Gekk á nýju hrauni rétt fyrir sprengingu Kjartan Kjartansson skrifar 11. apríl 2021 14:37 Ljóst er að maðurinn hefur teflt lífi sínu í hættu með því að klifra upp á nýstorknað hraun. Skömmu eftir að myndin var tekin hristist jörð af krafti. Kévin Pagès Ljósmyndari sem var á ferð við hraun úr gossprungunni á Reykjanesi sem opnaðist á öðrum degi páska varð vitni að því að maður fór upp á nýtt hraunið til að komast nær rennandi hrauntaumunum Nokkrum mínútum síðar varð sprenging neðanjarðar sem skók alla nærstadda. Atvikið átti sér stað um klukkan fjögur síðdegis á föstudag. Kévin Pagès, franskur ljósmyndari sem er búsettur hér á landi, var að taka myndir af nýja hrauninu þegar hann varð var við mann sér á vinstri hönd sem virtist standa ofan á því. „Ég hélt fyrst að þetta væri bara sjónarhornið og hann stæði ekki ofan á hrauninu en þegar ég gáði var hann í raun og veru gangandi á hrauninu,“ segir Kévin við Vísi. Maðurinn var með lítinn þrífót og tók myndir á síma sinn. Kévin segir að sér hafi virst að hann hafi með athæfi sínu reynt að komast nær rennandi hrauninu til að ná betri myndum. Almannavarnir sendu frá sér tilkynningu í dag þar sem kom fram að töluvert hafi borið á því að almenningur fari inn á skilgreint hættusvæði við gosstöðvarnar og jafnvel inn á þröng svæði á milli hrauntungna. Varað er við því að lítið megi út af bregða og fólk gæti lokast inn. Sprenging undir fótum þeirra Um tíu til fimmtán mínútum síðar hrökk Kévin og ferðafélagi hans í kút þegar jörðin lyftist undir fótum þeirra í því sem virtist sprenging neðanjarðar. Þá stóð maðurinn ennþá uppi á hrauninu en forðaði sér eins og aðrir. „Ég hef aldrei upplifað annað eins. Þetta var eins og sprengja undir fótum mér, það er erfitt að lýsa þessu,“ segir Kévin. Um nóttina opnaðist svo ný gossprunga á milli þeirra tveggja sem mynduðustu á öðrum degi páska og á aðfaranótt miðvikudags. Óttast að fleiri hermi eftir Fyrsta hugsun Kévin var að maðurinn sem klifraði upp á hraunið væri vitleysingur sem setti líf sitt í hættu. Jafnvel þó að fólk sem stendur nærri hrauninu telji sig nokkuð öruggt séu aðstæður óútreiknanlegar. Það gefi augaleið að það sé ekki öruggt að ganga ofan á fjögurra daga gömlu hrauni. Kévin vildi ekki ræða við manninn því það kraumaði á honum. Hann hafi ekki þekkt deili á manninum og veit ekki hvort hann var íslenskur eða erlendur ferðamaður. „Fólk hugsar bara um sjálft sig. Það íhugar ekki að ef eitthvað kemur fyrir það þurfa sjálfboðaliðar úr björgunarsveitum að gera eitthvað og setja líf sitt í hættu vegna svona hegðunar,“ segir Kévin. Reglur séu settar um umgengni vegna þess að fólk brjóti þær. Allir þurfi að greiða fyrir þá hegðun. „Þetta er það sama og með fólk sem rýfur sóttkví vegna Covid-19,“ segir hann. Kévin Pagès við eldgosið á Reykjanesi. Hann hefur farið oft til að mynda gosið fyrir viðskiptavini sína.Kévin Pagès Í vinnu sinni hefur Kévin farið oft að eldstöðinni á Reykjanesi en þetta segir hann hafa verið heimskulegustu hegðunina sem hann hefur séð til þessa. Sumir geri óskynsama hluti eins og að baka hluti í hrauninu en flestir haldi sig við jaðar þess. „Þetta er í fyrsta skipti sem ég sé einhvern gera þetta,“ segir hann. Kévin óttast að þegar ferðamenn koma aftur til landsins gætu þeir hermt eftir hegðun sem þessari. „Þannig virkar þetta, fólk eltir hegðun annarra,“ segir hann. Fann einnig jarðskjálfta áður en sprunga opnaðist um páskana Varðandi sprenginguna sem Kévin fann segir hann að fólk sem var statt annars staðar á gossvæðinu hafi ekki fundið hana. Hann telur hana merki um hreyfingar sem voru undanfarar þess að ný sprunga opnaðist þá um nóttina. Hann var einnig staddur á gosstöðvunum á mánudag áður en sprungan sem dældi hrauni niður í Meradali opnaðist. Þá fann hann fyrir jarðskjálfta þegar hann var að taka myndir. Um hálftíma síðar opnaðist nýja sprungan. „Ég held að við getum fundið ef eitthvað er að gerast því ég hef upplifað þetta tvisvar