Glæný og fersk nálgun Trausti Júlíusson skrifar 4. desember 2012 06:00 Tónlist. Enter 4. Hjaltalín. Sena. Hljómsveitin Hjaltalín kom með látum inn í íslenskt tónlistarlíf fyrir fimm árum með plötunni Sleepdrunk Seasons. Á henni var indípopp kryddað með efnisþáttum úr sígildri tónlist. Tveimur árum seinna kom platan Terminal sem var rökrétt framhald af fyrri plötunni. Hljómsveitin tók svo daðrið við klassíkina alla leið á tónleikaplötunni með Sinfó, Alpanon, sem kom út fyrir tveimur árum. Það lá í loftinu að Hjaltalín þyrfti að breyta um sjónarhorn á næstu plötu. Það var svolítið þreyta komin í konseptið, sérstaklega á Alpanon-plötunni. Það er alltaf spennandi þegar hljómsveit hugsar hlutina upp á nýtt, en mönnum tekst auðvitað misvel upp. Högni Hjaltalínsöngvari hefur undanfarin tvö ár eða svo verið að vinna mikið með hljómsveitinni Gusgus. Það fyrsta sem manni dettur í hug þegar maður hlustar á nýju plötuna er að það samstarf hafi haft áhrif á Hjaltalín. Í nokkrum laganna heyrast raftaktar í bakgrunni. Þessi áhrif eru samt ekki ráðandi á plötunni og maður tekur minna og minna eftir þeim eftir því sem maður hlustar oftar á hana. Réttara væri að segja að Hjaltalín hafi strípað tónlistina af öllu flúri og byggt svo upp á nýtt ofan á nakta grunnana og það er greinilegt að sveitin hefur opnað á ótal nýja möguleika. Það eru áhrif frá kraut-rokki, teknói, nýbylgju, söngleikjatónlist og sígildri tónlist á plötunni. Núna eru síðastnefndu áhrifin meira í ætt við nýklassík en kammertónlist eins og á fyrri plötunum. Enter 4 er þess vegna skemmtilega tilraunakennd. Hún kraumar af sköpunargleði og hljóðheimurinn er sérstaklega flottur. Hún er ólík Sleepdrunk Seasons og Terminal hvað útsetningar varðar. Þau gæði sem einkenndu lagasmíðarnar á fyrri plötunum eru enn til staðar á Enter 4 og söngvararnir Högni og Sigga hafa aldrei sungið betur. Enter 4 er frábær plata, sannkallað meistaraverk. Hún þarf nokkrar umferðir í spilaranum til þess að maður nái henni til fulls, en eftir það er erfitt að koma henni úr tækinu. Umgjörð plötunnar er líka flott, umslagið undirstrikar ferskt innihaldið. Niðurstaða: Hjaltalín hugsar hlutina upp á nýtt á frábærri plötu. Umgjörð plötunnar er líka flott, umslagið undirstrikar ferskt innihaldið. Gagnrýni Mest lesið Sjóræningjar réðust á Íslendinga Lífið Laufey sendir lekamönnum tóninn Lífið Seldu húsið í stað þess að taka á sig hærri vexti og flytja til Asíu Lífið „Þessi krakki mun aldrei hlaupa á eftir bolta“ Lífið Mikilvægt að á Íslandi sé framleitt úr íslenskri ull Lífið Morð og meiri missir: „Ég hélt henni í fanginu og sagði að allt yrði í lagi“ Áskorun „Áttum mörg falleg móment þar sem við töluðum um framtíðina“ Makamál „Ef þú ræðst svona aftur á mig þá stíg ég á fótinn þinn“ Lífið Krakkatían: Blæja, birnir og sveppahús Lífið Þetta er ástæðan fyrir því að þú átt aldrei að bjóða óperusöngvara í matarboð Gagnrýni Fleiri fréttir Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Eldborg breyttist í vélrænt helvíti Kaldrifjað morð, ungar karlrembur og kæfandi andrúmsloft Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Sjá meira
