Leystu verkefnið fagmannlega Kristinn Páll Teitsson skrifar 23. mars 2019 10:30 Viðar Örn fagnar marki sínu. vísir/getty Fótbolti Íslenska karlalandsliðið í knattspyrnu vann fyrsta leik sinn í undankeppni EM 2-0 gegn Andorra ytra í gær. Með því lauk 432 daga bið A-landsliðsins eftir sigri í sextánda leiknum síðan Ísland vann Indónesíu í æfingarleik. Liðið slapp með því við að bæta 39 ára gamalt met þegar karlalandsliðið lék sautján leiki í röð án sigurs. Þetta var sjötta viðureign Íslands og Andorra og hefur Ísland unnið alla leikina. Um leið vann íslenska liðið fyrsta sigur sinn undir stjórn hins sænska Eriks Hamrén og vann fyrsta leikinn í undankeppni stórmóts fjórða skiptið í röð. Mikið hafði verið ritað og rætt um aðstæðurnar í Andorra fyrir leik. Leikurinn fór fram á gervigrasi og lýsti Hamrén á blaðamannafundi yfir áhyggjum af því að leikir á þessu stigi færu fram á gervigrasi. Fyrir vikið var talið óvíst hvort leikmenn Íslands sem hafa verið að glíma við meiðsli myndu byrja í gær en Hamrén tefldi fram sterku byrjunarliði. Arnór Sigurðsson var kominn inn í byrjunarliðið en annars var liðið líkt og það hefur verið undanfarin ár. Freyr Alexandersson, aðstoðarþjálfari íslenska landsliðsins, lýsti því yfir að Andorra myndi reyna að hægja á leiknum, pirra íslenska liðið og komast inn í hausinn á þeim frá fyrstu mínútu og mátti sjá það strax í upphafi. Allar aðgerðir Andorra tóku langan tíma og voru þeir sífellt að suða í dómaranum allan fyrri hálfleikinn. Ísland skapaði sér fín færi strax í byrjun og fékk Alfreð Finnbogason frábært færi í upphafi leiks en skaut yfir af stuttu færi. Ísland hélt áfram að sækja og komst yfir á 22. mínútu þegar Birkir Bjarnason skallaði í netið af stuttu færi eftir hornspyrnu þar sem Ragnar Sigurðsson fleytti boltanum á Birki. Við það var Ísland komið með markið sem þurfti til að róa taugarnar. Íslenska liðið stýrði leiknum áfram og komst Gylfi Þór Sigurðsson nálægt því að bæta við marki um miðbik seinni hálfleiksins en Josep Gomes, markvörður Andorra, varði frá Gylfa. Var staðan því 1-0 fyrir Ísland þegar liðin gengu til búningsklefanna í hálfleik. Ljóst var að Ísland var með mun betra lið og með forskotið en vantaði annað mark til að drepa baráttuandann hjá leikmönnum Andorra. Á meðan forskotið er aðeins eitt mark er möguleiki á jöfnunarmarki alltaf til staðar. Ísland hélt áfram að stýra leiknum í seinni hálfleik og virtist Andorra hafa lítinn áhuga á að ná jöfnunarmarki í upphafi síðari hálfleiks. Aron Einar og Alfreð sem hafa verið að glíma við meiðsli komu af velli um miðbik seinni hálfleiks enda Ísland að stýra leiknum frá A til Ö þó að hann hafi ekki verið mikið fyrir augað. Viðar Örn Kjartansson, sem kom seint til móts við landsliðshópinn eftir að Björn Bergmann Sigurðarson þurfti að draga sig út vegna meiðsla, kom inn fyrir Alfreð og var fljótur að stimpla sig inn. Þegar Birkir Már kom með fyrirgjöf inn á nærstöng var Viðar Örn mættur og skoraði með bylmingsskoti á nærstöng. Óverjandi fyrir Gomes í marki Andorra og Viðar fljótur að minna á sig með þriðja marki sínu fyrir A-landsliðið í tuttugasta landsleiknum sem gerði út um leikinn. Leikurinn fer ekki í sögubækurnar fyrir skemmtanagildi en íslenska liðið leysti verkefnið af mikilli fagmennsku. Þeir létu leikmenn Andorra ekki komast upp með að leysa leikinn upp og mark Birkis í upphafi reyndist gullsígildi. Nú tekur við annað verkefni á hinum endanum þegar Ísland mætir ríkjandi heimsmeisturum Frakklands. Það var skylda að taka stigin þrjú í Andorra en nú skiptir liðið um ham og þarf að verjast og berjast fyrir stigum eins og lífi sínu á mánudaginn gegn einu besta liði heims. Birtist í Fréttablaðinu EM 2020 í fótbolta Mest lesið „Ég er mögulega búinn að spila minn síðasta leik“ Íslenski boltinn Zirkzee hetjan í sínum fyrsta leik Enski boltinn Cailtin Clark áritaði kornabarn Körfubolti „Við erum bikarmeistarar þannig það skiptir ekki máli“ Fótbolti „Það sjá allir hve mikilvægir varamenn eru“ Enski boltinn „Blikaleikir eru aldrei búnir fyrr en það er búið að flauta af“ Fótbolti Dagskráin í dag: Fyrsti leikur Óskars Hrafns með KR Sport KR kærir og segir KSÍ mismuna félögum Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn Myndaveisla: Mjólkin flæddi þegar Valskonur fögnuðu bikartitlinum Íslenski boltinn Fleiri fréttir Sjáðu þegar dómarinn vísaði ljósmyndara Víkings af velli Myndaveisla: Mjólkin flæddi þegar Valskonur fögnuðu bikartitlinum „Ég er mögulega búinn að spila minn síðasta leik“ „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Sjá meira