núna,“ segir hann. Eldgos í Fagradalsfjalli Mest lesið Það getur skipt máli fyrir heilsuna hvar þú situr í flugvél Innlent Trump hafi „misst kúlið“ í kjölfar ákvörðunar Bidens Erlent Þróunin sé merki um að afleiðingar Covid séu betur að koma í ljós Innlent Þekkir Kamölu Harris: „Ég held að hún eigi eftir að rassskella hann nokkrum sinnum“ Erlent Kourani tekur upp íslenskt nafn Innlent Nafn Íslendingsins sem fannst látinn í Taílandi Innlent Lenti í ofbeldissambandi með frönskum bíl Innlent Fínn hvítur salli gerir íbúum Laugarneshverfis lífið leitt Innlent Skólabílstjóri og hestamálari úr Hvalfjarðarsveit Innlent „Ég skil ekki af hverju þær fagna því ekki bara“ Innlent Fleiri fréttir Það getur skipt máli fyrir heilsuna hvar þú situr í flugvél Skólabílstjóri og hestamálari úr Hvalfjarðarsveit Þróunin sé merki um að afleiðingar Covid séu betur að koma í ljós Jákvæðar hliðar færri ferðamanna og vendingar í bandarískum stjórnmálum Fínn hvítur salli gerir íbúum Laugarneshverfis lífið leitt Kourani tekur upp íslenskt nafn Lenti í ofbeldissambandi með frönskum bíl Hafa áhyggjur af auknu ofbeldi, áhættuhegðun og vopnaburði barna Ná síður að hirða salernispappír vegna niðurskurðar „Ég skil ekki af hverju þær fagna því ekki bara“ Nafn Íslendingsins sem fannst látinn í Taílandi Málflutningur Viðskiptaráðs óásættanlegur Sú eina sem kemur til greina, afdráttarlaus ráðherra og klósettvandræði Mikill meirihluti landsmanna mótfallinn sjókvíaeldi Fjallar um móður sína sem er fyrsti Íslendingurinn ættleiddur frá Asíu Skerjafjarðarskáld skriplar á skötu en gefst ekki upp Þjófnaðir í matvöruverslunum og óvelkominn gestur „Eina spilið sem þeir áttu eftir á hendi“ Reiknar með 15 þúsund manns í Herjólfsdal „Ég hef ekki aðgang að vatni neins staðar annars staðar“ Opnun Sorpu frestað vegna ölvaðs manns með háreysti Glæsilegt biblíusafn í Vestmannaeyjum „Alvarlega vanfjármögnuð“ í viðhaldinu Næga atvinnu að hafa á Vopnafirði Gríðarleg sprunga í Hagafelli vekur athygli Vígreifur Trump, umdeild goslokaspá og vopnfirskt atvinnulíf Landtöku Ísraela skuli hætt Vegagerð, veðmálastarfsemi og kosningar vestanhafs Skógur á Snæfellsnesi undirlagður salernispappír Land rís enn með aukinni skjálftavirkni Sjá meira
Atvikið átti sér stað um klukkan fjögur síðdegis á föstudag. Kévin Pagès, franskur ljósmyndari sem er búsettur hér á landi, var að taka myndir af nýja hrauninu þegar hann varð var við mann sér á vinstri hönd sem virtist standa ofan á því. „Ég hélt fyrst að þetta væri bara sjónarhornið og hann stæði ekki ofan á hrauninu en þegar ég gáði var hann í raun og veru gangandi á hrauninu,“ segir Kévin við Vísi. Maðurinn var með lítinn þrífót og tók myndir á síma sinn. Kévin segir að sér hafi virst að hann hafi með athæfi sínu reynt að komast nær rennandi hrauninu til að ná betri myndum. Almannavarnir sendu frá sér tilkynningu í dag þar sem kom fram að töluvert hafi borið á því að almenningur fari inn á skilgreint hættusvæði við gosstöðvarnar og jafnvel inn á þröng svæði á milli hrauntungna. Varað er við því að lítið megi út af bregða og fólk gæti lokast inn. Sprenging undir fótum þeirra Um tíu til fimmtán mínútum síðar hrökk Kévin og ferðafélagi hans í kút þegar jörðin lyftist undir fótum þeirra í því sem virtist sprenging neðanjarðar. Þá stóð maðurinn ennþá uppi á hrauninu en forðaði sér eins og aðrir. „Ég hef aldrei upplifað annað eins. Þetta var eins og sprengja undir fótum mér, það er erfitt að lýsa þessu,“ segir Kévin. Um nóttina opnaðist svo ný gossprunga á milli þeirra tveggja sem mynduðustu á öðrum degi páska og á aðfaranótt miðvikudags. Óttast að fleiri hermi eftir Fyrsta hugsun Kévin var að maðurinn sem klifraði upp á hraunið væri vitleysingur sem setti líf sitt í hættu. Jafnvel þó að fólk sem stendur nærri hrauninu telji sig nokkuð öruggt séu aðstæður óútreiknanlegar. Það gefi augaleið að það sé ekki öruggt að ganga ofan á fjögurra daga gömlu hrauni. Kévin vildi ekki