Fabinho sýndi nýja hlið á sér Hjörvar Ólafsson skrifar 11. nóvember 2019 10:00 Fabinho glaður í bragði í gær. vísir/getty Enski boltinn Brasilíski varnartengiliðurinn Fabinho kom Liverpool á bragðið þegar liðið sigraði Manchester City með þremur mörkum gegn einu í toppslag ensku úrvalsdeildarinnar í knattspyrnu karla. Fabinho kom til Liverpool frá Monaco fyrir síðustu leiktíð en Jürgen Klopp gaf sér góðan tíma til þess að venja Brasilíumanninn við hraðann á Englandi. Eftir aðlögunartímann óx honum ásmegin með hverjum leiknum sem hann spilaði og í dag er hann orðinn eitt af fyrstu nöfnum á blaði þegar Klopp velur byrjunarlið sitt. Auk þess að skora huggulegt mark í leiknum gegn Manchester City var hann óþreytandi við að brjóta niður sóknir Manchester City. Pep Linders, aðstoðarmaður Klopps, lýsti nýlega yfir dálæti sínu á Fabinho en þar sagði hann að leikskilningur hans væri mikill og brasilíski landsliðsmaðurinn væri góður í að koma skikki á hlutina þegar óreiða væri á spili liðsins. Fabinho ólst upp hjá Fluminese í heimalandi sínu og færði sig svo um set til Rio Ave. Eftir einungis mánaðar veru hjá Rio Ave söðlaði hann um og gekk til liðs við Real Madrid þar sem hann spilaði með varaliðinu og einn leik með aðalliðinu. Þegar ljóst var að hann myndi ekki fá brautargengi hjá Real Madrid hélt hann í herbúðir Monaco þar sem hann sprakk út.Jardim tók heillavænlega ákvörðun fyrir Fabinho Auk þess að geta leikið sem varnartengiliður getur hann hæglega leyst stöðu miðvarðar en framan af ferli sínum spilaði hann sem hægri bakvörður. Það var svo Leonardo Jardim þjálfari hans hjá Monaco sem færði Fabinho inn á svæðið með góðum árangri. Fabinho sér líklega ekki eftir því þar sem hann er að spila sem djúpur miðjumaður hjá Liverpool sem er ríkjandi meistari í Meistaradeild Evrópu og með níu stiga forskot á toppi ensku úrvalsdeildarinnar. Fabinho varð franskur meistari með Monaco vorið 2017 en á því keppnistímabili fór liðið í undanúrslit Meistaradeildar Evrópu þar sem Juventus sló liðið úr leik. Frammistaða Fabinho með Monaco vakti athygli liða í ensku úrvalsdeildinni. Hann hafði kost á því að ganga til liðs við Manchester United og Arsenal en liðsfélagi hans hjá brasilíska landsliðinu, Roberto Firmino, náði að sannfæra Fabinho um að koma til Liverpool. Firmino sendi Fabinho skilaboð þar sem hann sagði að Klopp væri kröfuharður stjóri sem myndi sjá til þess að hann myndi ná miklum framförum. Þar reyndist Firmino klárlega sannspár. Þá hefur það líklega átt sinn þátt í ákvörðun Fabinhos að á sama tíma gekk samlandi hans og samherji í brasilíska landsliðinu, Alisson Becker, til liðs við Liverpool. Fabinho hefur aðlagast vel hjá Liverpool og er hvers manns hugljúfi. Gott orð fer af honum hjá leikmönnum sem hann spilar með, stuðningsmönnum og fjölmiðlamönnum. Hann hefur fengið nokkur gælunöfn innan leikmannahópsins en Virgil van Dijk kallar hann Inspector Gadget þar sem langar lappir eru alltaf fyrir sóknaraðgerðum andstæðinganna.Lykilmaður í leikstíl Liverpool Hann fékk það hlutverk að leysa Emre Can, sem fór til Juventus, af hólmi en tilkynnt var um komu hans tveimur dögum eftir tap Liverpool á móti Real Madrid í úrslitaleik Meistaradeildarinnar. Klopp sagði þá í viðtali við sjónvarpsstöð Liverpool að félagið væri bæði að fá hágæða leikmann inn á miðsvæðið hjá sér sem og frábæra persónu sem myndi smita frá sér með þægilegri nærveru utan vallar. Ein af ástæðum þess að Liverpool hefur einungis fengið