Með hvítt hár í sígildum jakkafötum Brynhildur Björnsdóttir skrifar 1. mars 2019 10:30 Kristján Thor Waage með hvíta fermingarhárið og í fínu fermingarfötunum. Tónlistarmaðurinn Kristján Thor Waage hefur getið sér gott orð fyrir teknótónlist en fyrsta platan hans, W, sem kom út árið 2017 fékk afbragðsgóðar viðtökur og sat á toppi Juno spilunarlistans í tvo mánuði. Önnur plata er á leiðinni og kemur hún út í mars. Færri vita að tónlistarferill Kristjáns hófst eins og margra ungra tónlistarsnillinga samtímans, í tölvunni sem hann keypti fyrir fermingarpeningana sína. Kristján fermdist árið 2006 í Ábæjarkirkju. „Ég man nú ekkert sérstaklega margt frá þessum degi. Í kirkjunni var ég með hvítt hár þannig að ég stóð mikið út úr og svo var ég mjög tanaður sem mér fannst mjög kúl þá.“ Hann segir veisluna hafa verið frekar hefðbundna. „Hún var í sal rétt hjá Laugardalshöllinni, fólk mætti og fékk kökur og kaffi og heilsaði upp á mig. Ég man ekki eftir að hafa fengið að ráða miklu í þessu ferli, man bara að það var mikið af veitingum og að mér fannst þær góðar enda þekkja foreldrar mínir mig alveg og vissu hvað ég fílaði. Þetta er annars ekkert mjög merkilegur dagur fyrir mér í minningunni,“ segir Kristján. Hann segir trúna hafa skipt máli þegar hann ákvað að fermast. „Á þessum tíma var ég kannski ekki beint trúaður en samt ekki heldur vantrúaður, meira svona forvitinn um þetta allt saman. Í dag er ég alveg vantrúaður og ef ég ætti tímavél mundi ég fara til baka og fermast borgaralega. Ég sé samt ekkert eftir því að hafa fermst í kirkjunni, það var mjög fallegt.“ Fermingarfötin voru líka fyrstu jakkafötin. „Ég var í blárri skyrtu og fínum jakkafötum og það fáránlega við þetta er að ég kemst ennþá í þau í dag, þrettán árum síðar. Ég nota þau þegar ég er að fara fínt út að borða eða eitthvað. Þau eru fín og fara mér vel og ég sé enga ástæðu til að nota þau ekki.“Waage að störfum við tónlistargerð í fermingarjakkafötunum sem hann passar ennþá í.Fermingargjafirnar eru öllum fermingarbörnum minnisstæðar. „Ég fékk PSP leikjatölvu frá bróður mínum og svo voru þetta aðallega bara peningar,“ segir Kristján. „Ég held að flestir krakkar kaupi sér eitthvert tæknidót fyrir fermingarpeningana og ég var engin undantekning og keypti mér borðtölvu.“ Og tölvan sú hefur komið að góðum notum. „Fyrst var ég bara í leikjum í henni en bróðir minn sýndi mér fljótlega tónlistarforrit sem ég byrjaði að fikta mig áfram með og fljótlega var ég farinn að semja tónlist.“ Kristján sendir frá sér sína aðra plötu um þessar mundir. „Platan heitir W í öðru veldi en ég sem undir nafninu Waage,“ segir hann. Tónlistinni hefur verið lýst sem taktfastri, flæðandi en þó dansvænni og þessi plata er eins konar framhald af fyrstu plötunni, W, sem kom út 2017. „Ég er auðvitað mjög spenntur fyrir útgáfunni og fyrir útgáfupartíinu sem verður 16. mars á Bravó.“ Og framtíðin er björt. „ Planið er að vera hamingjusamur og líða vel og partur af því er að gefa út tónlistina mína, spila meira úti og gefa út fleiri plötur.“ Birtist í Fréttablaðinu Tónlist Þjóðkirkjan Mest lesið „Siðlausi siðfræðingurinn“ hreyfir ekki við Stefáni Einari Lífið Úr Idolinu yfir í útvarpið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Lakkrískóngurinn Bülow selur sveitasetrið Lífið Umdeilt uppáhald arkitekts við Austurvöll Lífið Hvað gerði Diddy? Mansal, ofbeldi og samsæriskenningar um Justin Bieber Lífið Skilnaður Step Up hjóna genginn í gegn Lífið Frumsýning á Vísi: Rokkað á miðju gólfi komin sjö mánuði á leið Tónlist Hjem til jul aftur á skjáinn Bíó og sjónvarp Fleiri fréttir Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Steldu stílnum af heimili Laufeyjar Sama hvað fólki finnst Danska poppdívan Medina selur glæsivilluna Prince-dansarinn Cat er látinn Heillandi haustkvöld í Höfuðstöðinni Svona undirbýr Bogi sig fyrir útsendingu Ekkert mál að hlaupa alveg staurblindur „Æsandi að hugsa til þess að annar maður horfi á“ Breyttu Kolaportinu í risa skemmtistað „Æi góði hoppaðu upp í rassgatið á þér!“ Norðlenskur útsýnisdraumur „Hvar eru allir herramennirnir?“ Stefnumótunarferð Fossa með mökum í Prag Hittast á hlutlausum stað Risavaxinn mörgæsarungi nýjasta stjarna Melbourne Magnaðar myndir af lengstu á landsins Seldu Kolbeini Sigþórs og keyptu í miðbænum Tóku hraðanum misalvarlega en hlupu fyrir langveik börn Ebba Katrín og Oddur keyptu hús í miðbænum Sjá meira
