Drekarnir skoruðu 46 stig í einum leikhluta

Hlynur Bæringsson og Jakob Örn Sigurðarson voru í aðalhlutverkum eins og svo oft áður þegar Sundsvall Dragons lagði Borås að velli, 127-104, í sænsku úrvalsdeildinni í körfubolta í kvöld.

Lokatölurnar gefa ekki alveg rétt mynd af leiknum þar sem staðan var 81-81 fyrir lok fjórða leikhluta. Heimamenn tóku völdin í stöðunni 91-90 og unnu góðan sigur.

Hlynur skoraði 25 stig fyrir Drekana og Jakob stigi minna. Liðið er í efsta sæti deildarinnar með fjórtán sigra í sextán leikjum. Borås er í þriðja sæti með ellefu sigra.