á sig níu mörk í deildinni á yfirstandandi leiktíð er spilamennska Fabinhos sem bindur saman vörn og miðju liðsins. Leikstíll Liverpool gengur meðal annars út á það að fara hátt upp með bakverðina og þá er mikilvægt að hafa öflugan varnartengilið til þess að aðstoða miðverði liðsins í varnarleiknum. Liverpool spilar af mikilli ákefð og vill pressa andstæðinga sína hátt á vellinum og Klopp veitir leikmönnum sínum frjálsræði í því að sækja þegar það á við. Fabinho er hins vegar akkerið sem er oftar en ekki á réttum stað til þess að hindra skyndisóknir liðanna sem Liverpool leikur við. Þegar Fabinho vinnur boltann er hann afar góður í að skila boltanum frá sér og hann er miðpunktur í uppspili Liverpool. Hann gerir leikmenn í kringum sig betri bæði með því að sinna varnarvinnunni á fullkominn hátt og sem tengiliður í spili. Fabinho skilaði til að mynda 30 af þeim 36 sendingum sem hann framkvæmdi á samherja sinni í sigrinum gegn Manchester City í gær. Fabinho líður greinilega mjög vel á heimavelli Liverpool, Anfield, en liðið hefur borið sigurorð í öllum þeim 17 deildarleikjum þar sem hann hefur verið í byrjunarliði þar. Flestir fjölmiðlar sem fjölluðu um sigur Liverpool á móti Manchester City í gær voru á því að Fabinho hefði verið besti leikmaðurinn í leiknum. Birtist í Fréttablaðinu Enski boltinn Mest lesið „Ég er mögulega búinn að spila minn síðasta leik“ Íslenski boltinn „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti Zirkzee hetjan í sínum fyrsta leik Enski boltinn „Blikaleikir eru aldrei búnir fyrr en það er búið að flauta af“ Fótbolti KR kærir og segir KSÍ mismuna félögum Íslenski boltinn „Það sjá allir hve mikilvægir varamenn eru“ Enski boltinn „Gefur okkur bara meiri eld í það að taka stóra bikarinn“ Fótbolti Uppgjörið: Sanngjarnt þegar Valskonur tryggðu sér bikarinn Íslenski boltinn Dagskráin í dag: KR fer Vestur og Championship deildin heldur áfram Sport Fleiri fréttir „Það sjá allir hve mikilvægir varamenn eru“ Zirkzee hetjan í sínum fyrsta leik Schmeichel skammar Shaw fyrir að spila á EM Man. City dottið niður í ellefta sætið yfir mestu eyðsluna Ten Hag um kaupin á öllum þessum Ajax mönnum: Ekki bara mín ákvörðun Hafa eytt fjörutíu milljörðum í fyrrum lærisveina stjórans Ed Sheeran eignast hlut í ensku félagi en frábiður sér kvart og kvein Spurs setur Bissouma í bann fyrir hláturgasmyndbandið Liverpool selur einn af ungu strákunum sínum Fann fimm ástæður fyrir því af hverju Man. City verður ekki enskur meistari Vonarstjarna City og Noregs fótbrotnaði Gallagher farinn frá Madríd og aftur til Chelsea Hefur misst af 264 leikjum undanfarin tíu ár De Ligt þrisvar á topplista yfir þá dýrustu VAR-herbergið í enska verður virkt á samfélagsmiðlum í vetur Shaw meiddur enn á ný Tíu sem vert er að fylgjast með: Füllkrug, framherjar í Manchester og Ítali í Lundúnum Arnór lagði upp í stórsigri De Ligt og Mazraoui endanlega staðfestir sem leikmenn Man Utd Palmer nú samningsbundinn Chelsea næstu níu árin Orðrómur um kaup City á Liverpool-stjörnu fær engan stuðning Seldu Wan-Bissaka fyrir þrefalt lægra verð Hafnar Liverpool og félagið aftur á núllpunkti Brentford fær Carvalho frá Liverpool: „Bætir þessu extra við leikmannahópinn“ Gætu sprungið út: Framherjinn sem skipti Arsenal út fyrir Man Utd og nokkrir til viðbótar Þjálfaraferill Rooney hangir á bláþræði Royal færir sig frá Lundúnum til Mílanó Stjórinn sem heillaði Stefán er strax hættur Íslendingar sameinast á ný í Birmingham Liverpool hefur ekki enn boðið Van Dijk nýjan samning Sjá meira
