Þrjú smit greindist innanlands í gær og þrjú á landamærunum, en beðið er eftir niðurstöðum mótefnamælingar.
Allir þrír sem greindust innanlands voru í sóttkví.
Þetta kemur fram í nýjustu tölum á covid.is en samkvæmt þeim liggur enginn á sjúkrahúsi vegna kórónuveirusmits.
81 er í einangrun og fækkar um sjö milli daga. Þá eru 357 í sóttkví og fer þeim fækkandi, en 375 voru í sóttkví í gær. Hátt í 25 þúsund hafa lokið sóttkví frá því að faraldurinn hófst hér á landi.
343 einkennasýni voru tekin í gær og 1.149 við landamæraskimun. Sex önnur sýni voru tekin hjá Íslenskri erfðagreiningu.
Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur er 14,2, en var 14,5 í gær. Þá er nýgengi landamærasmita enn 7,1 líkt og í gær.