Urðu „skotnir í dæminu“ og keyptu Íslendingahótelið í Ölpunum Kristín Ólafsdóttir skrifar 17. desember 2019 21:30 Hótelið heitir Skihotel Speiereck og er í bænum St. Michael im Lungau. Aðsend Nýr hópur Íslendinga hefur keypt hið svokallaða Íslendingahótel í austurrísku Ölpunum. Hótelið hefur verið vinsæll áfangastaður Íslendinga í gegnum tíðina en rekstur þess hefur verið í höndum Íslendinga í fimmtán ár. Nýir eigendur hlakka til að gera hótelið að sínu og stefna á að taka við fyrstu gestunum fyrir jól.Sjá einnig: Reka hótel í Ölpunum „Við hlökkum bara til!“ Hótelið heitir Skihotel Speiereck og er í bænum St. Michael im Lungau í landi Salzburgar í Austurríki. Guðvarður Gíslason, sem rekur Petersen-svítuna og Gamla bíó hér heima, stendur að rekstrinum ásamt félögum sínum, Árna Rúdolfi Rúdolfssyni og Reyni Elvari Kristinssyni. „Við erum að kaupa húseign sem hefur verið hótel og erum að taka við því þessa dagana. Við erum að laga til og gera allt saman gott áður en við fáum fyrstu gestina sem byrja að koma 19. desember,“ segir Guðvarður, sem nú er staddur úti í Austurríki að undirbúa opnunina, í samtali við Vísi. Guðvarður, Reynir og Árni ásamt Þuríði Þórðardóttur, fyrrverandi eiganda hótelsins.Aðsend „Þetta hefur verið þekkt sem Íslendingahótelið í Austurríki og við erum ekki að sjá fyrir okkur að breyta einu eða neinu nema að laga til í húsinu og gera það meira „okkar“ en hefur verið. Aðrir eigendur hafa staðið vel að verki í heil fimmtán ár. Við hlökkum bara til!“ Stukku út í djúpu laugina Guðvarður, Árni og Reynir hafa verið vinir í mörg ár. Þá eru þeir allir skíðamenn og hafa einmitt heimsótt umrætt Íslendingahótel til skíðaiðkunar – og þótt afar gaman. Guðvarður segir að skíðaáhuginn sé eitt af því sem hafi hvatt félagana til að ráðast í reksturinn. Guðvarður kátur við þrif á eldhúsinu.Aðsend „Svo kemur þetta inn á borð hjá okkur og við urðum bara skotnir í dæminu. Það er stokkið út í djúpu laugina. Af hverju ekki? Við eigum stórar fjölskyldur allir þrír sem hafa áhuga að því að koma að þessu og svo eigum við stóran vinahóp. Við ætlum svo sem ekki að vera einir eigendur að þessu heldur erum við hiklaust að leita að fleiri fjárfestum til að bæta og breyta hótelinu til hins betra.“ Guðvarður segir fjárfestingu félaganna aðeins fólgna í húseigninni, engin viðskipti hafi verið keypt. Þá standi þessa dagana yfir leit að starfsfólki og síðast í dag urðu vendingar í þeim efnum. „Við vorum að ganga frá því í dag að ráða konu sem ætlar að vera hér húsfrú á staðnum fyrir okkar hönd. Hún er íslensk og alvön úr hótelviðskiptum heima á Íslandi.“ Fyrrverandi rekstraraðili kveður Þorgrímur Kristjánsson, sem rak hótelið um árabil ásamt Þuríði Þórðardóttur, kveður hótelið með söknuði í færslu sem hann birti á Facebook í vikunni. Þar óskar hann nýjum eigendum velfarnaðar og kveðst sjálfur stefna á frekari skíðahótelrekstur í Ölpunum. „Nýir aðilar eru búnir að taka við sem er vonandi ánægjuefni og óska ég þeim góðs gengis. Ég er búin að byggja þetta hótel upp síðaststliðin 15 ár. Svona er þetta stundum. Yndislegir gestir og ekki má gleyma frábæru starfsfólki,“ skrifar Þorgrímur. Skjáskot/Facebook Svo virðist sem Íslendinga þyrsti sem aldrei fyrr í skíðaferðir til útlanda. Vefurinn Túristi greindi frá því í vikunni að ferðaskrifstofur fyndu fyrir stórauknum áhuga á skíðaferðum til Evrópu miðað við síðustu ár, einkum til Sviss og Austurríkis. Séð inn á barinn á Skihotel Speiereck.Aðsend Austurríki Íslendingar erlendis Mest lesið Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Stærstu fyrirtækin orðið af 747 milljörðum Viðskipti erlent Barátta Seðlabankans löngu töpuð Viðskipti innlent Dýr smjörvi á Egilsstöðum vekur mikla athygli Neytendur Í áfalli yfir dýrari dekkjum og Hlöllabát Neytendur Formaðurinn neiti að horfast í augu við einkunnaverðbólgu Viðskipti innlent Tæpar 2500 krónur fyrir litla samloku á Geysi Neytendur „Við erum ekki að fara að vinna“ Neytendur „Ljóst að staðan er mjög strembin“ Viðskipti innlent Ódýrara að velja erlenda gjaldmiðilinn í posum erlendis Neytendur Fleiri fréttir Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka „Það er verið að ríkisvæða húsnæðismarkaðinn“ Leggja upp laupana í Lundúnum Annað tilboð borist í Skagann 3X Fasteignakaup fjárfesta vísbending um að fasteignaverð haldi áfram að hækka Skúli í Subway reisir glæsihótel við Jökulsárlón Búið að bjóða í Skagann 3X Sjá meira
