Eldur kviknaði í bif­­reið hjá Há­degis­móum

Eldur kviknaði í bifreið við gatnamót Vesturlandsvegar og Suðurlandsvegar í Reykjavík í kvöld nálægt Hádegismóum. Engum varð meint af og hefur slökkviliði tekist að slökkva eldinn.

Tilkynning varst um atvikið klukkan rúmlega átta og var slökkvilið sent á vettvang ásamt lögreglu. Ekki liggur fyrir hver aðdragandi eða orsök eldsins var.

Samkvæmt upplýsingum frá slökkviliðinu á höfuðborgarsvæðinu er reiknað með því að bíllinn verði fjarlægður af vettvangi í kvöld.