Tónlist. Enter 4. Hjaltalín. Sena. Hljómsveitin Hjaltalín kom með látum inn í íslenskt tónlistarlíf fyrir fimm árum með plötunni Sleepdrunk Seasons. Á henni var indípopp kryddað með efnisþáttum úr sígildri tónlist. Tveimur árum seinna kom platan Terminal sem var rökrétt framhald af fyrri plötunni. Hljómsveitin tók svo daðrið við klassíkina alla leið á tónleikaplötunni með Sinfó, Alpanon, sem kom út fyrir tveimur árum. Það lá í loftinu að Hjaltalín þyrfti að breyta um sjónarhorn á næstu plötu. Það var svolítið þreyta komin í konseptið, sérstaklega á Alpanon-plötunni. Það er alltaf spennandi þegar hljómsveit hugsar hlutina upp á nýtt, en mönnum tekst auðvitað misvel upp. Högni Hjaltalínsöngvari hefur undanfarin tvö ár eða svo verið að vinna mikið með hljómsveitinni Gusgus. Það fyrsta sem manni dettur í hug þegar maður hlustar á nýju plötuna er að það samstarf hafi haft áhrif á Hjaltalín. Í nokkrum laganna heyrast raftaktar í bakgrunni. Þessi áhrif eru samt ekki ráðandi á plötunni og maður tekur minna og minna eftir þeim eftir því sem maður hlustar oftar á hana. Réttara væri að segja að Hjaltalín hafi strípað tónlistina af öllu flúri og byggt svo upp á nýtt ofan á nakta grunnana og það er greinilegt að sveitin hefur opnað á ótal nýja möguleika. Það eru áhrif frá kraut-rokki, teknói, nýbylgju, söngleikjatónlist og sígildri tónlist á plötunni. Núna eru síðastnefndu áhrifin meira í ætt við nýklassík en kammertónlist eins og á fyrri plötunum. Enter 4 er þess vegna skemmtilega tilraunakennd. Hún kraumar af sköpunargleði og hljóðheimurinn er sérstaklega flottur. Hún er ólík Sleepdrunk Seasons og Terminal hvað útsetningar varðar. Þau gæði sem einkenndu lagasmíðarnar á fyrri plötunum eru enn til staðar á Enter 4 og söngvararnir Högni og Sigga hafa aldrei sungið betur. Enter 4 er frábær plata, sannkallað meistaraverk. Hún þarf nokkrar umferðir í spilaranum til þess að maður nái henni til fulls, en eftir það er erfitt að koma henni úr tækinu. Umgjörð plötunnar er líka flott, umslagið undirstrikar ferskt innihaldið. Niðurstaða: Hjaltalín hugsar hlutina upp á nýtt á frábærri plötu. Umgjörð plötunnar er líka flott, umslagið undirstrikar ferskt innihaldið.
Gagnrýni Mest lesið Sjóræningjar réðust á Íslendinga Lífið Laufey sendir lekamönnum tóninn Lífið Seldu húsið í stað þess að taka á sig hærri vexti og flytja til Asíu Lífið „Þessi krakki mun aldrei hlaupa á eftir bolta“ Lífið Mikilvægt að á Íslandi sé framleitt úr íslenskri ull Lífið Morð og meiri missir: „Ég hélt henni í fanginu og sagði að allt yrði í lagi“ Áskorun „Áttum mörg falleg móment þar sem við töluðum um framtíðina“ Makamál „Ef þú ræðst svona aftur á mig þá stíg ég á fótinn þinn“ Lífið Krakkatían: Blæja, birnir og sveppahús Lífið Þetta er ástæðan fyrir því að þú átt aldrei að bjóða óperusöngvara í matarboð Gagnrýni Fleiri fréttir Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Eldborg breyttist í vélrænt helvíti Kaldrifjað morð, ungar karlrembur og kæfandi andrúmsloft Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Sjá meira