Nýr hópur Íslendinga hefur keypt hið svokallaða Íslendingahótel í austurrísku Ölpunum. Hótelið hefur verið vinsæll áfangastaður Íslendinga í gegnum tíðina en rekstur þess hefur verið í höndum Íslendinga í fimmtán ár. Nýir eigendur hlakka til að gera hótelið að sínu og stefna á að taka við fyrstu gestunum fyrir jól.Sjá einnig: Reka hótel í Ölpunum „Við hlökkum bara til!“ Hótelið heitir Skihotel Speiereck og er í bænum St. Michael im Lungau í landi Salzburgar í Austurríki. Guðvarður Gíslason, sem rekur Petersen-svítuna og Gamla bíó hér heima, stendur að rekstrinum ásamt félögum sínum, Árna Rúdolfi Rúdolfssyni og Reyni Elvari Kristinssyni. „Við erum að kaupa húseign sem hefur verið hótel og erum að taka við því þessa dagana. Við erum að laga til og gera allt saman gott áður en við fáum fyrstu gestina sem byrja að koma 19. desember,“ segir Guðvarður, sem nú er staddur úti í Austurríki að undirbúa opnunina, í samtali við Vísi. Guðvarður, Reynir og Árni ásamt Þuríði Þórðardóttur, fyrrverandi eiganda hótelsins.Aðsend „Þetta hefur verið þekkt sem Íslendingahótelið í Austurríki og við erum ekki að sjá fyrir okkur að breyta einu eða neinu nema að laga til í húsinu og gera það meira „okkar“ en hefur verið. Aðrir eigendur hafa staðið vel að verki í heil fimmtán ár. Við hlökkum bara til!“ Stukku út í djúpu laugina Guðvarður, Árni og Reynir hafa verið vinir í mörg ár. Þá eru þeir allir skíðamenn og hafa einmitt heimsótt umrætt Íslendingahótel til skíðaiðkunar – og þótt afar gaman. Guðvarður segir að skíðaáhuginn sé eitt af því sem hafi hvatt félagana til að ráðast í reksturinn. Guðvarður kátur við þrif á eldhúsinu.Aðsend „Svo kemur þetta inn á borð hjá okkur og við urðum bara skotnir í dæminu. Það er stokkið út í djúpu laugina. Af hverju ekki? Við eigum stórar fjölskyldur allir þrír sem hafa áhuga að því að koma að þessu og svo eigum við stóran vinahóp. Við ætlum svo sem ekki að vera einir eigendur að þessu heldur erum við hiklaust að leita að fleiri fjárfestum til að bæta og breyta hótelinu til hins betra.“ Guðvarður segir fjárfestingu félaganna aðeins fólgna í húseigninni, engin viðskipti hafi verið keypt. Þá standi þessa dagana yfir leit að starfsfólki og síðast í dag urðu vendingar í þeim efnum. „Við vorum að ganga frá því í dag að ráða konu sem ætlar að vera hér húsfrú á staðnum fyrir okkar hönd. Hún er íslensk og alvön úr hótelviðskiptum heima á Íslandi.“ Fyrrverandi rekstraraðili kveður Þorgrímur Kristjánsson, sem rak hótelið um árabil ásamt Þuríði Þórðardóttur, kveður hótelið með söknuði í færslu sem hann birti á Facebook í vikunni. Þar óskar hann nýjum eigendum velfarnaðar og kveðst sjálfur stefna á frekari skíðahótelrekstur í Ölpunum. „Nýir aðilar eru búnir að taka við sem er vonandi ánægjuefni og óska ég þeim góðs gengis. Ég er búin að byggja þetta hótel upp síðaststliðin 15 ár. Svona er þetta stundum. Yndislegir gestir og ekki má gleyma frábæru starfsfólki,“ skrifar Þorgrímur. Skjáskot/Facebook Svo virðist sem Íslendinga þyrsti sem aldrei fyrr í skíðaferðir til útlanda. Vefurinn Túristi greindi frá því í vikunni að ferðaskrifstofur fyndu fyrir stórauknum áhuga á skíðaferðum til Evrópu miðað við síðustu ár, einkum til Sviss og Austurríkis. Séð inn á barinn á Skihotel Speiereck.Aðsend
Austurríki Íslendingar erlendis Mest lesið Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Stærstu fyrirtækin orðið af 747 milljörðum Viðskipti erlent Barátta Seðlabankans löngu töpuð Viðskipti innlent Dýr smjörvi á Egilsstöðum vekur mikla athygli Neytendur Í áfalli yfir dýrari dekkjum og Hlöllabát Neytendur Formaðurinn neiti að horfast í augu við einkunnaverðbólgu Viðskipti innlent Tæpar 2500 krónur fyrir litla samloku á Geysi Neytendur „Við erum ekki að fara að vinna“ Neytendur „Ljóst að staðan er mjög strembin“ Viðskipti innlent Ódýrara að velja erlenda gjaldmiðilinn í posum erlendis Neytendur Fleiri fréttir Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka „Það er verið að ríkisvæða húsnæðismarkaðinn“ Leggja upp laupana í Lundúnum Annað tilboð borist í Skagann 3X Fasteignakaup fjárfesta vísbending um að fasteignaverð haldi áfram að hækka Skúli í Subway reisir glæsihótel við Jökulsárlón Búið að bjóða í Skagann 3X Sjá meira