ræða við manninn því það kraumaði á honum. Hann hafi ekki þekkt deili á manninum og veit ekki hvort hann var íslenskur eða erlendur ferðamaður. „Fólk hugsar bara um sjálft sig. Það íhugar ekki að ef eitthvað kemur fyrir það þurfa sjálfboðaliðar úr björgunarsveitum að gera eitthvað og setja líf sitt í hættu vegna svona hegðunar,“ segir Kévin. Reglur séu settar um umgengni vegna þess að fólk brjóti þær. Allir þurfi að greiða fyrir þá hegðun. „Þetta er það sama og með fólk sem rýfur sóttkví vegna Covid-19,“ segir hann. Kévin Pagès við eldgosið á Reykjanesi. Hann hefur farið oft til að mynda gosið fyrir viðskiptavini sína.Kévin Pagès Í vinnu sinni hefur Kévin farið oft að eldstöðinni á Reykjanesi en þetta segir hann hafa verið heimskulegustu hegðunina sem hann hefur séð til þessa. Sumir geri óskynsama hluti eins og að baka hluti í hrauninu en flestir haldi sig við jaðar þess. „Þetta er í fyrsta skipti sem ég sé einhvern gera þetta,“ segir hann. Kévin óttast að þegar ferðamenn koma aftur til landsins gætu þeir hermt eftir hegðun sem þessari. „Þannig virkar þetta, fólk eltir hegðun annarra,“ segir hann. Fann einnig jarðskjálfta áður en sprunga opnaðist um páskana Varðandi sprenginguna sem Kévin fann segir hann að fólk sem var statt annars staðar á gossvæðinu hafi ekki fundið hana. Hann telur hana merki um hreyfingar sem voru undanfarar þess að ný sprunga opnaðist þá um nóttina. Hann var einnig staddur á gosstöðvunum á mánudag áður en sprungan sem dældi hrauni niður í Meradali opnaðist. Þá fann hann fyrir jarðskjálfta þegar hann var að taka myndir. Um hálftíma síðar opnaðist nýja sprungan. „Ég held að við getum fundið ef eitthvað er að gerast því ég hef upplifað þetta tvisvar núna,“ segir hann.
Eldgos í Fagradalsfjalli Mest lesið Það getur skipt máli fyrir heilsuna hvar þú situr í flugvél Innlent Trump hafi „misst kúlið“ í kjölfar ákvörðunar Bidens Erlent Þróunin sé merki um að afleiðingar Covid séu betur að koma í ljós Innlent Þekkir Kamölu Harris: „Ég held að hún eigi eftir að rassskella hann nokkrum sinnum“ Erlent Kourani tekur upp íslenskt nafn Innlent Nafn Íslendingsins sem fannst látinn í Taílandi Innlent Lenti í ofbeldissambandi með frönskum bíl Innlent Fínn hvítur salli gerir íbúum Laugarneshverfis lífið leitt Innlent Skólabílstjóri og hestamálari úr Hvalfjarðarsveit Innlent „Ég skil ekki af hverju þær fagna því ekki bara“ Innlent Fleiri fréttir Það getur skipt máli fyrir heilsuna hvar þú situr í flugvél Skólabílstjóri og hestamálari úr Hvalfjarðarsveit Þróunin sé merki um að afleiðingar Covid séu betur að koma í ljós Jákvæðar hliðar færri ferðamanna og vendingar í bandarískum stjórnmálum Fínn hvítur salli gerir íbúum Laugarneshverfis lífið leitt Kourani tekur upp íslenskt nafn Lenti í ofbeldissambandi með frönskum bíl Hafa áhyggjur af auknu ofbeldi, áhættuhegðun og vopnaburði barna Ná síður að hirða salernispappír vegna niðurskurðar „Ég skil ekki af hverju þær fagna því ekki bara“ Nafn Íslendingsins sem fannst látinn í Taílandi Málflutningur Viðskiptaráðs óásættanlegur Sú eina sem kemur til greina, afdráttarlaus ráðherra og klósettvandræði Mikill meirihluti landsmanna mótfallinn sjókvíaeldi Fjallar um móður sína sem er fyrsti Íslendingurinn ættleiddur frá Asíu Skerjafjarðarskáld skriplar á skötu en gefst ekki upp Þjófnaðir í matvöruverslunum og óvelkominn gestur „Eina spilið sem þeir áttu eftir á hendi“ Reiknar með 15 þúsund manns í Herjólfsdal „Ég hef ekki aðgang að vatni neins staðar annars staðar“ Opnun Sorpu frestað vegna ölvaðs manns með háreysti Glæsilegt biblíusafn í Vestmannaeyjum „Alvarlega vanfjármögnuð“ í viðhaldinu Næga atvinnu að hafa á Vopnafirði Gríðarleg sprunga í Hagafelli vekur athygli Vígreifur Trump, umdeild goslokaspá og vopnfirskt atvinnulíf Landtöku Ísraela skuli hætt Vegagerð, veðmálastarfsemi og kosningar vestanhafs Skógur á Snæfellsnesi undirlagður salernispappír Land rís enn með aukinni skjálftavirkni Sjá meira