„Ekki smíða spegil nema þú sért tilbúinn til að spegla þig í honum sjálfur“ Sunna Kristín Hilmarsdóttir skrifar 13. janúar 2021 11:51 Elliði Vignisson, bæjarstjóri Ölfuss, og Katrín Oddsdóttir, formaður Stjórnarskrárfélagsins. Katrín Oddsdóttir, formaður Stjórnarskrárfélagsins, segir ekki hægt að tengja baráttuaðferðir félagsins við aðferðir Donalds Trump, fráfarandi Bandaríkjaforseta. Hún segist fyrst hafa hugsað með sér að hún þyrfti ekki að svara grein Elliða Vignissonar, bæjarstjóra Ölfuss, þar sem hann sagði talsmenn félagsins nota sömu aðferðir og Trump. Elliði hafi hins vegar ekki verið eini Sjálfstæðismaðurinn sem hafi dregið upp þennan samanburð, líkt og Vísir fjallaði um á mánudag, og kveðst Katrín þá hafa hugsað með sér að þetta væri smjörklípa. Hún ræddi þetta mál í Bítinu á Bylgjunni í morgun og sagði orðið „smjörklípu“ útskýra vel ákveðna tækni í stjórnmálum. Það mætti rekja til ömmu Davíðs Oddssonar, fyrrverandi formanns Sjálfstæðisflokksins, sem hefði ekki nennt að hlusta á köttinn mjálma eftir mat. Þakkaði Elliða fyrir að búa til þennan tjáningarglugga „Þá setti hún smá smjör í feldinn og hann fór að sleikja feldinn og gleymdi því algjörlega að hann væri svangur. Þá þarf ég að spyrja mig núna „Nenni ég hérna að sleikja á mér feldinn og tala um það að ég sé alls ekki eins og Trump?““ Hvað ef það er eitthvað fólk þarna úti sem hefur ekki forsendur til að meta það og sjá í gegnum þessa lygi? Þá fer ég að hugsa „Já, það þarf að svara þessu,““ sagði Katrín. Hún sagðist þakka Elliða fyrir að búa til þennan tjáningarglugga fyrir hana til þess að tala um stjórnarskrána og lýðræðið þar sem henni þætti mjög gaman að tala um stjórnarskrárbaráttuna. Þá sagði hún að ef hún ætti að svara Elliða í einni setningu þá væri það með eftirfarandi hætti: „Ekki smíða spegil nema þú sért tilbúinn til að spegla þig í honum sjálfur.“ Katrín listaði síðan upp nokkrar spurningar sem hún svaraði, meðal annars hvort framið hefði verið valdarán á Íslandi árið 2008. Svarið við því væri nei og vísaði hún í dóm Héraðsdóms Reykjavíkur yfir níumenningunum svokölluðu sem sýknaði þá fyrir árás á Alþingi. Hún spurði einnig hvort framið hefði verið valdarán á Íslandi árið 2012 þegar það fram fór þjóðaratkvæðagreiðsla um nýja stjórnarskrá. „Öll barátta stjórnarskrársinna er friðsöm“ „Að vissu leyti er hægt að segja já við því, því eftir lögmæta þjóðaratkvæðagreiðslu um stjórnarskrána lögðust Sjálfstæðismenn í málþóf til að stöðva það að málið kæmist til atkvæðagreiðslu í þinginu og allar götur síðan þá hefur Sjálfstæðisflokkurinn barist gegn því að lýðræðislegur vilji þjóðarinnar nái fram að ganga í þessu risavaxna máli. Samt er þjóðin stjórnarskrárgjafinn. Ef að Elliða þykir svona vænt um leikreglur lýðræðisins þá ætti hann í raun að spegla sig í þessari staðreynd á hverjum einasta morgni á meðan hann rakar sig,“ sagði Katrín. Þá væri svarið við þeirri spurningu hvort hægt væri að tengja baráttuaðferðir Stjórnarskrárfélagsins við aðferðir Trump einfalt nei. „Svarið við þeirri spurningu er mjög einfalt nei. Hvorki Nýja stjórnarskráin né Stjórnarskrárfélagið voru til árið 2008 þegar ég lét þessi orð falla. Ég krafðist fyrst og fremst kosninga. Það hentar hins vegar ekki fólki sem viðhefur þennan málflutning að taka það fram. Það er ákveðið „fake news“ sem blikkar þegar verið er að stilla þessu svona upp hlið við hlið vegna þess að öll barátta stjórnarskrársinna er friðsöm og hvorki Elliði né nokkur annar á nokkur dæmi um annað,“ sagði Katrín. Hlusta má á viðtalið við