Enski boltinn Brasilíski varnartengiliðurinn Fabinho kom Liverpool á bragðið þegar liðið sigraði Manchester City með þremur mörkum gegn einu í toppslag ensku úrvalsdeildarinnar í knattspyrnu karla. Fabinho kom til Liverpool frá Monaco fyrir síðustu leiktíð en Jürgen Klopp gaf sér góðan tíma til þess að venja Brasilíumanninn við hraðann á Englandi. Eftir aðlögunartímann óx honum ásmegin með hverjum leiknum sem hann spilaði og í dag er hann orðinn eitt af fyrstu nöfnum á blaði þegar Klopp velur byrjunarlið sitt. Auk þess að skora huggulegt mark í leiknum gegn Manchester City var hann óþreytandi við að brjóta niður sóknir Manchester City. Pep Linders, aðstoðarmaður Klopps, lýsti nýlega yfir dálæti sínu á Fabinho en þar sagði hann að leikskilningur hans væri mikill og brasilíski landsliðsmaðurinn væri góður í að koma skikki á hlutina þegar óreiða væri á spili liðsins. Fabinho ólst upp hjá Fluminese í heimalandi sínu og færði sig svo um set til Rio Ave. Eftir einungis mánaðar veru hjá Rio Ave söðlaði hann um og gekk til liðs við Real Madrid þar sem hann spilaði með varaliðinu og einn leik með aðalliðinu. Þegar ljóst var að hann myndi ekki fá brautargengi hjá Real Madrid hélt hann í herbúðir Monaco þar sem hann sprakk út.Jardim tók heillavænlega ákvörðun fyrir Fabinho Auk þess að geta leikið sem varnartengiliður getur hann hæglega leyst stöðu miðvarðar en framan af ferli sínum spilaði hann sem hægri bakvörður. Það var svo Leonardo Jardim þjálfari hans hjá Monaco sem færði Fabinho inn á svæðið með góðum árangri. Fabinho sér líklega ekki eftir því þar sem hann er að spila sem djúpur miðjumaður hjá Liverpool sem er ríkjandi meistari í Meistaradeild Evrópu og með níu stiga forskot á toppi ensku úrvalsdeildarinnar. Fabinho varð franskur meistari með Monaco vorið 2017 en á því keppnistímabili fór liðið í undanúrslit Meistaradeildar Evrópu þar sem Juventus sló liðið úr leik. Frammistaða Fabinho með Monaco vakti athygli liða í ensku úrvalsdeildinni. Hann hafði kost á því að ganga til liðs við Manchester United og Arsenal en liðsfélagi hans hjá brasilíska landsliðinu, Roberto Firmino, náði að sannfæra Fabinho um að koma til Liverpool. Firmino sendi Fabinho skilaboð þar sem hann sagði að Klopp væri kröfuharður stjóri sem myndi sjá til þess að hann myndi ná miklum framförum. Þar reyndist Firmino klárlega sannspár. Þá hefur það líklega átt sinn þátt í ákvörðun Fabinhos að á sama tíma gekk samlandi hans og samherji í brasilíska landsliðinu, Alisson Becker, til liðs við Liverpool. Fabinho hefur aðlagast vel hjá Liverpool og er hvers manns hugljúfi. Gott orð fer af honum hjá leikmönnum sem hann spilar með, stuðningsmönnum og fjölmiðlamönnum. Hann hefur fengið nokkur gælunöfn innan leikmannahópsins en Virgil van Dijk kallar hann Inspector Gadget þar sem langar lappir eru alltaf fyrir sóknaraðgerðum andstæðinganna.Lykilmaður í leikstíl Liverpool Hann fékk það hlutverk að leysa Emre Can, sem fór til Juventus, af hólmi en tilkynnt var um komu hans tveimur dögum eftir tap Liverpool á móti Real Madrid í úrslitaleik Meistaradeildarinnar. Klopp sagði þá í viðtali við sjónvarpsstöð Liverpool að félagið væri bæði að fá hágæða leikmann inn á miðsvæðið hjá sér sem og frábæra persónu sem myndi smita frá sér með þægilegri nærveru utan vallar. Ein af ástæðum þess að Liverpool hefur einungis fengið á sig níu mörk í deildinni á yfirstandandi leiktíð er spilamennska