Tónlistarmaðurinn Kristján Thor Waage hefur getið sér gott orð fyrir teknótónlist en fyrsta platan hans, W, sem kom út árið 2017 fékk afbragðsgóðar viðtökur og sat á toppi Juno spilunarlistans í tvo mánuði. Önnur plata er á leiðinni og kemur hún út í mars. Færri vita að tónlistarferill Kristjáns hófst eins og margra ungra tónlistarsnillinga samtímans, í tölvunni sem hann keypti fyrir fermingarpeningana sína. Kristján fermdist árið 2006 í Ábæjarkirkju. „Ég man nú ekkert sérstaklega margt frá þessum degi. Í kirkjunni var ég með hvítt hár þannig að ég stóð mikið út úr og svo var ég mjög tanaður sem mér fannst mjög kúl þá.“ Hann segir veisluna hafa verið frekar hefðbundna. „Hún var í sal rétt hjá Laugardalshöllinni, fólk mætti og fékk kökur og kaffi og heilsaði upp á mig. Ég man ekki eftir að hafa fengið að ráða miklu í þessu ferli, man bara að það var mikið af veitingum og að mér fannst þær góðar enda þekkja foreldrar mínir mig alveg og vissu hvað ég fílaði. Þetta er annars ekkert mjög merkilegur dagur fyrir mér í minningunni,“ segir Kristján. Hann segir trúna hafa skipt máli þegar hann ákvað að fermast. „Á þessum tíma var ég kannski ekki beint trúaður en samt ekki heldur vantrúaður, meira svona forvitinn um þetta allt saman. Í dag er ég alveg vantrúaður og ef ég ætti tímavél mundi ég fara til baka og fermast borgaralega. Ég sé samt ekkert eftir því að hafa fermst í kirkjunni, það var mjög fallegt.“ Fermingarfötin voru líka fyrstu jakkafötin. „Ég var í blárri skyrtu og fínum jakkafötum og það fáránlega við þetta er að ég kemst ennþá í þau í dag, þrettán árum síðar. Ég nota þau þegar ég er að fara fínt út að borða eða eitthvað. Þau eru fín og fara mér vel og ég sé enga ástæðu til að nota þau ekki.“Waage að störfum við tónlistargerð í fermingarjakkafötunum sem hann passar ennþá í.Fermingargjafirnar eru öllum fermingarbörnum minnisstæðar. „Ég fékk PSP leikjatölvu frá bróður mínum og svo voru þetta aðallega bara peningar,“ segir Kristján. „Ég held að flestir krakkar kaupi sér eitthvert tæknidót fyrir fermingarpeningana og ég var engin undantekning og keypti mér borðtölvu.“ Og tölvan sú hefur komið að góðum notum. „Fyrst var ég bara í leikjum í henni en bróðir minn sýndi mér fljótlega tónlistarforrit sem ég byrjaði að fikta mig áfram með og fljótlega var ég farinn að semja tónlist.“ Kristján sendir frá sér sína aðra plötu um þessar mundir. „Platan heitir W í öðru veldi en ég sem undir nafninu Waage,“ segir hann. Tónlistinni hefur verið lýst sem taktfastri, flæðandi en þó dansvænni og þessi plata er eins konar framhald af fyrstu plötunni, W, sem kom út 2017. „Ég er auðvitað mjög spenntur fyrir útgáfunni og fyrir útgáfupartíinu sem verður 16. mars á Bravó.“ Og framtíðin er björt. „ Planið er að vera hamingjusamur og líða vel og partur af því er að gefa út tónlistina mína, spila meira úti og gefa út fleiri plötur.“
Birtist í Fréttablaðinu Tónlist Þjóðkirkjan Mest lesið „Siðlausi siðfræðingurinn“ hreyfir ekki við Stefáni Einari Lífið Úr Idolinu yfir í útvarpið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Lakkrískóngurinn Bülow selur sveitasetrið Lífið Umdeilt uppáhald arkitekts við Austurvöll Lífið Hvað gerði Diddy? Mansal, ofbeldi og samsæriskenningar um Justin Bieber Lífið Skilnaður Step Up hjóna genginn í gegn Lífið Frumsýning á Vísi: Rokkað á miðju gólfi komin sjö mánuði á leið Tónlist Hjem til jul aftur á skjáinn Bíó og sjónvarp Fleiri fréttir Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Steldu stílnum af heimili Laufeyjar Sama hvað fólki finnst Danska poppdívan Medina selur glæsivilluna Prince-dansarinn Cat er látinn Heillandi haustkvöld í Höfuðstöðinni Svona undirbýr Bogi sig fyrir útsendingu Ekkert mál að hlaupa alveg staurblindur „Æsandi að hugsa til þess að annar maður horfi á“ Breyttu Kolaportinu í risa skemmtistað „Æi góði hoppaðu upp í rassgatið á þér!“ Norðlenskur útsýnisdraumur „Hvar eru allir herramennirnir?“ Stefnumótunarferð Fossa með mökum í Prag Hittast á hlutlausum stað Risavaxinn mörgæsarungi nýjasta stjarna Melbourne Magnaðar myndir af lengstu á landsins Seldu Kolbeini Sigþórs og keyptu í miðbænum Tóku hraðanum misalvarlega en hlupu fyrir langveik börn Ebba Katrín og Oddur keyptu hús í miðbænum Sjá meira