hana í heild sinni í spilaranum ofar í fréttinni. Stjórnarskrá Bítið Árás á bandaríska þinghúsið Mest lesið Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent „Til hamingju hálfvitar“ Innlent Þrjátíu prestar krefjast dvalarleyfis fyrir Oscar Innlent Svikahrappur beið eftir flugferð framkvæmdastjórans Innlent Stöðvaður á 116 kílómetra hraða Innlent Hvalreki í Njarðvík við Borgarfjörð eystri Innlent Forsætisráðherra vill sjá nýtt fangelsi á Stóra Hrauni sem fyrst Innlent Greint frá dánarorsök páfans Erlent Eldur í öðrum hreyfli vélar Delta í Flórída Erlent Dæmi um að fyrirtæki tapi tugum milljóna í „forstjórasvindli“ Innlent Fleiri fréttir Stöðvaður á 116 kílómetra hraða Þrjátíu prestar krefjast dvalarleyfis fyrir Oscar Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Dæmi um að fyrirtæki tapi tugum milljóna í „forstjórasvindli“ Halla Tómasdóttir minnist „Pope Francis“ Lögmaður þurfi ekki að hafa áhyggjur af þekkingu ráðherra Andlát páfa og svikahrappar sem herja á fólk og fyrirtæki „Stjórnvöldum er að takast að loka Kvikmyndaskóla Íslands“ Vildu ekki til Íslands þegar loks bauðst að snúa heim Hátt í þrettán stiga hiti á sumardaginn fyrsta Gripu innbrotsþjófa glóðvolga Vanþekking ráðherra sé áhyggjuefni Margar fjölskyldur fastar í fátækt svo árum skiptir Ásthildur Lóa setur húsið umdeilda á sölu Gagnrýnir dómsmálaráðherra fyrir að fara með rangt mál um dvalarleyfi Trump-stjórnin virðist ekki hafa neitt plan Skrítið ef ríkið hefur ekki áhuga á Háholti Maðurinn er laus úr haldi „Við megum mótmæla því að verið sé að drepa saklaust fólk“ Ræddi við foreldra og hætta við miklar hækkanir Einn í haldi lögreglu vegna konu með skerta meðvitund Falla frá gjaldskrárhækkunum og árásir á tímum vopnahlés Bjóst ekki við að ríkisstjórnin héldi meirihluta Viðbragð lögreglu og sjúkraflutningamanna í nágrenni Selfoss Vestfjarðaleiðin verði Hringvegur númer tvö Sjá meira
Hún segist fyrst hafa hugsað með sér að hún þyrfti ekki að svara grein Elliða Vignissonar, bæjarstjóra Ölfuss, þar sem hann sagði talsmenn félagsins nota sömu aðferðir og Trump. Elliði hafi hins vegar ekki verið eini Sjálfstæðismaðurinn sem hafi dregið upp þennan samanburð, líkt og Vísir fjallaði um á mánudag, og kveðst Katrín þá hafa hugsað með sér að þetta væri smjörklípa. Hún ræddi þetta mál í Bítinu á Bylgjunni í morgun og sagði orðið „smjörklípu“ útskýra vel ákveðna tækni í stjórnmálum. Það mætti rekja til ömmu Davíðs Oddssonar, fyrrverandi formanns Sjálfstæðisflokksins, sem hefði ekki nennt að hlusta á köttinn mjálma eftir mat. Þakkaði Elliða fyrir að búa til þennan tjáningarglugga „Þá setti hún smá smjör í feldinn og hann fór að sleikja feldinn og gleymdi því algjörlega að hann væri svangur. Þá þarf ég að spyrja mig núna „Nenni ég hérna að sleikja á mér feldinn og tala um það að ég sé alls ekki eins og Trump?““ Hvað ef það er eitthvað fólk þarna úti sem hefur ekki forsendur til að meta það og sjá í gegnum þessa lygi? Þá fer ég að hugsa „Já, það þarf að svara þessu,““ sagði Katrín. Hún sagðist þakka Elliða fyrir að búa til þennan tjáningarglugga fyrir hana til þess að tala um stjórnarskrána og lýðræðið þar sem henni þætti mjög gaman að tala um stjórnarskrárbaráttuna. Þá sagði hún að ef hún ætti að svara Elliða í einni setningu þá væri það með eftirfarandi hætti: „Ekki smíða spegil nema þú sért tilbúinn til að spegla þig í honum sjálfur.