Jólin eru drengjakórar 20. desember 2004 00:01 Marta Nordal leikkona er ekki hrifin af jólafárinu sem grípur um sig í þjóðfélaginu í desembermánuði. "Þegar ég var lítil var ég jólabarn vegna gjafanna en núna finnst mér jólin vera hálfgerð vitleysa. Það verður allt svo ofhlaðið einhvern veginn, jólaskrautið er svo mikið úti um allan bæ, aldrei hægt að kveikja á útvarpi án þess að ofurhressileg jólalög hellist yfir mann og allir hringsnúast í leit að einhverjum jólagjöfum handa fólki sem á allt. Það sem kveikir í mér jólaandann er ofsalega einfalt. Jólin fyrir mér eru rjúpa og drengjakórar sem syngja ensk jólalög. Svo er hefð fyrir því í fjölskyldunni að lesa jólaguðspjallið saman á aðfangadag. Nú er búið að taka af mér það litla sem mér finnst jólalegt, rjúpuna, og þá er ekki mikið eftir" segir Marta. "Mér finnst markaðshugsjónin komin út í vitleysu og heilagleikinn og friðurinn, sem ætti að vera það sem er eftirsóknarverðast við jólin, á hröðu undanhaldi. Ef þetta á að snúast um frelsarann þá situr hann örugglega þarna uppi og skilur ekkert í þessu." Marta gæti vel hugsað sér að fara í messu á jólanótt, hlusta á fallega tónlist og finna þar það sem raunverulega skiptir máli á jólunum. "Ég gæti hugsað mér að sitja í fallegri kirkju og hlusta á Jólaóratoríuna. Þar er jólastemmingin fyrir mér." Jól Mest lesið Jólasaga: Huldufólksdansinn Jól Geng yfirleitt alltaf of langt Jól Ást og englar allt um kring Jólin Grýla kallar á börnin sín Jól Jólaguðspjallið er rammpólitískur texti Jól Jólalag dagsins: Jónsi og Selma með Þú komst með jólin til mín Jól Jólalegt í Fjölskyldu- og húsdýrag Jól Þrír mætir konfektmolar Jól Dýrmætar minningar úr æsku Jól Sálmur 74 - Gleð þig særða sál (Kirkjan ómar öll) Jól
Marta Nordal leikkona er ekki hrifin af jólafárinu sem grípur um sig í þjóðfélaginu í desembermánuði. "Þegar ég var lítil var ég jólabarn vegna gjafanna en núna finnst mér jólin vera hálfgerð vitleysa. Það verður allt svo ofhlaðið einhvern veginn, jólaskrautið er svo mikið úti um allan bæ, aldrei hægt að kveikja á útvarpi án þess að ofurhressileg jólalög hellist yfir mann og allir hringsnúast í leit að einhverjum jólagjöfum handa fólki sem á allt. Það sem kveikir í mér jólaandann er ofsalega einfalt. Jólin fyrir mér eru rjúpa og drengjakórar sem syngja ensk jólalög. Svo er hefð fyrir því í fjölskyldunni að lesa jólaguðspjallið saman á aðfangadag. Nú er búið að taka af mér það litla sem mér finnst jólalegt, rjúpuna, og þá er ekki mikið eftir" segir Marta. "Mér finnst markaðshugsjónin komin út í vitleysu og heilagleikinn og friðurinn, sem ætti að vera það sem er eftirsóknarverðast við jólin, á hröðu undanhaldi. Ef þetta á að snúast um frelsarann þá situr hann örugglega þarna uppi og skilur ekkert í þessu." Marta gæti vel hugsað sér að fara í messu á jólanótt, hlusta á fallega tónlist og finna þar það sem raunverulega skiptir máli á jólunum. "Ég gæti hugsað mér að sitja í fallegri kirkju og hlusta á Jólaóratoríuna. Þar er jólastemmingin fyrir mér."
Jól Mest lesið Jólasaga: Huldufólksdansinn Jól Geng yfirleitt alltaf of langt Jól Ást og englar allt um kring Jólin Grýla kallar á börnin sín Jól Jólaguðspjallið er rammpólitískur texti Jól Jólalag dagsins: Jónsi og Selma með Þú komst með jólin til mín Jól Jólalegt í Fjölskyldu- og húsdýrag Jól Þrír mætir konfektmolar Jól Dýrmætar minningar úr æsku Jól Sálmur 74 - Gleð þig særða sál (Kirkjan ómar öll) Jól