Hlutabréfaverð á blússandi siglingu Þorsteinn Friðrik Halldórsson skrifar 9. maí 2019 07:45 Sérfræðingur hjá Kviku telur væntingar um vaxtalækkun hafa þau áhrif að fjárfestar færi fjármagn af innlánsreikningum yfir á hlutabréf. Fréttablaðið/Ernir Hlutabréfamarkaðurinn er aftur kominn á skrið eftir rúm þrjú dauf ár. Miklar verðhækkanir á hlutabréfum Marels hafa híft upp úrvalsvísitöluna og betri horfur í hagkerfinu hafa skapað skilyrði fyrir hækkanir á innlendum rekstrarfélögum. Greinendur segja forsendur fyrir góðu ári á hlutabréfamarkaðinum. Frá áramótum hefur úrvalsvísitalan hækkað um rúm 30 prósent til samanburðar við 1,3 prósenta lækkun á árinu 2018. Vísitalan fór í gær yfir 2.100 stig þegar hún hækkaði um 1,7 prósent og hefur gildi hennar ekki verið hærra frá endurreisn hlutabréfamarkaðarins eftir fall bankanna. Hún lækkaði um 4,4 prósent á árinu 2017 og níu prósent á árinu 2016. Hækkun ársins er að miklu leyti drifin áfram af verðhækkun Marels en félagið hefur hækkað um 58,4 prósent yfir sama tímabil. Markaðsvirði Marels er um 35 prósent af heildarmarkaðsvirði skráðra félaga í Kauphöllinni og því hafa verðsveiflur þess veruleg áhrif á úrvalsvísitöluna. Á eftir Marel kemur Kvika banki sem skráður var á aðalmarkað Kauphallarinnar í lok mars en verð hlutabréfa bankans hafa hækkað um tæplega 38 prósent. Næst koma tryggingafélögin þrjú, Sjóvá, TM og VÍS, sem hafa hækkað í kringum 25 prósent í verði frá áramótum. Fjögur félög hafa lækkað það sem af er ári en það eru Hagar, sem hafa lækkað um 5,6 prósent, HB Grandi um 11,7 prósent, Sýn um 17,5 prósent og Eimskip um 17,8 prósent. „Það má segja að frá seinni parti árs 2015 og alveg út 2018 hafi markaðurinn skilað lítilli sem engri ávöxtun fyrir utan einstaka félög sem stóðu sig betur en önnur,“ segir Eggert Aðalsteinsson, sérfræðingur í eignastýringu Kviku banka, í samtali við Fréttablaðið. „Nú er markaðurinn á blússandi siglingu,“ Eggert rekur hækkanirnar frá áramótum til þriggja þátta. Í fyrsta lagi hafi Marel átt gott ár og ágætar horfur eru í rekstri félagsins. Félagið hafi skilað góðum uppgjörum og sú ákvörðun að stefna á tvíhliða skráningu þess á markaðinn í Amsterdam hafi jafnframt laðað nýja erlenda fjárfesta að félaginu. „Hvað innlendu rekstrarfélögin varðar skiptir gríðarlega miklu máli að búið er að minnka óvissu sem hefur legið eins og mara yfir markaðinum,“ segir Eggert og vísar annars vegar til endaloka WOW air, og hins vegar til undirritunar kjarasamninga. „Það tókst að semja án þess að það kæmi til mikilla átaka á vinnumarkaðnum og það var samið á hóflegri forsendum en margir höfðu reiknað með.“ Þá hafa væntingar til komandi vaxtaákvarðana Seðlabanka Íslands haft sitt að segja. „Það eru væntingar um að Seðlabankinn ætli að fara í umtalsverðar vaxtalækkanir á næstu vikum og mánuðum. Það endurspeglast í ávöxtunarkröfu á skuldabréfamarkaði sem hefur lækkað verulega á óverðtryggða endanum. Síðan er líklegt að væntingar um vaxtalækkanir séu að hreyfa fjármagn úr innlánum yfir á hlutabréfamarkaðinn,“ segir Eggert. „Ég tel að það séu forsendur fyrir því að markaðurinn verði sterkur á þessu ári.