Tveir eru látnir í Þýskalandi af völdum kórónuveirunnar sem veldur COVID-19 sjúkdómnum. Um er að ræða eina eldri konu í borginni Essen og karlmann í bænum Heinsberg.
Bæði Essen og Heinsberg eru í Norðurrín-Vestfalíu í vesturhluta landsins.
Mikil fjölgun hefur verið í smitum í Þýskalandi undanfarna daga og eru tilfellin nú rúmlega 1.100. Flest tilfelli eru í Norðurrín-Vestfalíu sem er fjölmennasta sambandsland landsins.
Yfirvöld í Þýskalandi hafa gripið til ráðstafana vegna útbreiðslu veirunnar og hafa aflýst mörgum stórum viðburðum í landinu, til að mynda ferðasýningunni ITB og bókahátíðinni í Leipzig. Þá er fullyrt á vef Bloomberg að einnig sé til skoðunar að loka af ýmsum borgum í landinu líkt og hefur verið gert á Ítalíu.
Fyrstu dauðsföllin af völdum kórónuveirunnar í Þýskalandi
Tengdar fréttir
Smitum fækkar hratt í Kína
Útbreiðsla kórónuveirunnar sem veldur Covid-19-sjúkdómnum hefur dregist saman og tilfellum fækkað í Asíu á síðasta sólarhring en ástandið í Evrópu og Bandaríkjunum heldur áfram að versna.
