Ákveðnar starfstéttir fá forgang að þjónustu leik- og grunnskóla Sunna Kristín Hilmarsdóttir skrifar 17. mars 2020 12:53 Á meðal þeirra starfsstétta sem fá forgang að þjónustunni er starfsfólk heilsugæslunnar. Hér sjást starfsmenn Heilsugæslunnar á Höfða taka sýni fyrir kórónuveirunni. Vísir/vilhelm Á lista almannavarnadeildar ríkislögreglustjóra yfir það starfsfólk í framlínustörfum sem hefur forgang að grunn- og leikskólaþjónustu, frístundastarfi og þjónustu dagforeldra vegna kórónuveirunnar eru meðal annars ráðherrar og ráðuneytisstjórar, lögreglumenn, sjúkraflutningamenn, starfsfólk sjúkrahúsa og starfsfólk í leik- og grunnskólum. Listinn um hvaða starfsstéttir hafa forgang að þjónustunni er gefinn út til að sú starfsemi sem þær tilteknu starfsstéttir sinna skerðist sem minnst á meðan á fjögurra vikna löngu samkomubanni stendur. Bannið er sett til að hefta útbreiðslu kórónuveirunnar sem veldur sjúkdómnum COVID-19. Starfsemi framhaldsskóla og háskóla skerðist verulega í samkomubanninu þar sem öllum þeim menntastofnunum hefur verið lokað. Framhaldsskólakennarar og háskólakennarar eiga þó að sinna fjarkennslu eins og kostur er á meðan bannið er í gildi en samkvæmt lista almannavarna, sem Vísir hefur undir höndum og dagsettur er í gær, hafa þær starfsstéttir þó ekki forgang að leik- og grunnskólaþjónustu eins og stendur. Víðir Reynisson, yfirlögregluþjónn hjá almannavarnadeild ríkislögreglustjóra.vísir/vilhelm Listinn í vinnslu og ekki endanlegt plagg Víðir Reynisson, yfirlögregluþjónn hjá almannavörnum, segir í samtali við Vísi að þetta verði klárlega skoðað; það hljómi eins og framhaldsskólakennarar og háskólakennarar eigi að vera á listanum. „Ef það er ekki á listanum og hefur átt að vera þá hefur það bara gleymst. Þetta er listi sem er í vinnslu, þetta er ekkert endanlegt. Það verður bætt á hann eftir mati bara hvað þarf,“ segir Víðir. Vegna samkomubannsins er þjónusta leik- og grunnskóla skert verulega víða um land. Víðir segir að það hafi í sjálfu sér ekki komið á óvart að skerða þyrfti skólastarf verulega, að minnsta kosti ekki hvað varðar stærstu skólana. „Það kom í ljós þegar við funduðum með þessum aðilum um helgina að í mikið af þessum stærri skólum yrði þetta verulega mjög erfitt í útfærslu að láta þetta ganga upp þannig að menn klárlega sáu það fyrir að það yrðu einhverjir dagar þar sem að nemendur gætu ekki verið alla daga í skólanum í stærri skólunum. Það var nokkuð ljóst frá upphafi og eins og kennararnir bentu á þá verður þetta ekkert venjulegt skólastarf, ekki einu sinni fyrir þá nemendur sem fá kennslu heldur verður þetta með allt öðru sniði en þetta hefur verið. Þannig að eins og við höfum verið að segja þá erum við búin að færa okkar viðmið eða normið svolítið til í þessu málum,“ segir Víðir. Þá segir Víðir aðspurður það ekki hafa komið inn á borð almannavarna að setja starfsfólk Ríkisútvarpsins á lista yfir þær starfsstéttir sem hafa forgang að þjónustu leik- og grunnskóla, frístundastarfi og dagforeldrum á meðan ástandið varir. Stofnunin hefur það