Hringbraut og Nútíminn sek um duldar auglýsingar Kolbeinn Tumi Daðason skrifar 24. ágúst 2018 15:28 Skjáskot af fyrstu greininni af þremur sem Fjölmiðlanefnd gerði athugasemd við á vef Nútímans. Fjölmiðlanefnd hefur komist að þeirri niðurstöðu að sjónvarpsstöðin Hringbraut og vefmiðillinn Nútíminn hafi gerst brotleg við lög um fjölmiðla með umfjöllun sinni snemma á árinu þar sem ekki var tekið nógu skýrt fram að um kostaða umfjöllun væri að ræða. Hringbraut hefur verið sektuð um 500 þúsund krónur fyrir brotið en fallið er frá ákvörðun um sekt í tilfelli Nútímans þar sem miðillinn gæti að nokkru leyti að auðkenningu viðskiptaboða í umfjöllun sinni.Sigmundur Ernir Rúnarsson, ritstjóri Hringbrautar.Um 70 prósent þáttarins auglýsing Í tilfelli Hringbrautar snerist umkvörtunarefnið að þættinum Fermingar sem sýndur var þann 12. janúar og var jafnframt aðgengilegur á vef Hringbrautar. Í þættinum kynntu viðmælendur vörurnar og þjónustu auk þess sem innslögin voru flest tekin í verslunum þeirra. Voru vörmerkin afar sýnileg. Á vef Hringbrautar sagði að þátturinn væri unninn í samstarfi við ýmsa aðila en það kom ekki fram í þættinum sjálfum. Einu vísbendingarnar um að efnið væri kostað voru vörumerki sem birtust í horni skjámyndar og í kreditlistanum í lok þáttar. Sú auðkenning þótti ekki fullnægjandi. Kynna þyrfti í upphaf og lok þáttar að um auglýsingaefni væri að ræða. Þá uppfyllti umfjöllunin ekki skilyrði sem kostað fjölmiðlaefni en í lögum um fjölmiðla segir að kostað efni megi ekki fela í sér hvatningu til kaupa eða leigu á þjónustu. „Þvert á móti gekk stærstur hluti þáttarins beinlínis út á að kynna vörur og þjónustu þeirra sem um var fjallað. Að mati nefndarinnar var ekki um að ræða kostað dagskrárefni í skilningi laga um fjölmiðla, heldur vörukynningar sem þjónuðu auglýsingamarkmiðum og voru til þess fallnar að villa um fyrir neytendum með þeim hætti að þeir áttuðu sig ekki á því að um keypta umfjöllun væri að ræða.“ Þátturinn var tæpur hálftími að lengd. Alls voru 22,19 mínútur auglýsinga- og kynningarefni en leyfilegt hlutfall auglýsinga og fjarkaupainnskota innan hverrar klukkustundar er 20%, eða tólf mínútur. Þau lög braut Hringbraut því líka. Uppskar miðillinn sem fyrr segir 500 þúsund króna sekt. Miðillinn tók aðeins lítillega til varna í málinu og sagðist hafa talið auglýsingarnar innan við 20 prósenta markið. Þátturinn hefur verið fjarlægður af vef Hringbrautar. Niðurstöðu nefndarinnar má lesa hér.Ekki merkt sem kynning eða auglýsing Brot Nútímans tengdust umfjöllun í febrúar og mars þar sem fylgst var með Guðrúnu Veigu áhrifavaldi sem hugðist borða Dominos's pítsu á hverjum degi í Meistaramánuði Íslandsbanka. Ekki stóð að um kynningu eða auglýsingu væri að ræða en við hverja birtingu myndbandanna þriggja sagði að Nútíminn hefði tekið höndum saman við Íslandsbanka og Domino's um að hjálpa Guðrúnu Veigu að ná markmiði sínu. Í myndböndunum var fylgst með Guðrúnu Veigu borða pítsu ásamt viðtölum við hana. Í myndbrotunum sáust pítsur af ýmsu tagi í kössum merktum