“ Elvar Ingi Möller, sérfræðingur í greiningardeild Arion banka, tekur í sama streng. Kröftugar hækkanir megi rekja til uppgangs Marels og minni óvissu í tengslum við fluggeirann og vinnumarkaðinn. „Án þess að fullyrða um að markaðurinn verði áfram í þessum fasa, þá er þó hægt að segja að niðurstaða sé komin í stóra óvissuþætti, sem hafa verið hangandi yfir íslensku efnahagslífi á síðustu mánuðum, sem hafi leitt til ákveðinnar spennulosunar og létt á stemningunni á hlutabréfamarkaði,“ segir Elvar. „Einn forstjóri orðaði það þannig í nýlegri uppgjörstilkynningu að kjarasamningum væri lokið með fremur raunsærri niðurstöðu. Ég hugsa að markaðsaðilar hafi, á þeim tíma sem orðræðan var sem hörðust, óttast verri niðurstöðu en raun bar vitni.“ Þá bendir hann á að áhrifin af afnámi sérstakrar bindiskyldu á innflæði erlends fjármagns hafi smitast yfir á hlutabréfamarkaðinn. „Afnám bindiskyldunnar hefur ýtt vöxtum á skuldabréfamarkaðnum töluvert niður og það hefur smitast yfir á hlutabréfamarkaðinn, meðal annars vegna þess að vextir á skuldabréfamarkaði mynda grunn ávöxtunarkröfu á hlutabréfamarkaðinn. Þessi áhrif hafa komið hvað skýrast fram hjá tryggingafélögunum, þar sem þau eru að auki einnig stórir eigendur að skuldabréfum í gegnum fjárfestingareignir sínar,“ segir Elvar. Birtist í Fréttablaðinu Mest lesið Átta sagt upp hjá Arion banka Viðskipti innlent „Myndi alveg segja að hjartað í mér hafi verið í buxunum“ Atvinnulíf Icelandair hækkað um ríflega fjórðung Viðskipti innlent Hagnaður félags Björns Braga dróst verulega saman Viðskipti innlent Sátt Eimskipa við Samkeppniseftirlitið kom Samskipum ekki við Viðskipti innlent Óvíða sem flugstarfsemi er jafn stór þáttur í efnahagslífi þjóðar Viðskipti innlent Rúv tapað nærri hálfum milljarði á árinu Viðskipti innlent Spá verðbólgu undir fjórum prósentum á næsta ári Viðskipti innlent Ummæli seðlabankastjóra „skringileg“ Viðskipti innlent Icelandair fyrsta samstarfsflugfélag bandarísks risa Viðskipti innlent Fleiri fréttir Sátt Eimskipa við Samkeppniseftirlitið kom Samskipum ekki við Óvíða sem flugstarfsemi er jafn stór þáttur í efnahagslífi þjóðar Spá enn einum fundinum án breytingar Icelandair hækkað um ríflega fjórðung Munu fljúga til Nashville næsta sumar Rúv tapað nærri hálfum milljarði á árinu Átta sagt upp hjá Arion banka Bein útsending: Ársfundur Orkustofununar á Akureyri Hagnaður félags Björns Braga dróst verulega saman Ummæli seðlabankastjóra „skringileg“ Icelandair fyrsta samstarfsflugfélag bandarísks risa Spá verðbólgu undir fjórum prósentum á næsta ári Fjármálaeftirlitið samþykkir samruna Landsbankans og TM Verður framkvæmdastjóri á hugbúnaðarsviði Origo Geta veitt fyrirtækjum hagstæðari lán Telur vaxtahækkanir viðskiptabankanna brattar Bein útsending: Haustráðstefna Stjórnvísi – Snjöll framtíð Þrálát verðbólga og hægari vöxtur geti skapað áskoranir fyrir fjármálakerfið Hrönn, Viktor og Þórdís til Varðar Ísak Einar til Samtaka atvinnulífsins Andri aðstoðarframkvæmdastjóri Júní Sunna veitir Livio samkeppni í frjósemi Enn eitt félag Quangs gjaldþrota Svekktur en ekki hissa á færri íbúðum í byggingu Færri íbúðir í byggingu en fyrir ári Gengi Icelandair flaug upp á við Vill laða að lágverðsverslun á Krókinn Spá 7,5 prósent stýrivöxtum í lok 2025 Fura Ösp nýr formaður stjórnar hjá Brandenburg Tekur við stöðu forstöðumanns þjónustu hjá Reitum Sjá meira
