Kvöldfréttir Stöðvar 2 í beinni

Kröfum um meira fjármagn til meðal annars heilbrigðis- og menntamála verður ekki mætt samkvæmt nýrri fjármálastefnu ríkisstjórnarinnar. Þetta segir Katrín Jakobsdóttir formaður Vinstri grænna. Rætt verður við Katrínu í fréttum Stöðvar tvö klukkan hálf sjö.

Einnig verður rætt við umhverfisráðherra út af mengun frá díselbílum og krakka í tíunda bekk Kársnesskóla sem afhentu Geðhjálp í dag peninga sem þeir söfnuðu til að styrkja forvarnir gegn sjálfskaðandi hegðun.