Domino's og pítsusendlar í fatnaði merktu sama vörumerki. Umfjöllun Nútímans var einnig deilt á samfélagsmiðlum. Á Facebook birtist hún á Facebook-síðu Nútímans undir yfirskriftinni „Nútíminn with Meistaramánuður“. Undir henni mátti sjá dagsetningu og orðið „paid“ með smáu letri og þar fyrir neðan þá stöðufærslu Nútímans sem birt var í tengslum við umfjöllunina hverju sinni. Á Twitter birtist umfjöllun Nútímans um pizzusmökkun Guðrúnar Veigu með myllumerkinu #ad. Í svari Atla Fannars Bjarkasonar, fyrirsvarsmanns Fálka útgáfu og ritstjóra og ábyrgðarmanns Nútímans, sagði að öllum mætti vera ljós að um kostaða umfjöllun væri að ræða. Alltaf kæmi fram að myndböndin væru unnin í samvinnu við Íslandsbanka og Domino's auk þess sem þau hefðu verið merkt á samfélagsmiðlum. Fjölmiðlanefnd taldi hins vegar ekki hafa verið nógu skýrt að ekki væri um ristjórnarefni að ræða heldur kostað efni. Þótt um samstarf sé að ræða geti lesandi ekki verið viss um að umfjöllunin sé kostuð. Það eigi að vera skýrt, t.d. með því að láta orðin auglýsing eða kynning koma fram í umfjöllun. Í ljósi þess að Nútíminn hafði ekki áður gerst brotlegur við lög um fjölmiðla og að einhverju leyti gætt að auðkenningu efnisins í miðli sínum og á samfélagsmiðlum var Nútíminn ekki sektaður.Niðurstöðu Fjölmiðlanenfdar í tilfelli Nútímans má lesa í heild hér. Fjölmiðlar Mest lesið Fyrsta íslenska grænkera ostagerðin í hættu Viðskipti innlent Fokdýr jólagjöf til dætranna reyndist eintóm blekking Neytendur Þau vilja stýra ÁTVR Viðskipti innlent Staðfesta að gjöf í formi bankakorts er skattskyld Viðskipti innlent Play tapaði þremur og hálfum milljarði á fyrsta ársfjórðungi Viðskipti innlent Um þrjátíu prósent hafa miklar áhyggjur af áhrifum tolla á Ísland Viðskipti innlent Jón segir bull að FBI-kempa hafi óvænt bankað upp á með stefnu Viðskipti innlent Verðbólga eykst hressilega og fer aftur yfir fjögur prósent Viðskipti innlent Gervigreindin: Stjórnendur framtíðarinnar verði þjálfarar Atvinnulíf Kemur til móts við bílaframleiðendur vegna tolla Viðskipti erlent Fleiri fréttir Staðfesta frávísun vegna stefnu Samskipa í samráðsmáli Play tapaði þremur og hálfum milljarði á fyrsta ársfjórðungi Staðfesta að gjöf í formi bankakorts er skattskyld Þau vilja stýra ÁTVR Býst ekki við að verðbólgan hafi áhrif á vaxtalækkunarferlið Um þrjátíu prósent hafa miklar áhyggjur af áhrifum tolla á Ísland Lauf Cycles lýkur tæplega 500 milljóna króna fjármögnun Verðbólga eykst hressilega og fer aftur yfir fjögur prósent Tæpur tveggja milljarða hagnaður á fyrsta ársfjórðungi Ráðinn forstjóri Arctic Fish Veitingamaður ákærður fyrir hundrað milljóna skattsvik Fokdýr dómsmál tjónka ekki við ÁTVR Veiðir hrefnu í sumar og selur kjötið á Íslandi Semja við Ístak um gerð mannvirkja fyrir fyrsta vindorkuver landsins Jón segir bull að FBI-kempa hafi óvænt bankað upp á með stefnu Ekki má vanmeta áhrifin af tollastríði á íslensk fyrirtæki Pizzur í stað smurbrauðs á nýrri Króníku Fjármögnun tryggð fyrir nýrri landeldisstöð Samherja Umræðan einkennist af rangfærslum um ofurhagnað Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Sjá meira
Fjölmiðlanefnd hefur komist að þeirri niðurstöðu að sjónvarpsstöðin Hringbraut og vefmiðillinn Nútíminn hafi gerst brotleg við lög um fjölmiðla með umfjöllun sinni snemma á árinu þar sem ekki var tekið nógu skýrt fram að um kostaða umfjöllun væri að ræða. Hringbraut hefur verið sektuð um 500 þúsund krónur fyrir brotið en fallið er frá ákvörðun um sekt í tilfelli Nútímans þar sem miðillinn gæti að nokkru leyti að auðkenningu viðskiptaboða í umfjöllun sinni.Sigmundur Ernir Rúnarsson, ritstjóri Hringbrautar.Um 70 prósent þáttarins auglýsing Í tilfelli Hringbrautar snerist umkvörtunarefnið að þættinum Fermingar sem sýndur var þann 12. janúar og var jafnframt aðgengilegur á vef Hringbrautar. Í þættinum kynntu viðmælendur vörurnar og þjónustu auk þess sem innslögin voru flest tekin í verslunum þeirra. Voru vörmerkin afar sýnileg. Á vef Hringbrautar sagði að þátturinn væri unninn í samstarfi við ýmsa aðila en það kom ekki fram í þættinum sjálfum. Einu vísbendingarnar um að efnið væri kostað voru vörumerki sem birtust í horni skjámyndar og í kreditlistanum í lok þáttar. Sú auðkenning þótti ekki fullnægjandi. Kynna þyrfti í upphaf og lok þáttar að um auglýsingaefni væri að ræða. Þá uppfyllti umfjöllunin ekki skilyrði sem kostað fjölmiðlaefni en í lögum um fjölmiðla segir að kostað efni megi ekki fela í sér hvatningu til kaupa eða leigu á þjónustu. „Þvert á móti gekk stærstur hluti þáttarins beinlínis út á að kynna vörur og þjónustu þeirra sem um var fjallað. Að mati nefndarinnar var ekki um að ræða kostað dagskrárefni í skilningi laga um fjölmiðla, heldur vörukynningar sem þjónuðu auglýsingamarkmiðum og voru til þess fallnar að villa um fyrir neytendum með þeim hætti að þeir áttuðu sig ekki á því að um keypta umfjöllun væri að ræða.“ Þátturinn var tæpur hálftími að lengd. Alls voru 22,19 mínútur auglýsinga- og kynningarefni en leyfilegt hlutfall auglýsinga og fjarkaupainnskota innan hverrar klukkustundar er 20%, eða tólf mínútur. Þau lög braut Hringbraut því líka. Uppskar miðillinn sem fyrr segir 500 þúsund króna sekt. Miðillinn tók aðeins lítillega til varna í málinu og sagðist hafa talið auglýsingarnar innan við 20 prósenta markið. Þátturinn hefur verið fjarlægður af vef Hringbrautar. Niðurstöðu nefndarinnar má lesa hér.Ekki merkt sem kynning eða auglýsing Brot Nútímans tengdust umfjöllun í febrúar og mars þar sem fylgst var með Guðrúnu Veigu áhrifavaldi sem hugðist borða Dominos's pítsu á hverjum degi í Meistaramánuði Íslandsbanka. Ekki stóð að um kynningu eða auglýsingu væri að ræða en við hverja birtingu myndbandanna þriggja sagði að Nútíminn hefði tekið höndum saman við Íslandsbanka og Domino's um að hjálpa Guðrúnu Veigu að ná markmiði sínu. Í myndböndunum var fylgst með Guðrúnu Veigu borða pítsu ásamt viðtölum við hana. Í myndbrotunum sáust pítsur af ýmsu tagi í kössum merktum Domino's og pítsusendlar í fatnaði merktu sama vörumerki. Umfjöllun Nútímans var einnig deilt á samfélagsmiðlum. Á Facebook birtist hún á Facebook-síðu Nútímans undir yfirskriftinni „Nútíminn with Meistaramánuður“. Undir henni mátti sjá dagsetningu og orðið „paid“ með smáu letri og þar fyrir neðan þá stöðufærslu Nútímans sem birt var í tengslum við umfjöllunina hverju sinni. Á Twitter birtist umfjöllun Nútímans um pizzusmökkun Guðrúnar Veigu með myllumerkinu #ad. Í svari Atla Fannars Bjarkasonar, fyrirsvarsmanns Fálka útgáfu og ritstjóra og ábyrgðarmanns Nútímans, sagði að öllum mætti vera ljós að um kostaða umfjöllun væri að ræða. Alltaf kæmi fram að myndböndin væru unnin í samvinnu við Íslandsbanka og Domino's auk þess sem þau hefðu verið merkt á samfélagsmiðlum. Fjölmiðlanefnd taldi hins vegar ekki hafa verið nógu skýrt að ekki væri um ristjórnarefni að ræða heldur kostað efni. Þótt um samstarf sé að ræða geti lesandi ekki verið viss um að umfjöllunin sé kostuð. Það eigi að vera skýrt, t.d. með því að láta orðin auglýsing eða kynning koma fram í umfjöllun. Í ljósi þess að Nútíminn hafði ekki áður gerst brotlegur við lög um fjölmiðla og að einhverju leyti gætt að auðkenningu efnisins í miðli sínum og á samfélagsmiðlum var Nútíminn ekki sektaður.Niðurstöðu Fjölmiðlanenfdar í tilfelli Nútímans má lesa í heild hér.
Fjölmiðlar Mest lesið Fyrsta íslenska grænkera ostagerðin í hættu Viðskipti innlent Fokdýr jólagjöf til dætranna reyndist eintóm blekking Neytendur Þau vilja stýra ÁTVR Viðskipti innlent Staðfesta að gjöf í formi bankakorts er skattskyld Viðskipti innlent Play tapaði þremur og hálfum milljarði á fyrsta ársfjórðungi Viðskipti innlent Um þrjátíu prósent hafa miklar áhyggjur af áhrifum tolla á Ísland Viðskipti innlent Jón segir bull að FBI-kempa hafi óvænt bankað upp á með stefnu Viðskipti innlent Verðbólga eykst hressilega og fer aftur yfir fjögur prósent Viðskipti innlent Gervigreindin: Stjórnendur framtíðarinnar verði þjálfarar Atvinnulíf Kemur til móts við bílaframleiðendur vegna tolla Viðskipti erlent Fleiri fréttir Staðfesta frávísun vegna stefnu Samskipa í samráðsmáli Play tapaði þremur og hálfum milljarði á fyrsta ársfjórðungi Staðfesta að gjöf í formi bankakorts er skattskyld Þau vilja stýra ÁTVR Býst ekki við að verðbólgan hafi áhrif á vaxtalækkunarferlið Um þrjátíu prósent hafa miklar áhyggjur af áhrifum tolla á Ísland Lauf Cycles lýkur tæplega 500 milljóna króna fjármögnun Verðbólga eykst hressilega og fer aftur yfir fjögur prósent Tæpur tveggja milljarða hagnaður á fyrsta ársfjórðungi Ráðinn forstjóri Arctic Fish Veitingamaður ákærður fyrir hundrað milljóna skattsvik Fokdýr dómsmál tjónka ekki við ÁTVR Veiðir hrefnu í sumar og selur kjötið á Íslandi Semja við Ístak um gerð mannvirkja fyrir fyrsta vindorkuver landsins Jón segir bull að FBI-kempa hafi óvænt bankað upp á með stefnu Ekki má vanmeta áhrifin af tollastríði á íslensk fyrirtæki Pizzur í stað smurbrauðs á nýrri Króníku Fjármögnun tryggð fyrir nýrri landeldisstöð Samherja Umræðan einkennist af rangfærslum um ofurhagnað Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Sjá meira