Hlutabréfamarkaðurinn er aftur kominn á skrið eftir rúm þrjú dauf ár. Miklar verðhækkanir á hlutabréfum Marels hafa híft upp úrvalsvísitöluna og betri horfur í hagkerfinu hafa skapað skilyrði fyrir hækkanir á innlendum rekstrarfélögum. Greinendur segja forsendur fyrir góðu ári á hlutabréfamarkaðinum. Frá áramótum hefur úrvalsvísitalan hækkað um rúm 30 prósent til samanburðar við 1,3 prósenta lækkun á árinu 2018. Vísitalan fór í gær yfir 2.100 stig þegar hún hækkaði um 1,7 prósent og hefur gildi hennar ekki verið hærra frá endurreisn hlutabréfamarkaðarins eftir fall bankanna. Hún lækkaði um 4,4 prósent á árinu 2017 og níu prósent á árinu 2016. Hækkun ársins er að miklu leyti drifin áfram af verðhækkun Marels en félagið hefur hækkað um 58,4 prósent yfir sama tímabil. Markaðsvirði Marels er um 35 prósent af heildarmarkaðsvirði skráðra félaga í Kauphöllinni og því hafa verðsveiflur þess veruleg áhrif á úrvalsvísitöluna. Á eftir Marel kemur Kvika banki sem skráður var á aðalmarkað Kauphallarinnar í lok mars en verð hlutabréfa bankans hafa hækkað um tæplega 38 prósent. Næst koma tryggingafélögin þrjú, Sjóvá, TM og VÍS, sem hafa hækkað í kringum 25 prósent í verði frá áramótum. Fjögur félög hafa lækkað það sem af er ári en það eru Hagar, sem hafa lækkað um 5,6 prósent, HB Grandi um 11,7 prósent, Sýn um 17,5 prósent og Eimskip um 17,8 prósent. „Það má segja að frá seinni parti árs 2015 og alveg út 2018 hafi markaðurinn skilað lítilli sem engri ávöxtun fyrir utan einstaka félög sem stóðu sig betur en önnur,“ segir Eggert Aðalsteinsson, sérfræðingur í eignastýringu Kviku banka, í samtali við Fréttablaðið. „Nú er markaðurinn á blússandi siglingu,“ Eggert rekur hækkanirnar frá áramótum til þriggja þátta. Í fyrsta lagi hafi Marel átt gott ár og ágætar horfur eru í rekstri félagsins. Félagið hafi skilað góðum uppgjörum og sú ákvörðun að stefna á tvíhliða skráningu þess á markaðinn í Amsterdam hafi jafnframt laðað nýja erlenda fjárfesta að félaginu. „Hvað innlendu rekstrarfélögin varðar skiptir gríðarlega miklu máli að búið er að minnka óvissu sem hefur legið eins og mara yfir markaðinum,“ segir Eggert og vísar annars vegar til endaloka WOW air, og hins vegar til undirritunar kjarasamninga. „Það tókst að semja án þess að það kæmi til mikilla átaka á vinnumarkaðnum og það var samið á hóflegri forsendum en margir höfðu reiknað með.“ Þá hafa væntingar til komandi vaxtaákvarðana Seðlabanka Íslands haft sitt að segja. „Það eru væntingar um að Seðlabankinn ætli að fara í umtalsverðar vaxtalækkanir á næstu vikum og mánuðum. Það endurspeglast í ávöxtunarkröfu á skuldabréfamarkaði sem hefur lækkað verulega á óverðtryggða endanum. Síðan er líklegt að væntingar um vaxtalækkanir séu að hreyfa fjármagn úr innlánum yfir á hlutabréfamarkaðinn,“ segir Eggert. „Ég tel að það séu forsendur fyrir því að markaðurinn verði sterkur á þessu ári.