Fabinhos sem bindur saman vörn og miðju liðsins. Leikstíll Liverpool gengur meðal annars út á það að fara hátt upp með bakverðina og þá er mikilvægt að hafa öflugan varnartengilið til þess að aðstoða miðverði liðsins í varnarleiknum. Liverpool spilar af mikilli ákefð og vill pressa andstæðinga sína hátt á vellinum og Klopp veitir leikmönnum sínum frjálsræði í því að sækja þegar það á við. Fabinho er hins vegar akkerið sem er oftar en ekki á réttum stað til þess að hindra skyndisóknir liðanna sem Liverpool leikur við. Þegar Fabinho vinnur boltann er hann afar góður í að skila boltanum frá sér og hann er miðpunktur í uppspili Liverpool. Hann gerir leikmenn í kringum sig betri bæði með því að sinna varnarvinnunni á fullkominn hátt og sem tengiliður í spili. Fabinho skilaði til að mynda 30 af þeim 36 sendingum sem hann framkvæmdi á samherja sinni í sigrinum gegn Manchester City í gær. Fabinho líður greinilega mjög vel á heimavelli Liverpool, Anfield, en liðið hefur borið sigurorð í öllum þeim 17 deildarleikjum þar sem hann hefur verið í byrjunarliði þar. Flestir fjölmiðlar sem fjölluðu um sigur Liverpool á móti Manchester City í gær voru á því að Fabinho hefði verið besti leikmaðurinn í leiknum.
Birtist í Fréttablaðinu Enski boltinn Mest lesið „Ég er mögulega búinn að spila minn síðasta leik“ Íslenski boltinn „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti Zirkzee hetjan í sínum fyrsta leik Enski boltinn „Blikaleikir eru aldrei búnir fyrr en það er búið að flauta af“ Fótbolti KR kærir og segir KSÍ mismuna félögum Íslenski boltinn „Það sjá allir hve mikilvægir varamenn eru“ Enski boltinn „Gefur okkur bara meiri eld í það að taka stóra bikarinn“ Fótbolti Uppgjörið: Sanngjarnt þegar Valskonur tryggðu sér bikarinn Íslenski boltinn Dagskráin í dag: KR fer Vestur og Championship deildin heldur áfram Sport Fleiri fréttir „Það sjá allir hve mikilvægir varamenn eru“ Zirkzee hetjan í sínum fyrsta leik Schmeichel skammar Shaw fyrir að spila á EM Man. City dottið niður í ellefta sætið yfir mestu eyðsluna Ten Hag um kaupin á öllum þessum Ajax mönnum: Ekki bara mín ákvörðun Hafa eytt fjörutíu milljörðum í fyrrum lærisveina stjórans Ed Sheeran eignast hlut í ensku félagi en frábiður sér kvart og kvein Spurs setur Bissouma í bann fyrir hláturgasmyndbandið Liverpool selur einn af ungu strákunum sínum Fann fimm ástæður fyrir því af hverju Man. City verður ekki enskur meistari Vonarstjarna City og Noregs fótbrotnaði Gallagher farinn frá Madríd og aftur til Chelsea Hefur misst af 264 leikjum undanfarin tíu ár De Ligt þrisvar á topplista yfir þá dýrustu VAR-herbergið í enska verður virkt á samfélagsmiðlum í vetur Shaw meiddur enn á ný Tíu sem vert er að fylgjast með: Füllkrug, framherjar í Manchester og Ítali í Lundúnum Arnór lagði upp í stórsigri De Ligt og Mazraoui endanlega staðfestir sem leikmenn Man Utd Palmer nú samningsbundinn Chelsea næstu níu árin Orðrómur um kaup City á Liverpool-stjörnu fær engan stuðning Seldu Wan-Bissaka fyrir þrefalt lægra verð Hafnar Liverpool og félagið aftur á núllpunkti Brentford fær Carvalho frá Liverpool: „Bætir þessu extra við leikmannahópinn“ Gætu sprungið út: Framherjinn sem skipti Arsenal út fyrir Man Utd og nokkrir til viðbótar Þjálfaraferill Rooney hangir á bláþræði Royal færir sig frá Lundúnum til Mílanó Stjórinn sem heillaði Stefán er strax hættur Íslendingar sameinast á ný í Birmingham Liverpool hefur ekki enn boðið Van Dijk nýjan samning Sjá meira