjaft og eru sigurvegarar“. Þó Covington sé oft á tíðum kjánalegur verður ekki tekið af honum að hann er hörku bardagamaður og hefur unnið 14 af 15 bardögum sínum í MMA.
Sigur mun tryggja Covington titilbardaga en það eru ansi margir sem myndu vilja sjá Lawler skemma það. Bardagi þeirra verður aðalbardagi kvöldsins á UFC bardagakvöldinu í Newark í kvöld. Bardagakvöldið verður í beinni útsendingu en bein útsending hefst kl. 19:00 á Stöð 2 Sport.
Tengdar fréttir

Hataðasti maðurinn í UFC stígur loksins aftur inn í búrið
Colby Covington mun stíga inn í búrið þann 3. ágúst næstkomandi gegn fyrrum veltivigtarmeistaranum, Robbie Lawler.

Colby: Slæmir strákar vinna alltaf í lífinu
Hataðasti maðurinn í UFC, Colby Covington, er ekkert hættur að rífa kjaft og það stendur heldur ekki til að draga úr látunum á næstunni.

UFC ekki ánægt með Covington sem móðgaði heila þjóð
Colby Covington er orðinn maðurinn sem fólk elskar að hata hjá UFC enda gengur hann lengra en flestir í móðgunum sínum.

Covington ruddist inn á opna æfingu hjá Usman | Myndband
Hirðfíflið hjá UFC, Colby Covington, reyndi að stela senunni í Las Vegas í gær er kapparnir í aðalbardögum UFC 235 voru með opna æfingu í borginni.

Usman og Colby í átökum í spilavíti | Myndband
Fyrsta titilvörn Kamaru Usman í veltivigt UFC verður væntanlega gegn Colby Covington en þeir tóku smá forskot á sæluna í spilavíti í Las Vegas í gær.

Gunnar: Til í að mæta Colby en hef ekki gaman af því að rífast á netinu
Gunnar Nelson er í leit að nýjum andstæðingi og vill komast aftur í búrið hjá UFC snemma á næsta ári. Hann hefur ekki barist síðan í júlí er hann tapaði gegn Santiago Ponzinibbio í umdeildum bardaga.