Pútín varð 67 ára í gær og Stanislav Cherchesov, þjálfari rússneska landsliðsins, vonast eftir því að sjá Pútín á vellinum er liðið mætir Skotlandi í mikilvægum leik í undankeppni EM 2020.
„Við höfum nú þegar óskað forsetanum til hamingju með afmælið og við höfum boðið honum á leikinn. Við höfum ekki spilað í Moskvu lengi og það er gott að leikurinn sé spilaður í Luzhniki,“ sagði Stanislav.
Vladimir Putin invited to cheer on Russia against Scotland in Euro 2020 qualifier clash as birthday treathttps://t.co/tXOp5d4kLRpic.twitter.com/XDrQMqys8c
— Scottish Sun Sport (@scotsunsport) October 8, 2019
„Það eina sem við þurfum að gera er að hlaða batteríin og reyna fá hækkandi hitastig í borgina. Ég hitti leikmennina í gær og við munum sjá hvað vikan gefur okkur.“
„Við munum ræða síðasta leik gegn Skotlandi og fara yfir styrkleika þeirra til þess að vera klárir í slaginn,“ bætti stjórinn við.
Rússland er í 2. sæti I-riðilsins með fimmtán stig en Skotland er í næst neðsta sætinu með einungis sex stig eftir jafn marga leiki.
