737 MAX: „Hönnuð af trúðum undir stjórn apa“ Gunnar Reynir Valþórsson og Samúel Karl Ólason skrifa 10. janúar 2020 08:56 Þingmaðurinn Peter DeFazio, sem stýrir samgöngunefnd fulltrúadeildar Bandaríkjaþings, segir samskiptin sýna að fyrirtækið virðist hafa markvisst komið sér undan eftirlit og gagnrýni á sama tíma og starfsmenn fyrirtækisins hafi verið að hringja viðvörunarbjöllum innanhúss. AP/Elaine Thompson Starfsmenn Boeing voru ekki ánægðir með hönnun 737 MAX flugvélanna og börðust gegn því að flugmenn yrðu skilyrtir í sérstaka flughermaþjálfun vegna flugvélanna. Þetta kemur fram í skilaboðum á milli starfsmanna fyrirtækisins sem Boeing opinberaði í gær. Skilaboðin varpa ljósi á óánægju þeirra með hönnunina á 737-Max vélunum sem nú hafa verið kyrrsettar frá því í mars. Var það gert eftir að 346 manns dóu í tveimur flugslysum en starfsmenn Boeing reyndu að blekkja eftirlitsaðila varðandi flugvélarnar. Í skjali frá því í apríl 2017 ræða tveir starfsmenn Boeing ítarlega um gallana í vélinni og segir annar þeirra að svo virðist sem flugvélin hafi verið „hönnuð af trúðum, sem lotið hafi stjórn apa,“ eins og starfsmaðurinn orðar það. Þá virðast gögnin benda til þess að Boeing hafi barist gegn því að flugmenn fengju eitthvað meira en grunnþjálfun í flughermi til að takast á við vandkvæði við stjórn vélarinnar eins og eftirlitsaðilar höfðu kallað eftir. Sjá einnig: Samspil margra þátta leiddi til Lion Air slyssins Annað skjal sýnir að einn starfsmaður sagði vini sínum að hann myndi aldrei leyfa fjölskyldu sinni að ferðast með 737 MAX og spurði hvort hinn myndi gera það. „Nei,“ var svarið. „Þessi samskipti endurspegla ekki fyrirtækið sem við erum og þurfum að vera, og þau eru alfarið óásættanleg,“ segir í yfirlýsingu frá Boeing, sem vinnur enn að endurbótum á flugvélunum sem um ræðir. Þar segir einnig að forsvarsmenn fyrirtækisins séu sannfærðir um að flugvélarnar virki. Þá segjast þeir vera að íhuga að refsa einhverjum starfsmanna sinna vegna skilaboðanna. Samkvæmt Seattle Times sagði einn af yfirmönnum Boeing að um smáan hóp starfsmanna væri að ræða og flestir þeirra hefðu komið að þróun flughermisins vegna 737 MAX. Þingmaðurinn Peter DeFazio, sem stýrir samgöngunefnd fulltrúadeildar Bandaríkjaþings, segir samskiptin sýna að fyrirtækið virðist hafa markvisst komið sér undan eftirlit og gagnrýni á sama tíma og starfsmenn fyrirtækisins hafi verið að hringja viðvörunarbjöllum innanhúss. Sögðu flugmenn Lion Air ekki þurfa aukna þjálfun Þó nöfn þeirra starfsmanna sem sendu skilaboðin hafi verið máð, hafa blaðamenn Seattle Times borið kennsl á tvo þeirra. Patrik Gustavsson og Mark Forkner unnu báðir að þróun flughermis vegna 737 MAX en samskipti þeirra á milli, frá 2017, þykja sérstaklega óhugnanleg þar sem þeir töluðu um beiðni forsvarsmanna indóníska flugfélagsins Lion Air um flugherma fyrir flugmenn þeirra. 189 dóu þegar 737 MAX flugvél Lion Air brotlenti skömmu eftir flugtak í Jakarta. Þegar beiðni barst um flugherma kölluðu flugmennirnir tveir frá Boeing starfsmenn Lion Air heimska og sögðu þá ekki þurfa á flughermi að halda. Systurflugfélag Lion Air væri þegar að nota 737 MAX án vandræða. Forkner sendi svo tölvupóst til einhvers í Jakarta í Indónesíu, þar sem finna má höfuðstöðvar Lion Air. „Það er algjörlega engin ástæða til að krefja flugmenn ykkar um að ljúka þjálfun í flughermi til að fljúga MAX. Boeing skilur ekki hvað græðist á því.“ Tók hann fram að flugmálayfirvöld Bandaríkjanna, Evrópu, Kanada, Kína og Malasíu krefðust ekki þess að flugmenn fengju sérstaka flughermisþjálfun vegna 737 MAX flugvélanna. Forkner hafði sömuleiðis sent póst á flugmálayfirvöld Indlands, sem voru þá að krefja Lion Air um aukna þjálfun flugmanna, og tíundaði hann öll þau ríki og flugfélög sem höfðu ekki talið nauðsynlegt að taka upp flughermaþjálfun. Í einum tölvupósti til samstarfsaðila sagði Forkner að markmiðið með því hafi verið að láta Indverjana „finnast þeir heimskir fyrir að krefjast aukinnar þjálfunar“. Bandaríkin Boeing Fréttir af flugi Mest lesið Staðreyndum snúið á hvolf til að eigna ríkisstjórninni verðbólguna Viðskipti innlent Seðlabankinn hafi ekki önnur úrræði en að lækka vexti Viðskipti innlent Litlu fyrirtækin: Upplifa sjálfbærni sem aukavinnu og vesen Atvinnulíf Tónleikastöðum fækkar: „Þetta er bara sorgleg þróun“ Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur Spá áframhaldandi óbreyttum stýrivöxtum í næstu viku Viðskipti innlent Susan Wojcicki