Biden í basli á landamærunum Samúel Karl Ólason skrifar 9. mars 2021 23:01 Joe Biden, forseti Bandaríkjanna, á gangi við Hvíta húsið. AP/Patrick Semansky Þrátt fyrir að Joe Biden, forseti Bandaríkjanna, hafi skrifað undir forsetatilskipanir og gripið til annarra aðgerða á fyrsta degi í embætti, hefur það litlum árangri skilað á landamærum Bandaríkjanna og Mexíkó. Í ljósi þess öngþveitis sem ríkir þar. Biden hefur heitið því að breyta hörðu innflytjendakerfi Bandaríkjanna og gera það skilvirkara og mannúðlegra og gera innflytjendum auðveldara að flytja til Bandaríkjanna með löglegum hætti. Það hefur þó ekki gengið vel og fjöldi ólöglegra innflytjenda á landamærunum hefur fjölgað verulega undanförnum vikum og mánuðum. Í janúar komust landamæraverðir um það bil 78 þúsund sinnum í tæri við innflytjendur á landamærunum. Það er tvöfalt oftar en í janúar í fyrra og hefur í raun ekki gerst jafn oft í áratug. Maður frá Hondúras, sem er í Mexíkó en hefur sótt um hæli í Bandaríkjunum, klæddur í bol sem á stendur: „Biden, vinsamlegast hleyptu okkur inn!“AP/Gregory Bull Biden tók við embætti forseta þann 21. janúar og í kjölfarið fækkaði handtökum á landamærunum verulega. Handtökunum fækkaði um 60 prósent, samanborið við þrjá síðustu mánuði ríkisstjórnar Trumps, samkvæmt frétt Washington Post. Mikil fjölgun barna Þá hefur fjöldi barna sem eru ekki í fylgd fullorðna aukist sérstaklega mikið. Þúsundir barna eru nú í vörslu ríkisins á meðan verið er að leita ættingja þeirra, innan eða utan Bandaríkjanna. Samkvæmt talningu New York Times sem birt var í gær hafði fjöldi þessara barna þrefaldast á undanförnum tveimur vikum og voru minnst 3.250 börn í vörslu landamærayfirvalda. Mörg þeirra eru í húsnæði sem líkist fangelsum og þá hafa mörg verið þar lengur en þá þrjá daga sem lögin segja hámarkið. Auk þessarar gífurlegu fjölgunar hefur faraldur nýju kórónuveirunnar einnig sett strik í reikninginn. Börnin eiga að vera flutt í vörslu heilbrigðis- og félagsmálaráðuneytis Bandaríkjanna en vegna sóttvarna er takmarkaður fjöldi í skýlum ráðuneytisins. Ríkisstjórn Bidens hefur sagt ráðuneytinu að fella fjöldatakmarkanir úr gildi svo fjölga megi rúmum fyrir börn í húsnæði ráðuneytisins. Bandarískir landamæraverðir í El Paso í Texas.AP/Ivan Pierre Aguirre Á föstudaginn í síðustu viku voru rúmlega 8.100 börn, sem höfðu komið til Bandaríkjanna án foreldra sinna, í vörslu heilbrigðis- og félagsmálaráðuneytisins. Það er til viðbótar við börnin sem voru í vörslu landamærayfirvalda. Samhliða þessari miklu fjölgun og plássleysi hefur hundruðum fjölskylda sem höfðu verið stöðvuð á landamærunum verið sleppt í Bandaríkjunum. Gagnrýndur úr öllum áttum Það hefur verið harðlega gagnrýnt af Repúblikönum og íhaldssömum Bandaríkjamönnum. Embættismenn í ríkjum eins og Arizona og Montana hafa til að mynda höfðað mál gegn ríkisstjórn Bidens vegna breyttra viðmiða varðandi handtökur á landamærunum. Þá hefur Biden einnig verið harðlega gagnrýndur af frjálslyndum Bandaríkjamönnum fyrir það að fella ekki niður reglur Donalds Trump, fyrrverandi forseta, að fullu og að opna húsnæði til að halda innflytjendum og þar á meðal börnum. Þær breytingar sem Biden hefur sagst vilja gera munu taka mánuði, ef ekki ár, að ná í gegn. Margar þeirra þurfa að fara í gegnum dómstóla, sem gæti þó tekið minni tíma en að ná þeim fram í gegnum alríkiskerfið. Eins og segir í grein Politico er ljóst að Biden tók við erfiðu kerfi sem er hannað til að gera ekki það sem hann vill og hann hefur ekki verið lengi í starfi enn. Þar að auki hefur mest athygli hans hingað til beinst að faraldri nýju kórónuveirunnar. Vandamálin hrannast upp Politico segir vandamálin hafa hrannast upp á landamærunum en aðgerðaleysi í Hvíta húsinu hafi ekki hjálpað til. Forsetinn hefur þó ekki enn tilnefnt fólk í æðstu stöður innflytjendastofnanna Bandaríkjanna. Þá hafa öldungadeildarþingmenn dregið fæturna í að staðfesta tilnefningu Merrick Garland í embætti dómsmálaráðherra og þar með hefur orðið töf á því að ráða þann háttsetta embættismann sem myndi koma að því að fella reglur Trumps úr gildi. Alejandro Mayorkas, nýr heimavarnaráðherra Bandaríkjanna, í síðustu viku að eftir að hann tók við embættinu þann 2. febrúar, hafi hann séð berum augum að ríkisstjórn Trumps hafi skilið innflytjendakerfi Bandaríkjanna eftir í rústum. Það hefði verið holað að innan. Bandaríkin Mexíkó Donald Trump Joe Biden Mest lesið Sautján milljóna króna greiðslan vekur hneykslan Innlent Dvaldi lengi í Engey áður en hún synti til baka í flasið á hvalaskoðunarskipi Innlent Þrettán þúsund krónur fyrir nótt í tjaldi Innlent Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent Dósent við HÍ „óskaði þess að árásarmaðurinn hefði hitt“ Innlent Diljá Mist segir hræsni einkenna íslenska femínista Innlent Íslensk kona og fjölskylda hennar á sjúkrahúsi eftir árás á Krít Innlent Stórhættulegur framúrakstur á Holtavörðuheiði Innlent Hinn látni í Suðursveit ungur pólskur maður Innlent Íslendingur á sextugsaldri fannst látinn í Taílandi Innlent Fleiri fréttir Biden leggur lokahönd á tillögur að breytingum á hæstarétti Bretar samþykkja sölu dýrafóðurs úr ræktaðri kjötvöru Eitraði fyrir sjálfri sér og ferðafélögum sínum með blásýru Stefna Starmers mörkuð í ræðu konungs Íranir hafna aðild að banatilræðinu Ekkert nema ást og aðdáun á landsþingi Repúblikana Valið á Vance fyrirboði einangrunarhyggju í utanríkismálum Tveir fundust skotnir til bana í brunnum bíl í Malmö Grunar að Íranir hafi skipulagt morð á Trump fyrir atburði vikunnar Vonar að árásin gegn Trump veki Bandaríkjamenn Hver er J.D. Vance? Pattstaða í Frakklandi Segja Musk hyggjast styrkja Trump um 45 milljónir dala á mánuði „Búið að leggja upp dauðafæri fyrir Donald Trump“ Kallaði Trump „Hitler Ameríku“ og studdi Never Trump-hreyfinguna J.D. Vance verður varaforsetaefni Trump Leyniskjalamáli Trump vísað frá dómi Fulltrúar Hamas og Fatah funda í Kína í næstu viku Hringurinn þrengist í leitinni að varaforsetaefni Lík Jay Slater fundið Kallas segir af sér vegna nýja starfsins Raðmorðingi játar að hafa myrt allt að 42 konur Katrínu tekið fagnandi á Wimbledon „Ég ætti að vera dauður“ Tæki 100 flutningabifreiðar 15 ár að flytja húsarústirnar á brott Ávarpaði þjóðina og hvatti menn til að „kæla“ orðræðuna Ástand hinna særðu sagt stöðugt Íslenskir ráðamenn verið skammaðir fyrir að senda Trump batakveðju Hinn látni slökkviliðsmaður sem fórnaði sér fyrir fjölskylduna Fundu sprengjur í bíl og á heimili árásarmannsins Sjá meira
Biden hefur heitið því að breyta hörðu innflytjendakerfi Bandaríkjanna og gera það skilvirkara og mannúðlegra og gera innflytjendum auðveldara að flytja til Bandaríkjanna með löglegum hætti. Það hefur þó ekki gengið vel og fjöldi ólöglegra innflytjenda á landamærunum hefur fjölgað verulega undanförnum vikum og mánuðum. Í janúar komust landamæraverðir um það bil 78 þúsund sinnum í tæri við innflytjendur á landamærunum. Það er tvöfalt oftar en í janúar í fyrra og hefur í raun ekki gerst jafn oft í áratug. Maður frá Hondúras, sem er í Mexíkó en hefur sótt um hæli í Bandaríkjunum, klæddur í bol sem á stendur: „Biden, vinsamlegast hleyptu okkur inn!“AP/Gregory Bull Biden tók við embætti forseta þann 21. janúar og í kjölfarið fækkaði handtökum á landamærunum verulega. Handtökunum fækkaði um 60 prósent, samanborið við þrjá síðustu mánuði ríkisstjórnar Trumps, samkvæmt frétt Washington Post. Mikil fjölgun barna Þá hefur fjöldi barna sem eru ekki í fylgd fullorðna aukist sérstaklega mikið. Þúsundir barna eru nú í vörslu ríkisins á meðan verið er að leita ættingja þeirra, innan eða utan Bandaríkjanna. Samkvæmt talningu New York Times sem birt var í gær hafði fjöldi þessara barna þrefaldast á undanförnum tveimur vikum og voru minnst 3.250 börn í vörslu landamærayfirvalda. Mörg þeirra eru í húsnæði sem líkist fangelsum og þá hafa mörg verið þar lengur en þá þrjá daga sem lögin segja hámarkið. Auk þessarar gífurlegu fjölgunar hefur faraldur nýju kórónuveirunnar einnig sett strik í reikninginn. Börnin eiga að vera flutt í vörslu heilbrigðis- og félagsmálaráðuneytis Bandaríkjanna en vegna sóttvarna er takmarkaður fjöldi í skýlum ráðuneytisins. Ríkisstjórn Bidens hefur sagt ráðuneytinu að fella fjöldatakmarkanir úr gildi svo fjölga megi rúmum fyrir börn í húsnæði ráðuneytisins. Bandarískir landamæraverðir í El Paso í Texas.AP/Ivan Pierre Aguirre Á föstudaginn í síðustu viku voru rúmlega 8.100 börn, sem höfðu komið til Bandaríkjanna án foreldra sinna, í vörslu heilbrigðis- og félagsmálaráðuneytisins. Það er til viðbótar við börnin sem voru í vörslu landamærayfirvalda. Samhliða þessari miklu fjölgun og plássleysi hefur hundruðum fjölskylda sem höfðu verið stöðvuð á landamærunum verið sleppt í Bandaríkjunum. Gagnrýndur úr öllum áttum Það hefur verið harðlega gagnrýnt af Repúblikönum og íhaldssömum Bandaríkjamönnum. Embættismenn í ríkjum eins og Arizona og Montana hafa til að mynda höfðað mál gegn ríkisstjórn Bidens vegna breyttra viðmiða varðandi handtökur á landamærunum. Þá hefur Biden einnig verið harðlega gagnrýndur af frjálslyndum Bandaríkjamönnum fyrir það að fella ekki niður reglur Donalds Trump, fyrrverandi forseta, að fullu og að opna húsnæði til að halda innflytjendum og þar á meðal börnum. Þær breytingar sem Biden hefur sagst vilja gera munu taka mánuði, ef ekki ár, að ná í gegn. Margar þeirra þurfa að fara í gegnum dómstóla, sem gæti þó tekið minni tíma en að ná þeim fram í gegnum alríkiskerfið. Eins og segir í grein Politico er ljóst að Biden tók við erfiðu kerfi sem er hannað til að gera ekki það sem hann vill og hann hefur ekki verið lengi í starfi enn. Þar að auki hefur mest athygli hans hingað til beinst að faraldri nýju kórónuveirunnar. Vandamálin hrannast upp Politico segir vandamálin hafa hrannast upp á landamærunum en aðgerðaleysi í Hvíta húsinu hafi ekki hjálpað til. Forsetinn hefur þó ekki enn tilnefnt fólk í æðstu stöður innflytjendastofnanna Bandaríkjanna. Þá hafa öldungadeildarþingmenn dregið fæturna í að staðfesta tilnefningu Merrick Garland í embætti dómsmálaráðherra og þar með hefur orðið töf á því að ráða þann háttsetta embættismann sem myndi koma að því að fella reglur Trumps úr gildi. Alejandro Mayorkas, nýr heimavarnaráðherra Bandaríkjanna, í síðustu viku að eftir að hann tók við embættinu þann 2. febrúar, hafi hann séð berum augum að ríkisstjórn Trumps hafi skilið innflytjendakerfi Bandaríkjanna eftir í rústum. Það hefði verið holað að innan.
Bandaríkin Mexíkó Donald Trump Joe Biden Mest lesið Sautján milljóna króna greiðslan vekur hneykslan Innlent Dvaldi lengi í Engey áður en hún synti til baka í flasið á hvalaskoðunarskipi Innlent Þrettán þúsund krónur fyrir nótt í tjaldi Innlent Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent Dósent við HÍ „óskaði þess að árásarmaðurinn hefði hitt“ Innlent Diljá Mist segir hræsni einkenna íslenska femínista Innlent Íslensk kona og fjölskylda hennar á sjúkrahúsi eftir árás á Krít Innlent Stórhættulegur framúrakstur á Holtavörðuheiði Innlent Hinn látni í Suðursveit ungur pólskur maður Innlent Íslendingur á sextugsaldri fannst látinn í Taílandi Innlent Fleiri fréttir Biden leggur lokahönd á tillögur að breytingum á hæstarétti Bretar samþykkja sölu dýrafóðurs úr ræktaðri kjötvöru Eitraði fyrir sjálfri sér og ferðafélögum sínum með blásýru Stefna Starmers mörkuð í ræðu konungs Íranir hafna aðild að banatilræðinu Ekkert nema ást og aðdáun á landsþingi Repúblikana Valið á Vance fyrirboði einangrunarhyggju í utanríkismálum Tveir fundust skotnir til bana í brunnum bíl í Malmö Grunar að Íranir hafi skipulagt morð á Trump fyrir atburði vikunnar Vonar að árásin gegn Trump veki Bandaríkjamenn Hver er J.D. Vance? Pattstaða í Frakklandi Segja Musk hyggjast styrkja Trump um 45 milljónir dala á mánuði „Búið að leggja upp dauðafæri fyrir Donald Trump“ Kallaði Trump „Hitler Ameríku“ og studdi Never Trump-hreyfinguna J.D. Vance verður varaforsetaefni Trump Leyniskjalamáli Trump vísað frá dómi Fulltrúar Hamas og Fatah funda í Kína í næstu viku Hringurinn þrengist í leitinni að varaforsetaefni Lík Jay Slater fundið Kallas segir af sér vegna nýja starfsins Raðmorðingi játar að hafa myrt allt að 42 konur Katrínu tekið fagnandi á Wimbledon „Ég ætti að vera dauður“ Tæki 100 flutningabifreiðar 15 ár að flytja húsarústirnar á brott Ávarpaði þjóðina og hvatti menn til að „kæla“ orðræðuna Ástand hinna særðu sagt stöðugt Íslenskir ráðamenn verið skammaðir fyrir að senda Trump batakveðju Hinn látni slökkviliðsmaður sem fórnaði sér fyrir fjölskylduna Fundu sprengjur í bíl og á heimili árásarmannsins Sjá meira
Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent
Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent