Skíðasvæðin í dag

Það verður lítið skíðað á sunnanverðu landinu, eins og venjulega. Hinsvegar verður opið í dag á skíðasvæðinu í Hlíðarfjalli við Akureyri frá kl. 9-17. Skíðafærið er framleiddur snjór. Allar lyftur eru í gangi og flestar skíðaleiðir troðnar ásamt göngubraut.

Á Siglufirði verða allar brautir opnar frá 10-17. Þar er léttskýjað og gott skíðafæri, frost tvö stig.

Skíðasvæðið á Tindastól í Skagafirði er einnig opið til klukkan 17 í dag. Þar er fínt færi og gott veður.