“ Katrín listaði síðan upp nokkrar spurningar sem hún svaraði, meðal annars hvort framið hefði verið valdarán á Íslandi árið 2008. Svarið við því væri nei og vísaði hún í dóm Héraðsdóms Reykjavíkur yfir níumenningunum svokölluðu sem sýknaði þá fyrir árás á Alþingi. Hún spurði einnig hvort framið hefði verið valdarán á Íslandi árið 2012 þegar það fram fór þjóðaratkvæðagreiðsla um nýja stjórnarskrá. „Öll barátta stjórnarskrársinna er friðsöm“ „Að vissu leyti er hægt að segja já við því, því eftir lögmæta þjóðaratkvæðagreiðslu um stjórnarskrána lögðust Sjálfstæðismenn í málþóf til að stöðva það að málið kæmist til atkvæðagreiðslu í þinginu og allar götur síðan þá hefur Sjálfstæðisflokkurinn barist gegn því að lýðræðislegur vilji þjóðarinnar nái fram að ganga í þessu risavaxna máli. Samt er þjóðin stjórnarskrárgjafinn. Ef að Elliða þykir svona vænt um leikreglur lýðræðisins þá ætti hann í raun að spegla sig í þessari staðreynd á hverjum einasta morgni á meðan hann rakar sig,“ sagði Katrín. Þá væri svarið við þeirri spurningu hvort hægt væri að tengja baráttuaðferðir Stjórnarskrárfélagsins við aðferðir Trump einfalt nei. „Svarið við þeirri spurningu er mjög einfalt nei. Hvorki Nýja stjórnarskráin né Stjórnarskrárfélagið voru til árið 2008 þegar ég lét þessi orð falla. Ég krafðist fyrst og fremst kosninga. Það hentar hins vegar ekki fólki sem viðhefur þennan málflutning að taka það fram. Það er ákveðið „fake news“ sem blikkar þegar verið er að stilla þessu svona upp hlið við hlið vegna þess að öll barátta stjórnarskrársinna er friðsöm og hvorki Elliði né nokkur annar á nokkur dæmi um annað,“ sagði Katrín. Hlusta má á viðtalið við hana í heild sinni í spilaranum ofar í fréttinni.
Stjórnarskrá Bítið Árás á bandaríska þinghúsið Mest lesið Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent „Til hamingju hálfvitar“ Innlent Þrjátíu prestar krefjast dvalarleyfis fyrir Oscar Innlent Svikahrappur beið eftir flugferð framkvæmdastjórans Innlent Stöðvaður á 116 kílómetra hraða Innlent Hvalreki í Njarðvík við Borgarfjörð eystri Innlent Forsætisráðherra vill sjá nýtt fangelsi á Stóra Hrauni sem fyrst Innlent Greint frá dánarorsök páfans Erlent Eldur í öðrum hreyfli vélar Delta í Flórída Erlent Dæmi um að fyrirtæki tapi tugum milljóna í „forstjórasvindli“ Innlent Fleiri fréttir Stöðvaður á 116 kílómetra hraða Þrjátíu prestar krefjast dvalarleyfis fyrir Oscar Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Dæmi um að fyrirtæki tapi tugum milljóna í „forstjórasvindli“ Halla Tómasdóttir minnist „Pope Francis“ Lögmaður þurfi ekki að hafa áhyggjur af þekkingu ráðherra Andlát páfa og svikahrappar sem herja á fólk og fyrirtæki „Stjórnvöldum er að takast að loka Kvikmyndaskóla Íslands“ Vildu ekki til Íslands þegar loks bauðst að snúa heim Hátt í þrettán stiga hiti á sumardaginn fyrsta Gripu innbrotsþjófa glóðvolga Vanþekking ráðherra sé áhyggjuefni Margar fjölskyldur fastar í fátækt svo árum skiptir Ásthildur Lóa setur húsið umdeilda á sölu Gagnrýnir dómsmálaráðherra fyrir að fara með rangt mál um dvalarleyfi Trump-stjórnin virðist ekki hafa neitt plan Skrítið ef ríkið hefur ekki áhuga á Háholti Maðurinn er laus úr haldi „Við megum mótmæla því að verið sé að drepa saklaust fólk“ Ræddi við foreldra og hætta við miklar hækkanir Einn í haldi lögreglu vegna konu með skerta meðvitund Falla frá gjaldskrárhækkunum og árásir á tímum vopnahlés Bjóst ekki við að ríkisstjórnin héldi meirihluta Viðbragð lögreglu og sjúkraflutningamanna í nágrenni Selfoss Vestfjarðaleiðin verði Hringvegur númer tvö Sjá meira
Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent
Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent