Mahmoud Abbas, forseti Palestsínumanna, hefur hvatt þjóð sína til þess að reka Hamas samtökin frá Gaza ströndinni.
Vígasveitir Hamas hertóku ströndina í júní og hröktu hersveitir forsetans á brott. Abbas tilheyrir Fatah samtökum Yassers Arafat, sem eru talsvert hófsamari en Hamas.
Í ræðu sem hann hélt í Ramalla á Vesturbakkanum í dag, sagði Abbas; "Við verðum að losa okkur við þessa klíku sem rændi Gaza ströndinni með vopnavaldi og nýtir sér þjáningu og hörmungar þjóðar okkar."
Átta manns létu lífið á mánudaginn þgar vígamenn beittu skotvopnum til þess að dreifa mannfjölda eftir minningarathöfn um Yasser Arafat.
Þá voru þrjú ár liðin frá láti hans. Mikið mannfall hefur verið á Gaza undanfarna mánuði, í innbyrðis átökum Palestínumanna.