Enn óvissa með útgáfu skýrslu

Allsendis er óvíst hvort skýrsla rannsóknarnefndar Alþingis kemur út í þessum mánuði. Upphaflega átti hún að koma út 1. febrúar, en því var frestað og sagt að hún kæmi út fyrir mánaðamótin.

Tólf fengu bréf frá rannsókarnefndinni í byrjun vikunnar. Þeir hafa tíu daga frest til andmæla. Komi fram ný gögn eða sjónarmið þarf nefndin að fara yfir þau. Það er því ekki hægt að fastnegla útgáfudag skýrslunnar, það ræðst af þeim viðbrögðum sem fást við bréfunum.- kóp