skilgreinda almannavarnahlutverk samkvæmt þjónustusamningi við ríkið að tryggja upplýsingaþjónustu og miðlun þegar vá ber að höndum. Þjónusta leikskóla skerðist næstu vikurnar á meðan á samkomubanninu varir.Vísir/Vilhelm Opnað fyrir umsóknir um forgang á morgun Fram kom í tölvupósti sem sendur var í morgun til foreldra og forráðamanna barna sem eru á leikskóla á höfuðborgarsvæðinu að þeir sem eiga rétt á forgangi fyrir börn sín eigi að sækja um það í gegnum síðuna island.is. Opnað verður fyrir umsóknir á morgun, 18. mars. Áður hafði verið kynnt að fylla ætti út eyðublað og skila því til leikskólastjóra en umsóknir foreldra um forgang munu nú berast til leikskólans með rafrænum þegar búið er að sækja um á island.is. Með póstinum var síðan sent skjal þar sem finna má lista sem almannavarnadeild ríkislögreglustjóra hefur gefið út varðandi það hvaða starfsfólk í framlínu á forgang um aukna skóla- og leikskólaþjónustu, frístundastarfi fyrir börn í 1. og 2. bekk og dagforeldraþjónustu. Í skjalinu kemur fram að miðað er við börn hjá dagforeldrum, í leikskóla og 1. og 2. bekk í grunnskóla. „Ferlið væri því þannig að viðkomandi starfsstéttum sé gert ljóst að þetta sé til staðar. Starfsfólk sem á kost á þessu getur sótt um slíkt inn á island.is og unnið svo að útfærslu með viðkomandi skólastjórnanda eða dagforeldri,“ segir í skjalinu. Þá er vakin athygli á því að listinn sé sífellt í endurskoðun. Listinn yfir þær starfsstéttir sem hafa forgang að þjónustu leik- og grunnskóla, frístundastarfi og dagforeldrum: Stjórnsýslan • Ráðherrar • Ráðuneytisstjórar • Upplýsingafulltrúar ráðuneyta • Aðstoðarmenn ráðherra • Skrifstofustjórar • Öryggisstjórar ráðuneyta • Öryggistrúnaðarmenn ráðuneyta • Ritarar ráðherra • Ritarar ráðuneytisstjóra • Sóttvarnalæknir • Landlæknir • Aðstoðarmaður sóttvarnalæknis • Aðstoðarmaður landlæknis • Fangaverðir • Framlínustarfsfólk hjá Seðlabanka Íslands Viðbragðsaðilar • Lögreglan • Embætti ríkislögreglustjóra • Slökkvilið • Sjúkraflutningar • Landhelgisgæslan • Rauði krossinn • Slysavarnafélagið Landsbjörg Heilbrigðisstarfsfólk • Sjúkrahús • Hjúkrunarheimili • Dvalarheimili • Heilsugæsla • Bakvarðasveit velferðarþjónustu Á sveitarfélagsvísu • Starfsfólk grunnskóla • Starfsfólk leikskóla • Starfsfólk frístundarheimila • Starfsfólk heimila fyrir fatlað fólk • Starfsfólk hjúkrunarheimila • Starfsfólk þjónustuíbúða fyrir aldrað fólk • Starfsfólk í heimaþjónustu • Starfsfólk í heimahjúkrun • Starfsfólk í Heilbrigðiseftirliti • Framlínustarfsfólk í veitum; rafveita, vatnsveita, frárennsli, gagnaveita • Starfsfólk í sorphirðu • Þjónustufulltrúar í þjónustuveri • Starfsfólk bráðavaktar barnaverndar • Starfsfólk í þjónustuúrræðum barnaverndar • Upplýsingafulltrúar sveitarfélaga • Starfsmenn neyðarstjórna • Skrifstofustjórar • Sviðsstjórar sveitarfélaganna • Bæjarstjórar • Borgarstjóri Faraldur kórónuveiru (COVID-19) Heilbrigðismál Skóla - og menntamál Mest lesið Rafbílaeigendur með sínar leiðir til að svindla Innlent Kom að heimilinu í ljósum logum Innlent Starfsemi