Fótbolti Íslenska karlalandsliðið í knattspyrnu vann fyrsta leik sinn í undankeppni EM 2-0 gegn Andorra ytra í gær. Með því lauk 432 daga bið A-landsliðsins eftir sigri í sextánda leiknum síðan Ísland vann Indónesíu í æfingarleik. Liðið slapp með því við að bæta 39 ára gamalt met þegar karlalandsliðið lék sautján leiki í röð án sigurs. Þetta var sjötta viðureign Íslands og Andorra og hefur Ísland unnið alla leikina. Um leið vann íslenska liðið fyrsta sigur sinn undir stjórn hins sænska Eriks Hamrén og vann fyrsta leikinn í undankeppni stórmóts fjórða skiptið í röð. Mikið hafði verið ritað og rætt um aðstæðurnar í Andorra fyrir leik. Leikurinn fór fram á gervigrasi og lýsti Hamrén á blaðamannafundi yfir áhyggjum af því að leikir á þessu stigi færu fram á gervigrasi. Fyrir vikið var talið óvíst hvort leikmenn Íslands sem hafa verið að glíma við meiðsli myndu byrja í gær en Hamrén tefldi fram sterku byrjunarliði. Arnór Sigurðsson var kominn inn í byrjunarliðið en annars var liðið líkt og það hefur verið undanfarin ár. Freyr Alexandersson, aðstoðarþjálfari íslenska landsliðsins, lýsti því yfir að Andorra myndi reyna að hægja á leiknum, pirra íslenska liðið og komast inn í hausinn á þeim frá fyrstu mínútu og mátti sjá það strax í upphafi. Allar aðgerðir Andorra tóku langan tíma og voru þeir sífellt að suða í dómaranum allan fyrri hálfleikinn. Ísland skapaði sér fín færi strax í byrjun og fékk Alfreð Finnbogason frábært færi í upphafi leiks en skaut yfir af stuttu færi. Ísland hélt áfram að sækja og komst yfir á 22. mínútu þegar Birkir Bjarnason skallaði í netið af stuttu færi eftir hornspyrnu þar sem Ragnar Sigurðsson fleytti boltanum á Birki. Við það var Ísland komið með markið sem þurfti til að róa taugarnar. Íslenska liðið stýrði leiknum áfram og komst Gylfi Þór Sigurðsson nálægt því að bæta við marki um miðbik seinni hálfleiksins en Josep Gomes, markvörður Andorra, varði frá Gylfa. Var staðan því 1-0 fyrir Ísland þegar liðin gengu til búningsklefanna í hálfleik. Ljóst var að Ísland var með mun betra lið og með forskotið en vantaði annað mark til að drepa baráttuandann hjá leikmönnum Andorra. Á meðan forskotið er aðeins eitt mark er möguleiki á jöfnunarmarki alltaf til staðar. Ísland hélt áfram að stýra leiknum í seinni hálfleik og virtist Andorra hafa lítinn áhuga á að ná jöfnunarmarki í upphafi síðari hálfleiks. Aron Einar og Alfreð sem hafa verið að glíma við meiðsli komu af velli um miðbik seinni hálfleiks enda Ísland að stýra leiknum frá A til Ö þó að hann hafi ekki verið mikið fyrir augað. Viðar Örn Kjartansson, sem kom seint til móts við landsliðshópinn eftir að Björn Bergmann Sigurðarson þurfti að draga sig út vegna meiðsla, kom inn fyrir Alfreð og var fljótur að stimpla sig inn. Þegar Birkir Már kom með fyrirgjöf inn á nærstöng var Viðar Örn mættur og skoraði með bylmingsskoti á nærstöng. Óverjandi fyrir Gomes í marki Andorra og Viðar fljótur að minna á sig með þriðja marki sínu fyrir A-landsliðið í tuttugasta landsleiknum sem gerði út um leikinn. Leikurinn fer ekki í sögubækurnar fyrir skemmtanagildi en íslenska liðið leysti verkefnið af mikilli fagmennsku. Þeir létu leikmenn Andorra ekki komast upp með að leysa leikinn upp og mark Birkis í upphafi reyndist gullsígildi. Nú tekur við annað verkefni á hinum endanum þegar Ísland mætir ríkjandi heimsmeisturum Frakklands. Það var skylda að taka stigin þrjú í Andorra en nú skiptir liðið um ham og þarf að verjast og berjast fyrir stigum eins og lífi sínu á mánudaginn gegn einu besta liði heims.
Birtist í Fréttablaðinu EM 2020 í fótbolta Mest lesið „Ég er mögulega búinn að spila minn síðasta leik“ Íslenski boltinn Zirkzee hetjan í sínum fyrsta leik Enski boltinn Cailtin Clark áritaði kornabarn Körfubolti „Við erum bikarmeistarar þannig það skiptir ekki máli“ Fótbolti „Það sjá allir hve mikilvægir varamenn eru“ Enski boltinn „Blikaleikir eru aldrei búnir fyrr en það er búið að flauta af“ Fótbolti Dagskráin í dag: Fyrsti leikur Óskars Hrafns með KR Sport KR kærir og segir KSÍ mismuna félögum Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn Myndaveisla: Mjólkin flæddi þegar Valskonur fögnuðu bikartitlinum Íslenski boltinn Fleiri fréttir Sjáðu þegar dómarinn vísaði ljósmyndara Víkings af velli Myndaveisla: Mjólkin flæddi þegar Valskonur fögnuðu bikartitlinum „Ég er mögulega búinn að spila minn síðasta leik“ „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Sjá meira