Annað neyðarástand má ekki gleymast á tímum faraldursins Heimsljós 24. apríl 2020 12:26 Ljósmynd frá Súdan UNHCR/Bith Bol Ayuel Dau Heimsfaraldurinn sem nú geisar af völdum kórónaveirunnar er viðbót við annað neyðarástand víðs vegar um heiminn sem má ekki gleymast né draga úr stuðningi við, sögðu fulltrúar stofnana Sameinuðu þjóðanna á fjarfundi í vikunni þar sem undirstrikað var mikilvægi samhæfingar í yfirstandandi faraldri og samstarf við Alþjóðaheilbrigðisstofnunina (WHO). Jafnframt var kallað eftir auknum aðgerðum í þágu kvenna, mikilvægi skólamáltíða og fæðuöryggis. Á fjarfundinum voru fulltrúar UN Women, Barnahjálpar Sameinuðu þjóðanna (UNICEF), Mannfjöldasjóðs Sameinuðu þjóðanna (UNFPA) og Þróunarstofnunar Sameinuðu þjóðanna (UNDPI) ásamt framkvæmdastjóra Alþjóðaheilbrigðisstofnunarinnar (WHO). Að mati framkvæmdastjóra WHO þarf að leggja áherslu á að koma hlífðarbúnaði til þeirra ríkja sem á þurfa að halda, með áherslu á Afríkuþjóðir, útvega grímur, hlífðargleraugu og annan nauðsynlegan búnað. Óháð hlutverki einstakra stofnana Sameinuðu þjóðanna opinberaðist á fundinum að allir stofnanirnar vinna að öflun hlífðarbúnaðar. Fram kom að sýnatökubúnaður verður sendur til þróunarríkja og WHO stendur fyrir þjálfun heilbrigðisstarfsfólks. Þegar hafa 1,5 milljónir tekið þátt í slíkri þjálfun og margir við bætast á næstu vikum. Fulltrúi UNDP lagði áherslu á mikilvægi þess að horfa til þeirra þjóðfélagshópa sem væru í viðkvæmustu stöðunni, tölur um verga landsframleiðslu gæfu ekki endilega rétta mynd af ástandinu og taka yrði tillit til félagslegra þátta og stöðu heilbrigðiskerfa. Fulltrúi UN Women lét í ljós þá skoðun að faraldurinn gæti stuðlað að skrefi aftur á bak í jafnréttismálum, ýmiss konar neikvæð faraldursins hafi komið fram gagnvart konum og stúlkum, meðal annars aukið kynbundið ofbeldi. Minnt var á að konur væru 70 prósent starfsfólks í heilbrigðisgeiranum og 85 prósent hjúkrunarfræðinga í framlínunni. Á fundinum kom fram að þörf er á að bæta aðgengi að vatni, áskoranir varðandi skólamáltíðir blasi við og tækifæri séu til að þróa fjarkennslu, svo dæmi séu nefnd. Einnig er unnið sérstaklega að því að finna þá einstaklinga sem verða út undan og aðstoða þá. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Faraldur kórónuveiru (COVID-19) Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Öflugur skjálfti í Bárðarbungu Innlent „Ég veit ekki hvort að ég sé sammála um að rokið sé auðlind“ Innlent „Þetta var bara okkar líf og nú er það farið“ Innlent Sagði Pétri Jökli að skipta um síma í snarheitum Innlent Láglaunakonur neiti sér um mat svo að börn þeirra fái að borða Innlent Skotvopnaleyfi afturkallað og byssa gerð upptæk Innlent Sérsveitin aðstoðaði vegna hnífaburðar í Vesturbæ Innlent Kerlingadráttur í 120 ára afmælisveislu í Borgarnesi Innlent
Heimsfaraldurinn sem nú geisar af völdum kórónaveirunnar er viðbót við annað neyðarástand víðs vegar um heiminn sem má ekki gleymast né draga úr stuðningi við, sögðu fulltrúar stofnana Sameinuðu þjóðanna á fjarfundi í vikunni þar sem undirstrikað var mikilvægi samhæfingar í yfirstandandi faraldri og samstarf við Alþjóðaheilbrigðisstofnunina (WHO). Jafnframt var kallað eftir auknum aðgerðum í þágu kvenna, mikilvægi skólamáltíða og fæðuöryggis. Á fjarfundinum voru fulltrúar UN Women, Barnahjálpar Sameinuðu þjóðanna (UNICEF), Mannfjöldasjóðs Sameinuðu þjóðanna (UNFPA) og Þróunarstofnunar Sameinuðu þjóðanna (UNDPI) ásamt framkvæmdastjóra Alþjóðaheilbrigðisstofnunarinnar (WHO). Að mati framkvæmdastjóra WHO þarf að leggja áherslu á að koma hlífðarbúnaði til þeirra ríkja sem á þurfa að halda, með áherslu á Afríkuþjóðir, útvega grímur, hlífðargleraugu og annan nauðsynlegan búnað. Óháð hlutverki einstakra stofnana Sameinuðu þjóðanna opinberaðist á fundinum að allir stofnanirnar vinna að öflun hlífðarbúnaðar. Fram kom að sýnatökubúnaður verður sendur til þróunarríkja og WHO stendur fyrir þjálfun heilbrigðisstarfsfólks. Þegar hafa 1,5 milljónir tekið þátt í slíkri þjálfun og margir við bætast á næstu vikum. Fulltrúi UNDP lagði áherslu á mikilvægi þess að horfa til þeirra þjóðfélagshópa sem væru í viðkvæmustu stöðunni, tölur um verga landsframleiðslu gæfu ekki endilega rétta mynd af ástandinu og taka yrði tillit til félagslegra þátta og stöðu heilbrigðiskerfa. Fulltrúi UN Women lét í ljós þá skoðun að faraldurinn gæti stuðlað að skrefi aftur á bak í jafnréttismálum, ýmiss konar neikvæð faraldursins hafi komið fram gagnvart konum og stúlkum, meðal annars aukið kynbundið ofbeldi. Minnt var á að konur væru 70 prósent starfsfólks í heilbrigðisgeiranum og 85 prósent hjúkrunarfræðinga í framlínunni. Á fundinum kom fram að þörf er á að bæta aðgengi að vatni, áskoranir varðandi skólamáltíðir blasi við og tækifæri séu til að þróa fjarkennslu, svo dæmi séu nefnd. Einnig er unnið sérstaklega að því að finna þá einstaklinga sem verða út undan og aðstoða þá. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Faraldur kórónuveiru (COVID-19) Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Öflugur skjálfti í Bárðarbungu Innlent „Ég veit ekki hvort að ég sé sammála um að rokið sé auðlind“ Innlent „Þetta var bara okkar líf og nú er það farið“ Innlent Sagði Pétri Jökli að skipta um síma í snarheitum Innlent Láglaunakonur neiti sér um mat svo að börn þeirra fái að borða Innlent Skotvopnaleyfi afturkallað og byssa gerð upptæk Innlent Sérsveitin aðstoðaði vegna hnífaburðar í Vesturbæ Innlent Kerlingadráttur í 120 ára afmælisveislu í Borgarnesi Innlent