“ Elvar Ingi Möller, sérfræðingur í greiningardeild Arion banka, tekur í sama streng. Kröftugar hækkanir megi rekja til uppgangs Marels og minni óvissu í tengslum við fluggeirann og vinnumarkaðinn. „Án þess að fullyrða um að markaðurinn verði áfram í þessum fasa, þá er þó hægt að segja að niðurstaða sé komin í stóra óvissuþætti, sem hafa verið hangandi yfir íslensku efnahagslífi á síðustu mánuðum, sem hafi leitt til ákveðinnar spennulosunar og létt á stemningunni á hlutabréfamarkaði,“ segir Elvar. „Einn forstjóri orðaði það þannig í nýlegri uppgjörstilkynningu að kjarasamningum væri lokið með fremur raunsærri niðurstöðu. Ég hugsa að markaðsaðilar hafi, á þeim tíma sem orðræðan var sem hörðust, óttast verri niðurstöðu en raun bar vitni.“ Þá bendir hann á að áhrifin af afnámi sérstakrar bindiskyldu á innflæði erlends fjármagns hafi smitast yfir á hlutabréfamarkaðinn. „Afnám bindiskyldunnar hefur ýtt vöxtum á skuldabréfamarkaðnum töluvert niður og það hefur smitast yfir á hlutabréfamarkaðinn, meðal annars vegna þess að vextir á skuldabréfamarkaði mynda grunn ávöxtunarkröfu á hlutabréfamarkaðinn. Þessi áhrif hafa komið hvað skýrast fram hjá tryggingafélögunum, þar sem þau eru að auki einnig stórir eigendur að skuldabréfum í gegnum fjárfestingareignir sínar,“ segir Elvar.
Birtist í Fréttablaðinu Mest lesið Átta sagt upp hjá Arion banka Viðskipti innlent „Myndi alveg segja að hjartað í mér hafi verið í buxunum“ Atvinnulíf Icelandair hækkað um ríflega fjórðung Viðskipti innlent Hagnaður félags Björns Braga dróst verulega saman Viðskipti innlent Sátt Eimskipa við Samkeppniseftirlitið kom Samskipum ekki við Viðskipti innlent Óvíða sem flugstarfsemi er jafn stór þáttur í efnahagslífi þjóðar Viðskipti innlent Rúv tapað nærri hálfum milljarði á árinu Viðskipti innlent Spá verðbólgu undir fjórum prósentum á næsta ári Viðskipti innlent Ummæli seðlabankastjóra „skringileg“ Viðskipti innlent Icelandair fyrsta samstarfsflugfélag bandarísks risa Viðskipti innlent Fleiri fréttir Sátt Eimskipa við Samkeppniseftirlitið kom Samskipum ekki við Óvíða sem flugstarfsemi er jafn stór þáttur í efnahagslífi þjóðar Spá enn einum fundinum án breytingar Icelandair hækkað um ríflega fjórðung Munu fljúga til Nashville næsta sumar Rúv tapað nærri hálfum milljarði á árinu Átta sagt upp hjá Arion banka Bein útsending: Ársfundur Orkustofununar á Akureyri Hagnaður félags Björns Braga dróst verulega saman Ummæli seðlabankastjóra „skringileg“ Icelandair fyrsta samstarfsflugfélag bandarísks risa Spá verðbólgu undir fjórum prósentum á næsta ári Fjármálaeftirlitið samþykkir samruna Landsbankans og TM Verður framkvæmdastjóri á hugbúnaðarsviði Origo Geta veitt fyrirtækjum hagstæðari lán Telur vaxtahækkanir viðskiptabankanna brattar Bein útsending: Haustráðstefna Stjórnvísi – Snjöll framtíð Þrálát verðbólga og hægari vöxtur geti skapað áskoranir fyrir fjármálakerfið Hrönn, Viktor og Þórdís til Varðar Ísak Einar til Samtaka atvinnulífsins Andri aðstoðarframkvæmdastjóri Júní Sunna veitir Livio samkeppni í frjósemi Enn eitt félag Quangs gjaldþrota Svekktur en ekki hissa á færri íbúðum í byggingu Færri íbúðir í byggingu en fyrir ári Gengi Icelandair flaug upp á við Vill laða að lágverðsverslun á Krókinn Spá 7,5 prósent stýrivöxtum í lok 2025 Fura Ösp nýr formaður stjórnar hjá Brandenburg Tekur við stöðu forstöðumanns þjónustu hjá Reitum Sjá meira