skert í tíu leik- eða grunnskólum í Reykjavík í vetur Innlent „Ekki sést á þessari öld“ Veður Á harðahlaupum í handjárnum Innlent Mesta rúmmálið sem hefur safnast frá því að gosin hófust Innlent Reykur í hrauni ekki eldgos Innlent Reykjanesbær endurgeldur greiðann og býður frítt í sund Innlent Kuldakastinu muni fylgja töluverð úrkoma Veður Eru að slökkva í síðustu glæðunum í Somerset Erlent Fleiri fréttir Framtíð vindorku, gervigreind og staðan í efnahagsmálum Kom að heimilinu í ljósum logum Reykjanesbær endurgeldur greiðann og býður frítt í sund Reykur í hrauni ekki eldgos Á harðahlaupum í handjárnum Hundrað ár frá fyrsta flugi milli Íslands og Ameríku Starfsemi skert í tíu leik- eða grunnskólum í Reykjavík í vetur Mesta rúmmálið sem hefur safnast frá því að gosin hófust Rafbílaeigendur með sínar leiðir til að svindla Kjörís gaf nokkur tonn af ís í dag Ný lágvöruverðsverslun áskorun og tónlistarframleiðsla Magga Mix Haraldur baunar á forstjóra Landsvirkjunar Bílaröð ísþyrstra Bændur opna bú sín á „Beint frá býli deginum“ Rekstraraðilar misvel undirbúnir Fylgjast náið með barnafjölskyldum í Grindavík Rauðu örvarnar koma síðdegis til Keflavíkur Óvíst með formannsframboð en frjálshyggjan megi ekki sigra Óvissa um formennsku VG og óþefur í kirkjugörðum Kúkalykt í kirkjugarði gerir út af við Grafavogsbúa Áframhaldandi norðankaldi en bjart sunnan heiða Sérsveitin aðstoðaði vegna hnífaburðar í Vesturbæ Öflugur skjálfti í Bárðarbungu „Ég hef aldrei séð annan eins viðbjóð“ „Ég veit ekki hvort að ég sé sammála um að rokið sé auðlind“ Neitaði að borga heita vatnið og slapp með skrekkinn Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Sjá meira
Á lista almannavarnadeildar ríkislögreglustjóra yfir það starfsfólk í framlínustörfum sem hefur forgang að grunn- og leikskólaþjónustu, frístundastarfi og þjónustu dagforeldra vegna kórónuveirunnar eru meðal annars ráðherrar og ráðuneytisstjórar, lögreglumenn, sjúkraflutningamenn, starfsfólk sjúkrahúsa og starfsfólk í leik- og grunnskólum. Listinn um hvaða starfsstéttir hafa forgang að þjónustunni er gefinn út til að sú starfsemi sem þær tilteknu starfsstéttir sinna skerðist sem minnst á meðan á fjögurra vikna löngu samkomubanni stendur. Bannið er sett til að hefta útbreiðslu kórónuveirunnar sem veldur sjúkdómnum COVID-19. Starfsemi framhaldsskóla og háskóla skerðist verulega í samkomubanninu þar sem öllum þeim menntastofnunum hefur verið lokað. Framhaldsskólakennarar og háskólakennarar eiga þó að sinna fjarkennslu eins og kostur er á meðan bannið er í gildi en samkvæmt lista almannavarna, sem Vísir hefur undir höndum og dagsettur er í gær, hafa þær starfsstéttir þó ekki forgang að leik- og grunnskólaþjónustu eins og stendur. Víðir Reynisson, yfirlögregluþjónn hjá almannavarnadeild ríkislögreglustjóra.vísir/vilhelm Listinn í vinnslu og ekki endanlegt plagg Víðir Reynisson, yfirlögregluþjónn hjá almannavörnum, segir í samtali við Vísi að þetta verði klárlega skoðað; það hljómi eins og framhaldsskólakennarar og háskólakennarar eigi að vera á listanum. „Ef það er ekki á listanum og hefur átt að vera þá hefur það bara gleymst. Þetta er listi sem er í vinnslu, þetta er ekkert endanlegt. Það verður bætt á hann eftir mati bara hvað þarf,“ segir Víðir. Vegna samkomubannsins er þjónusta leik- og grunnskóla skert verulega víða um land. Víðir segir að það hafi í sjálfu sér ekki komið á óvart að skerða þyrfti skólastarf verulega, að minnsta kosti ekki hvað varðar stærstu skólana. „Það kom í ljós þegar við funduðum með þessum aðilum um helgina að í mikið af þessum stærri skólum yrði þetta verulega mjög erfitt í útfærslu að láta þetta ganga upp þannig að menn klárlega sáu það fyrir að það yrðu einhverjir dagar þar sem að nemendur gætu ekki verið alla daga í skólanum í stærri skólunum. Það var nokkuð ljóst frá upphafi og eins og kennararnir bentu á þá verður þetta ekkert venjulegt skólastarf, ekki einu sinni fyrir þá nemendur sem fá kennslu heldur verður þetta með allt öðru sniði en þetta hefur verið. Þannig að eins og við höfum verið að segja þá erum við búin að færa okkar viðmið eða normið svolítið til í þessu málum,“ segir Víðir. Þá segir Víðir aðspurður það ekki hafa komið inn á borð almannavarna að setja starfsfólk Ríkisútvarpsins á lista yfir þær starfsstéttir sem hafa forgang að þjónustu leik- og grunnskóla, frístundastarfi og dagforeldrum á meðan ástandið varir. Stofnunin hefur það skilgreinda almannavarnahlutverk samkvæmt þjónustusamningi við ríkið að tryggja upplýsingaþjónustu og miðlun þegar vá ber að höndum. Þjónusta leikskóla skerðist næstu vikurnar á meðan á samkomubanninu varir.Vísir/Vilhelm Opnað fyrir umsóknir um forgang á morgun Fram kom í tölvupósti sem sendur var í morgun til foreldra og forráðamanna barna sem eru á leikskóla á höfuðborgarsvæðinu að þeir sem eiga rétt á forgangi fyrir börn sín eigi að sækja um það í gegnum síðuna island.is. Opnað verður fyrir umsóknir á morgun, 18. mars. Áður hafði verið kynnt að fylla ætti út eyðublað og skila því til leikskólastjóra en umsóknir foreldra um forgang munu nú berast til leikskólans með rafrænum þegar búið er að sækja um á island.is. Með póstinum var síðan sent skjal þar sem finna má lista sem almannavarnadeild ríkislögreglustjóra hefur gefið út varðandi það hvaða starfsfólk í framlínu á forgang um aukna skóla- og leikskólaþjónustu, frístundastarfi fyrir börn í 1. og 2. bekk og dagforeldraþjónustu. Í skjalinu kemur fram að miðað er við börn hjá dagforeldrum, í leikskóla og 1. og 2. bekk í grunnskóla. „Ferlið væri því þannig að viðkomandi starfsstéttum sé gert ljóst að þetta sé til staðar. Starfsfólk sem á kost á þessu getur sótt um slíkt inn á island.is og unnið svo að útfærslu með viðkomandi skólastjórnanda eða dagforeldri,“ segir í skjalinu. Þá er vakin athygli á því að listinn sé sífellt í endurskoðun. Listinn yfir þær starfsstéttir sem hafa forgang að þjónustu leik- og grunnskóla, frístundastarfi og dagforeldrum: Stjórnsýslan • Ráðherrar • Ráðuneytisstjórar • Upplýsingafulltrúar ráðuneyta • Aðstoðarmenn ráðherra • Skrifstofustjórar • Öryggisstjórar ráðuneyta • Öryggistrúnaðarmenn ráðuneyta • Ritarar ráðherra • Ritarar ráðuneytisstjóra • Sóttvarnalæknir • Landlæknir • Aðstoðarmaður sóttvarnalæknis • Aðstoðarmaður landlæknis • Fangaverðir • Framlínustarfsfólk hjá Seðlabanka Íslands Viðbragðsaðilar • Lögreglan • Embætti ríkislögreglustjóra • Slökkvilið • Sjúkraflutningar • Landhelgisgæslan • Rauði krossinn • Slysavarnafélagið Landsbjörg Heilbrigðisstarfsfólk • Sjúkrahús • Hjúkrunarheimili • Dvalarheimili • Heilsugæsla • Bakvarðasveit velferðarþjónustu Á sveitarfélagsvísu • Starfsfólk grunnskóla • Starfsfólk leikskóla • Starfsfólk frístundarheimila • Starfsfólk heimila fyrir fatlað fólk • Starfsfólk hjúkrunarheimila • Starfsfólk þjónustuíbúða fyrir aldrað fólk • Starfsfólk í heimaþjónustu • Starfsfólk í heimahjúkrun • Starfsfólk í Heilbrigðiseftirliti • Framlínustarfsfólk í veitum; rafveita, vatnsveita, frárennsli, gagnaveita • Starfsfólk í sorphirðu • Þjónustufulltrúar í þjónustuveri • Starfsfólk bráðavaktar barnaverndar • Starfsfólk í þjónustuúrræðum barnaverndar • Upplýsingafulltrúar sveitarfélaga • Starfsmenn neyðarstjórna • Skrifstofustjórar • Sviðsstjórar sveitarfélaganna • Bæjarstjórar • Borgarstjóri
Faraldur kórónuveiru (COVID-19) Heilbrigðismál Skóla - og menntamál Mest lesið Rafbílaeigendur með sínar leiðir til að svindla Innlent Kom að heimilinu í ljósum logum Innlent Starfsemi skert í tíu leik- eða grunnskólum í Reykjavík í vetur Innlent „Ekki sést á þessari öld“ Veður Á harðahlaupum í handjárnum Innlent Mesta rúmmálið sem hefur safnast frá því að gosin hófust Innlent Reykur í hrauni ekki eldgos Innlent Reykjanesbær endurgeldur greiðann og býður frítt í sund Innlent Kuldakastinu muni fylgja töluverð úrkoma Veður Eru að slökkva í síðustu glæðunum í Somerset Erlent Fleiri fréttir Framtíð vindorku, gervigreind og staðan í efnahagsmálum Kom að heimilinu í ljósum logum Reykjanesbær endurgeldur greiðann og býður frítt í sund Reykur í hrauni ekki eldgos Á harðahlaupum í handjárnum Hundrað ár frá fyrsta flugi milli Íslands og Ameríku Starfsemi skert í tíu leik- eða grunnskólum í Reykjavík í vetur Mesta rúmmálið sem hefur safnast frá því að gosin hófust Rafbílaeigendur með sínar leiðir til að svindla Kjörís gaf nokkur tonn af ís í dag Ný lágvöruverðsverslun áskorun og tónlistarframleiðsla Magga Mix Haraldur baunar á forstjóra Landsvirkjunar Bílaröð ísþyrstra Bændur opna bú sín á „Beint frá býli deginum“ Rekstraraðilar misvel undirbúnir Fylgjast náið með barnafjölskyldum í Grindavík Rauðu örvarnar koma síðdegis til Keflavíkur Óvíst með formannsframboð en frjálshyggjan megi ekki sigra Óvissa um formennsku VG og óþefur í kirkjugörðum Kúkalykt í kirkjugarði gerir út af við Grafavogsbúa Áframhaldandi norðankaldi en bjart sunnan heiða Sérsveitin aðstoðaði vegna hnífaburðar í Vesturbæ Öflugur skjálfti í Bárðarbungu „Ég hef aldrei séð annan eins viðbjóð“ „Ég veit ekki hvort að ég sé sammála um að rokið sé auðlind“ Neitaði að borga heita vatnið og slapp með skrekkinn Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Sjá meira