er látin Viðskipti erlent „Allt að því galið“ að taka ekki þátt í séreignarsparnaði Viðskipti innlent Sprenging í sölu á sérsmíðuðum saunaklefum Samstarf Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Starfsmenn Boeing voru ekki ánægðir með hönnun 737 MAX flugvélanna og börðust gegn því að flugmenn yrðu skilyrtir í sérstaka flughermaþjálfun vegna flugvélanna. Þetta kemur fram í skilaboðum á milli starfsmanna fyrirtækisins sem Boeing opinberaði í gær. Skilaboðin varpa ljósi á óánægju þeirra með hönnunina á 737-Max vélunum sem nú hafa verið kyrrsettar frá því í mars. Var það gert eftir að 346 manns dóu í tveimur flugslysum en starfsmenn Boeing reyndu að blekkja eftirlitsaðila varðandi flugvélarnar. Í skjali frá því í apríl 2017 ræða tveir starfsmenn Boeing ítarlega um gallana í vélinni og segir annar þeirra að svo virðist sem flugvélin hafi verið „hönnuð af trúðum, sem lotið hafi stjórn apa,“ eins og starfsmaðurinn orðar það. Þá virðast gögnin benda til þess að Boeing hafi barist gegn því að flugmenn fengju eitthvað meira en grunnþjálfun í flughermi til að takast á við vandkvæði við stjórn vélarinnar eins og eftirlitsaðilar höfðu kallað eftir. Sjá einnig: Samspil margra þátta leiddi til Lion Air slyssins Annað skjal sýnir að einn starfsmaður sagði vini sínum að hann myndi aldrei leyfa fjölskyldu sinni að ferðast með 737 MAX og spurði hvort hinn myndi gera það. „Nei,“ var svarið. „Þessi samskipti endurspegla ekki fyrirtækið sem við erum og þurfum að vera, og þau eru alfarið óásættanleg,“ segir í yfirlýsingu frá Boeing, sem vinnur enn að endurbótum á flugvélunum sem um ræðir. Þar segir einnig að forsvarsmenn fyrirtækisins séu sannfærðir um að flugvélarnar virki. Þá segjast þeir vera að íhuga að refsa einhverjum starfsmanna sinna vegna skilaboðanna. Samkvæmt Seattle Times sagði einn af yfirmönnum Boeing að um smáan hóp starfsmanna væri að ræða og flestir þeirra hefðu komið að þróun flughermisins vegna 737 MAX. Þingmaðurinn Peter DeFazio, sem stýrir samgöngunefnd fulltrúadeildar Bandaríkjaþings, segir samskiptin sýna að fyrirtækið virðist hafa markvisst komið sér undan eftirlit og gagnrýni á sama tíma og starfsmenn fyrirtækisins hafi verið að hringja viðvörunarbjöllum innanhúss. Sögðu flugmenn Lion Air ekki þurfa aukna þjálfun Þó nöfn þeirra starfsmanna sem sendu skilaboðin hafi verið máð, hafa blaðamenn Seattle Times borið kennsl á tvo þeirra. Patrik Gustavsson og Mark Forkner unnu báðir að þróun flughermis vegna 737 MAX en samskipti þeirra á milli, frá 2017, þykja sérstaklega óhugnanleg þar sem þeir töluðu um beiðni forsvarsmanna indóníska flugfélagsins Lion Air um flugherma fyrir flugmenn þeirra. 189 dóu þegar 737 MAX flugvél Lion Air brotlenti skömmu eftir flugtak í Jakarta. Þegar beiðni barst um flugherma kölluðu flugmennirnir tveir frá Boeing starfsmenn Lion Air heimska og sögðu þá ekki þurfa á flughermi að halda. Systurflugfélag Lion Air væri þegar að nota 737 MAX án vandræða. Forkner sendi svo tölvupóst til einhvers í Jakarta í Indónesíu, þar sem finna má höfuðstöðvar Lion Air. „Það er algjörlega engin ástæða til að krefja flugmenn ykkar um að ljúka þjálfun í flughermi til að fljúga MAX. Boeing skilur ekki hvað græðist á því.“ Tók hann fram að flugmálayfirvöld Bandaríkjanna, Evrópu, Kanada, Kína og Malasíu krefðust ekki þess að flugmenn fengju sérstaka flughermisþjálfun vegna 737 MAX flugvélanna. Forkner hafði sömuleiðis sent póst á flugmálayfirvöld Indlands, sem voru þá að krefja Lion Air um aukna þjálfun flugmanna, og tíundaði hann öll þau ríki og flugfélög sem höfðu ekki talið nauðsynlegt að taka upp flughermaþjálfun. Í einum tölvupósti til samstarfsaðila sagði Forkner að markmiðið með því hafi verið að láta Indverjana „finnast þeir heimskir fyrir að krefjast aukinnar þjálfunar“.
Bandaríkin Boeing Fréttir af flugi Mest lesið Staðreyndum snúið á hvolf til að eigna ríkisstjórninni verðbólguna Viðskipti innlent Seðlabankinn hafi ekki önnur úrræði en að lækka vexti Viðskipti innlent Litlu fyrirtækin: Upplifa sjálfbærni sem aukavinnu og vesen Atvinnulíf Tónleikastöðum fækkar: „Þetta er bara sorgleg þróun“ Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur Spá áframhaldandi óbreyttum stýrivöxtum í næstu viku Viðskipti innlent Susan Wojcicki er látin Viðskipti erlent „Allt að því galið“ að taka ekki þátt í séreignarsparnaði Viðskipti innlent Sprenging í sölu á sérsmíðuðum saunaklefum Samstarf Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira