Létu gesti í stafrænni nafnaveislu halda að drengurinn hefði fengið nafnið Þórólfur Víðir Atli Ísleifsson skrifar 21. mars 2020 22:00 Hildur María með þeim feðgum Baldri Kára og Hilmari. Hinir nýbökuðu foreldrar Hildur María Haarde og Baldur Kári Eyjólfsson ákváðu að fíflast aðeins í gestum stafrænnar nafnaveislu þriggja mánaða sonar síns fyrr í dag með því að fá þá til að halda að drengurinn hefði fengið nafnið Þórólfur Víðir. Fáir hafa meira í fréttum síðustu vikurnar en þríeykið í framlínu almannavarna – þau Alma Möller landlæknir, Þórólfur Guðnason sóttvarnalæknir og Víðir Reynisson yfirlögregluþjónn hjá almannavarnadeild ríkislögreglustjóra. Veislan færð yfir í netheima Hildur María segir í samtali við Vísi að þegar ljóst var að ekki væri hægt að halda skírnarveisluna líkt og upphaflega var ætlað vegna samkomubannsins sem nú er í gildi var ákveðið að nýta tæknina og halda veisluna í netheimum. „Við vorum upphaflega búin að ákveða að hafa sextíu til sjötíu manna veislu, en svo kom systir mín með þá hugmynd að vera með rafræna veislu í beinni á Facebook. Foreldrar mínir búa líka erlendis svo þetta var bara mjög góð lending,“ segir Hildur María. Farið í hengimann Hún segir að þau hafi bara verið saman þrjú heima en að gestirnir hafi margir klætt sig upp og tengt tölvuna við sjónvarpið og gert svolítið úr þessu. Þegar kom að því að tilkynna um nafnið hafi þau ákveðið að fara í hengimann með gestunum sem giskuðu svo á stafi. „Það vantaði hins vegar smá fútt í þetta svo við fórum þessa leið. Sögðum að það væru átta stafir í fornafninu og fimm í millinafninu. Svo komu stafirnir hver á fætur öðrum þar til að nafnið Þórólfur Víðir var komið á spjaldið. Mér fannst ég geta haldið andliti mjög lengi, en vinkonur mínar héldu að ég væri búin að missa vitið. Að nefna í höfuðið á Þórólfi og Víði í ljósi ástandsins. Þórólfur Víðir er fallegt nafn en það væri úr karakter hjá okkur að nefna strákinn okkar það. Ég varð alveg að segja „djók“ nokkrum sinnum eftir þetta til að fá gestina til að skilja.“ Hilmar heitir hann! Skírður í höfuðið á afa Þau Hildur María og Baldur Kára greindu loks gestunum frá því að drengurinn hafi verið nefndur í höfuðið á föður Hildar og fengið nafnið Hilmar Haarde Baldursson. „Þetta endaði sem mjög skemmtilegur dagur. Við sáum auðvitað fyrir okkur öðruvísi veislu en stundum fara hlutirnir ekki alveg eins og maður áætlar en það er mikilvægt að missa ekki móðinn og gera gott úr þeim sem aðstæðum eru. Sérstaklega mikilvægt að missa ekki móðinn í því astandi sem varir núna og sjá björtu hliðarnar líka. Það er svo dásamlegt að geta notað tæknina á þennan hátt og ég er mjög þakklát fyrir að hafa þrátt fyrir allt getað deilt þessum degi með okkar nánasta fólki. Mæli með svona rafrænni nafnatilkynningu – skemmtileg tilbreyting og litli Hilmar var ótrúlega sáttur og rólegur með þetta allt,“ segir Hildur María að lokum. Hildur María, Baldur Kári og Hilmar. Reykjavík Grín og gaman Samkomubann á Íslandi Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Svanhildur selur 500 fermetra höll í Akrahverfinu Lífið Syntu í hverri einustu laug landsins Lífið Fundu ástina á ný eftir skilnað Lífið Forsetagæinn hyggst hlaupa sitt lengsta hlaup til þessa Lífið Sunneva og Tanja ræða lýtaaðgerðirnar sínar Lífið Fleiri fréttir Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Ætlar að verða léttur, ljúfur og kátur afi Allt í keng: „Veiðigleraugun eru okkar hjálmur“ Ungfrú Ísland í dag: „Saman geta konur sigrað heiminn“ Gunnar Nelson mætti á golfbíl „Get tekið hart á sjálfri mér þegar mér mistekst“ Sjá meira
Hinir nýbökuðu foreldrar Hildur María Haarde og Baldur Kári Eyjólfsson ákváðu að fíflast aðeins í gestum stafrænnar nafnaveislu þriggja mánaða sonar síns fyrr í dag með því að fá þá til að halda að drengurinn hefði fengið nafnið Þórólfur Víðir. Fáir hafa meira í fréttum síðustu vikurnar en þríeykið í framlínu almannavarna – þau Alma Möller landlæknir, Þórólfur Guðnason sóttvarnalæknir og Víðir Reynisson yfirlögregluþjónn hjá almannavarnadeild ríkislögreglustjóra. Veislan færð yfir í netheima Hildur María segir í samtali við Vísi að þegar ljóst var að ekki væri hægt að halda skírnarveisluna líkt og upphaflega var ætlað vegna samkomubannsins sem nú er í gildi var ákveðið að nýta tæknina og halda veisluna í netheimum. „Við vorum upphaflega búin að ákveða að hafa sextíu til sjötíu manna veislu, en svo kom systir mín með þá hugmynd að vera með rafræna veislu í beinni á Facebook. Foreldrar mínir búa líka erlendis svo þetta var bara mjög góð lending,“ segir Hildur María. Farið í hengimann Hún segir að þau hafi bara verið saman þrjú heima en að gestirnir hafi margir klætt sig upp og tengt tölvuna við sjónvarpið og gert svolítið úr þessu. Þegar kom að því að tilkynna um nafnið hafi þau ákveðið að fara í hengimann með gestunum sem giskuðu svo á stafi. „Það vantaði hins vegar smá fútt í þetta svo við fórum þessa leið. Sögðum að það væru átta stafir í fornafninu og fimm í millinafninu. Svo komu stafirnir hver á fætur öðrum þar til að nafnið Þórólfur Víðir var komið á spjaldið. Mér fannst ég geta haldið andliti mjög lengi, en vinkonur mínar héldu að ég væri búin að missa vitið. Að nefna í höfuðið á Þórólfi og Víði í ljósi ástandsins. Þórólfur Víðir er fallegt nafn en það væri úr karakter hjá okkur að nefna strákinn okkar það. Ég varð alveg að segja „djók“ nokkrum sinnum eftir þetta til að fá gestina til að skilja.“ Hilmar heitir hann! Skírður í höfuðið á afa Þau Hildur María og Baldur Kára greindu loks gestunum frá því að drengurinn hafi verið nefndur í höfuðið á föður Hildar og fengið nafnið Hilmar Haarde Baldursson. „Þetta endaði sem mjög skemmtilegur dagur. Við sáum auðvitað fyrir okkur öðruvísi veislu en stundum fara hlutirnir ekki alveg eins og maður áætlar en það er mikilvægt að missa ekki móðinn og gera gott úr þeim sem aðstæðum eru. Sérstaklega mikilvægt að missa ekki móðinn í því astandi sem varir núna og sjá björtu hliðarnar líka. Það er svo dásamlegt að geta notað tæknina á þennan hátt og ég er mjög þakklát fyrir að hafa þrátt fyrir allt getað deilt þessum degi með okkar nánasta fólki. Mæli með svona rafrænni nafnatilkynningu – skemmtileg tilbreyting og litli Hilmar var ótrúlega sáttur og rólegur með þetta allt,“ segir Hildur María að lokum. Hildur María, Baldur Kári og Hilmar.
Reykjavík Grín og gaman Samkomubann á Íslandi Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Svanhildur selur 500 fermetra höll í Akrahverfinu Lífið Syntu í hverri einustu laug landsins Lífið Fundu ástina á ný eftir skilnað Lífið Forsetagæinn hyggst hlaupa sitt lengsta hlaup til þessa Lífið Sunneva og Tanja ræða lýtaaðgerðirnar sínar Lífið Fleiri fréttir Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Ætlar að verða léttur, ljúfur og kátur afi Allt í keng: „Veiðigleraugun eru okkar hjálmur“ Ungfrú Ísland í dag: „Saman geta konur sigrað heiminn“ Gunnar Nelson mætti á golfbíl „Get tekið hart á sjálfri mér þegar mér mistekst“ Sjá meira